بھارتی ڈس انفارمیشن: جعلی سیکیورٹی تھریٹس نے پاکستان کے کرکٹ دورے کس طرح سبوتاژ کیے؟
اشاعت کی تاریخ: 24th, February 2025 GMT
ہندوستانی ڈس انفارمیشن نیٹ ورکس نے ایک بار پھر پاکستان کے خلاف من گھڑت بیانیے کی ایک تازہ لہر شروع کردی۔
یہ بھی پڑھیں: بلوچستان میں دہشتگردانہ حملوں پر بھارتی میڈیا کا مذموم پروپیگنڈا اور انتہائی شرم ناک کردار
اس بار آئی سی سی چیمپئنز ٹرافی 2025 کو نشانہ بنایا گیا ہے اور ہر نیا دن فریب پر مبنی ایک نئی مہم لے کر آتا ہے۔ اس بار بے بنیاد سیکیورٹی خدشات پھیلانے کا مقصد اس باوقار بین الاقوامی ایونٹ کی میزبانی کے پاکستان کے حق کو سبوتاژ کرنا ہے۔
ہندوستانی ریاست سے منسلک سوشل میڈیا ایکٹرز اس بات کا پروپیگنڈا کر رہے ہیں کہ ان کی انٹیلی جنس ایجنسیوں کو ٹورنامنٹ کے دوران نام نہاد دولت اسلامیہ خراسان صوبہ (آئی ایس کے پی) کے ممکنہ حملے کے بارے میں پتا چلا ہے۔ بھارتی سوشل میڈیا ان غیر تصدیق شدہ رپورٹس کو بھی آگے بڑھا رہا ہے کہ بھارتی ایجنسیوں کو کچھ غیر ملکی ایجنسیوں نے بھی مبینہ طور پر پاکستان میں خطرات کے بارے میں ہندوستان کو خبردار کیا ہے۔
خوف و ہراس پھیلنے کا مقصد پاکستان کے سیکیورٹی ماحول کے بارے میں شکوک و شبہات پیدا کرنے اور انٹرنیشنل کرکٹ کونسل (آئی سی سی) پر ٹورنامنٹ کو دوسری جگہ منتقل کرنے کے لیے دباؤ ڈالنے کے لیے ایک چال کے سوا کچھ نہیں۔
مزید پڑھیے: بنگلہ دیش میں ہندو مخالف تشدد کی خبریں بھارتی پروپیگنڈا قرار
پیٹرن واضح ہے کہ بھارت نے پاکستان کو سفارتی، اقتصادی اور اب کھیلوں میں بھی تنہا کرنے کے لیے مسلسل غلط معلومات کو ہتھیار بنایا ہوگا ہے۔
گزشتہ جعلی سیکیورٹی تھریٹستمبر 2021 میں نیوزی لینڈ اور انگلینڈ کی کرکٹ ٹیموں نے سیکیورٹی خدشات کا حوالہ دیتے ہوئے پاکستان کے اپنے طے شدہ دورے منسوخ کر دیے تھے۔
پاکستانی حکام کی جانب سے بعد میں کی جانے والی تحقیقات سے پتا چلا کہ یہ سیکیورٹی الرٹس ہندوستان سے شروع ہوئے تھے جن کا مقصد پاکستان کو ایک سییکورٹی خطرے کے طور پر پیش کرنا اور ملک میں بین الاقوامی کرکٹ کی سرگرمیوں میں خلل ڈالنا ہے۔
بنیادی طور پر افغانستان میں سرگرم گروپ آئی ایس کے پی کو پاکستان سے جوڑنے کا بھارتی پروپیگنڈے کا مقصد اس غلط تصور کو تقویت دینا ہے کہ پاکستان عدم استحکام کا مرکز ہے۔ تاہم یہ دعوے اس حقیقت کو آسانی سے نظر انداز کر دیتے ہیں کہ پاکستان نے دہشتگردی کے بڑے نیٹ ورکس کو کامیابی کے ساتھ ختم کر دیا ہے جب کہ خود بھارت کو اپنی سرحدوں کے اندر بڑھتی ہوئی شورشوں اور انتہا پسندانہ سرگرمیوں کا سامنا ہے۔
ہندوستانی بیانیے ان کے جھوٹ کو معتبر بنانے کے لیے اکثر مبہم ’غیر ملکی انٹیلی جنس بریفنگ‘ کا حوالہ دیتے ہیں لیکن کسی بھی معتبر بین الاقوامی سیکیورٹی ایجنسی نے ان دعوؤں کی تصدیق نہیں کی ہے جس سے یہ واضح ہوتا ہے کہ یہ پاکستان کو بدنام کرنے کی ایک اور منظم کوشش ہے۔
یہ مہم پاکستان کو کمزور کرنے کے لیے جھوٹ پھیلانے کی ہندوستان کا پرانا وتیرہ اور ہسٹری ہے۔
مزید پڑھیں: بھارتی پروپیگنڈا فلم ’دی گوٹ لائف‘میں کتنے جھوٹ بولے گئے؟
ای یو ڈس انفو لیب کی جانب سے بھارتی پروپیگنڈا نیٹ ورکس کے بے نقاب ہونے سے لے کر چائنا پاکستان اکنامک کوریڈور (سی پیک) کے خلاف بار بار کی جانے والی غلط معلومات کی مہم تک پیٹرن وہی ہے۔ بھارت اپنے جغرافیائی سیاسی مفادات کی تکمیل کے لیے بحرانوں کو گھڑتا ہے۔
پاکستان کا غیر متزلزل ردعملان کوششوں کے باوجود پاکستان ایک محفوظ اور عالمی معیار کے ماحول میں آئی سی سی چیمپئنز ٹرافی 2025 کی میزبانی کے لیے پرعزم ہے۔
بین الاقوامی کھیلوں کے مقابلوں کی کامیابی کے ساتھ میزبانی کرنے کا ملک کا ٹریک ریکارڈ، بشمول بین الاقوامی ٹیموں پر مشتمل کرکٹ ٹورنامنٹس کا انعقاد، اس بات کا ثبوت ہے۔
سیکیورٹی کے انتظامات مضبوط ہیں اور پاکستان نے کھیلوں کے محفوظ انعقاد کو یقینی بنانے کے لیے اپنی صلاحیت کا مظاہرہ کیا ہے۔
یہ بھی پڑھیے: تربت ایئر بیس پر حملے سے متعلق بھارت کا بے بنیاد پروپیگنڈا بے نقاب
بھارت کا بے بنیاد پروپیگنڈا پاکستان میں کرکٹ کے مستقبل کا فیصلہ نہیں کرے گا۔ بین الاقوامی برادری اور کرکٹ کے اداروں کو اس بات کو تسلیم کرنا چاہیے کہ یہ واقعی کیا ہے۔ یہ دنیا کو گمراہ کرنے کی ایک سوچی سمجھی سیاسی کوشش ہے۔
پاکستان چیمپیئنز ٹرافی کا انعقاد احسن طور پر کر رہا ہے اور یہ جعلی خبریں اور پروپیگنڈے بے سود ثابت ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپیئنز ٹرافی 20225 بھارتی پروپیگنڈا پاکستان کے خلاف بھارتی پروپیگنڈا پاکستان میں فیک سیکیورٹی تھریٹس.ذریعہ: WE News
کلیدی لفظ: ا ئی سی سی چیمپیئنز ٹرافی 20225 بین الاقوامی پاکستان کو پاکستان کے کا مقصد کے لیے
پڑھیں:
بھارتی نژاد بینکم برہم بھٹ پر 500 ملین ڈالر کے فراڈ کا الزام، جعلی ایمیلز سے اداروں کو کیسے لوٹا؟
دنیا کی معروف سرمایہ کاری فرم بلیک راک اور متعدد بین الاقوامی قرض دہندگان کو اس وقت شدید پریشانی کا سامنا ہوا انہیں جب یہ انکشاف ہوا کہ انہوں نے 500 ملین ڈالر سے زائد رقم ایک مبینہ فراڈ میں کھو دی ہے، جس کے مرکزی کردار بھارتی نژاد ٹیلی کام ایگزیکٹو بینکم برہم بھٹ بتائے جا رہے ہیں۔
وال اسٹریٹ جرنل کی ایک خصوصی رپورٹ کے مطابق، بلیک راک کی ذیلی سرمایہ کاری کمپنی ایچ پی ایس انوسٹمنٹ پارٹنرز اور دیگر مالیاتی اداروں نے امریکی عدالت میں مقدمہ دائر کیا ہے، جس میں الزام عائد کیا گیا ہے کہ برہم بھٹ نے اپنی ٹیلی کام کمپنیوں براڈ بینڈ ٹیلی کام اور بریج وائس کے ذریعے جعلی انوائسز اور فرضی اکاؤنٹس ریسیویبلز بنا کر قرض حاصل کیے۔
یہ بھی پڑھیے: ’ڈیجیٹل گرفتاری‘ کے نام پر شہری سے 51 لاکھ روپے کا فراڈ
رپورٹ کے مطابق، ان کمپنیوں نے مالی طور پر مستحکم ہونے کا ایک جعلی تاثر پیش کیا، جبکہ دراصل بڑی رقم بھارت اور ماریشس کے آف شور اکاؤنٹس میں منتقل کی جا رہی تھی۔
مقدمے میں کہا گیا ہے کہ برہم بھٹ کے نیٹ ورک پر 500 ملین ڈالر سے زیادہ واجب الادا ہیں۔ فرانسیسی بینک بی این پی پیریبا نے بھی ان قرضوں کی فنانسنگ میں حصہ لیا تھا، جو ایچ پی ایس نے برہم بھٹ کی کمپنیوں کو دیے۔ تاہم بینک نے اس معاملے پر تبصرہ کرنے سے گریز کیا ہے۔
یہ اسکینڈل ایسے وقت میں سامنے آیا ہے جب بلیک راک نے رواں سال ہی ایچ پی ایس کو خرید کر پرائیویٹ کریڈٹ مارکیٹ میں اپنی موجودگی کو بڑھایا ہے۔
جولائی 2025 میں ایچ پی ایس کے ایک ملازم نے گاہکوں کے ای میل پتوں میں مشکوک مماثلت دیکھی، جو جعلی ڈومینز سے بنائے گئے تھے۔ مزید تحقیقات سے انکشاف ہوا کہ بعض ‘کلائنٹس’ دراصل وجود ہی نہیں رکھتے تھے۔
یہ بھی پڑھیے: ہاؤسنگ اسکیموں کے فراڈ سے کیسے بچاجائے؟ نیب کا اہم اقدام سامنے آگیا
جب ایچ پی ایس حکام نے بینکم برہم بھٹ سے وضاحت طلب کی، تو اس نے پہلے معاملہ ٹالنے کی کوشش کی اور پھر فون اٹھانا ہی بند کر دیا۔ جب کمپنی کے دفاتر گارڈن سٹی (نیویارک) میں چیک کیے گئے تو وہ بند اور ویران پائے گئے۔
رپورٹ کے مطابق، تحقیقات میں معلوم ہوا کہ گزشتہ دو سالوں میں فراہم کیے گئے تمام کلائنٹ ای میلز جعلی تھے، جبکہ بعض معاہدے 2018 تک پرانے جعلی دستاویزات پر مبنی تھے۔
عدالتی شکایت میں کہا گیا ہے کہ بینکم برہم بھٹ نے کاغذی اثاثوں پر مبنی ایک خیالی بیلنس شیٹ تیار کی، تاکہ بین الاقوامی سرمایہ کاروں سے کروڑوں ڈالر کے قرض حاصل کیے جا سکیں۔ مزید الزام ہے کہ اس نے رقوم کو خفیہ طور پر بھارت اور ماریشس کے اکاؤنٹس میں منتقل کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کرپشن کمپنی مالیاتی بدعنوانی
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند