پی اے سی کا بڑا فیصلہ ، تین سو بڑے ڈیفالٹر اور سابق سیکرٹری راشد لنگڑیال کو طلب کرلیا ، تفصیلات سب نیوز پر
اشاعت کی تاریخ: 25th, February 2025 GMT
پی اے سی کا بڑا فیصلہ ، تین سو بڑے ڈیفالٹر اور سابق سیکرٹری راشد لنگڑیال کو طلب کرلیا ، تفصیلات سب نیوز پر WhatsAppFacebookTwitter 0 25 February, 2025 سب نیوز
اسلام آباد:پبلک اکاؤنٹس کمیٹی نے بجلی کی تقسیم کار کمپنیوں کے سب سے بڑے تین سو ڈیفالٹرز کی فہرست طلب کر لی۔ کمیٹی رکن نواب خالد مگسی نے کہا کہ سب سے بڑی ڈیفالٹر حکومت بلوچستان خود ہے،،شیر ارباب علی کا کہنا تھاپاور سیکٹر کی ناکامی خالص گورننس کی ناکامی ہے۔۔تفصیلات کے مطابق پبلک اکاؤنٹس کمیٹی نے بجلی کی تقسیم کار کمپنیوں کے سب سے بڑے تین سو ڈیفالٹرز کی فہرست طلب کر لی۔
نواب خالد مگسی نے کہا کہ سب سے بڑی ڈیفالٹر حکومت بلوچستان خود ہے،
شیر ارباب علی نے کہا کہ پاور سیکٹر کی ناکامی خالص گورننس کی ناکامی ہے،
سیکریٹری پاور ڈویژن نے کہا کہ ڈسکوز نے 162 ارب کی ریکوری کے ورکنگ پیپرز جمع کروائے ہیں، واجبات کی ریکوری کی پروگریس خود مانیٹر کروں گا،
چیئرمین کمیٹی نے آڈیٹر جنرل کو آئندہ روز تک 162 ارب کی ریکوری کی تصدیق کی ہدایت کر دی
چیئرمین پی اے سی کو پاور ڈویژن کو ہر ماہ میں دو ڈی اے سی کرنے کی ہدایت کی گئی ہے ۔
کمیٹی نے ڈسکوز سے ریکوری پر ماہانہ رپورٹ بھی طلب کرلی ۔
خواجہ شیراز نے کہا کہ کیا ابھی تک کسی کو اس پر سزا بھی دی گئی ہے،
پاور ڈویژن کے پاس کوئی قانون ہی موجود نہیں جس کے تحت کیس چل سکے،
سید حسین طارق نے کہا کہ لگ یہی رہا ہے کہ مستقبل میں غریب کو بجلی سے محروم کیا جائے، پہلے اسے گرفتار کریں جو بجلی چوری میں ملوث ہے،
چیئرمین کمیٹی نے کہاکہ آئندہ اجلاس میں یہ بھی بتائیں کہ کتنے بجلی چوری افسران کے خلاف کاروائی کی گئی ہے،
پی اے سی نے سابق سیکرٹری پاور راشد لنگڑیال کو آئندہ اجلاس میں طلب کر لیا ۔
سابق سیکرٹری پاور راشد لنگڑیال پر وزارت میں ایک ہزار گاڑیاں خریدنے کا الزام ہے،
ذریعہ: Daily Sub News
کلیدی لفظ: راشد لنگڑیال سابق سیکرٹری پی اے سی تین سو
پڑھیں:
بجلی مزید مہنگی ہوگی،نئے بجٹ میں صارفین پر 10 فیصد اضافی سرچارج عائد کرنے کا فیصلہ
data-id="863a0a8" data-element_type="widget" data-widget_type="theme-post-content.default">
اسلام آباد(مانیٹرنگ ڈیسک ) نئے مالی سال کے بجٹ میں بجلی صارفین پر اضافی سرچارج عاید کرنے کا فیصلہ کیا گیا ہے، جس کے نتیجے میں بجلی مزید مہنگی ہو سکتی ہے۔ذرائع کے مطابق بجلی کے بلوں پر عاید سرچارج کی موجودہ 10 فیصد حد ختم کرنے اور نیپرا ایکٹ میں ترمیم کے ذریعے حکومت کو بلوں میں اضافہ کرنے کا اختیار دینے کا فیصلہ زیر غور ہے۔ اس ترمیم کے تحت حکومت مخصوص مدت اور کیس ٹو کیس بنیاد پر سرچارج میں اضافہ کر سکے گی۔اس حوالے سے ذرائع نے بتایا کہ بجلی صارفین سے فی یونٹ 3 روپے 23 پیسے تک سرچارج وصول کرنے کی تجویز دی گئی ہے، تاہم فی الحال سرچارج میں اضافے کا کوئی حتمی فیصلہ نہیں کیا گیا ہے۔اس ترمیم کے بعد حکومت بجٹ یا دیگر مالی حالات کے مطابق بجلی بلوں میں اضافی سرچارج عاید کر سکے گی، جس سے عام صارفین پر مہنگائی کا نیا دباؤ پڑنے کا امکان ہے۔ماضی میں بجلی کے بلوں پر عاید سرچارج کے ذریعے حکومت گردشی قرضے کے سود کی ادائیگی کرتی رہی ہے۔ اب ایک بار پھر گردشی قرضے کے بوجھ کو کم کرنے کے لیے حکومت نے 1275 ارب روپے کا قرض لینے کی منصوبہ بندی کی ہے، جو کمرشل بینکوں سے حاصل کیا جائے گا اور یہ قرض آئندہ 6 سال کے دوران صارفین سے وصول کیے جانے والے سرچارج کے ذریعے واپس کیا جائے گا۔ توانائی شعبے کے ماہرین کا کہنا ہے کہ اگر نیپرا ایکٹ میں ترمیم ہوگئی تو بجلی کی قیمتوں میں مستقل اضافے کی راہ ہموار ہوسکتی ہے، جس کا براہ راست اثر مہنگائی اور گھریلو صارفین کی مشکلات میں اضافے کی صورت میں سامنے آئے گا۔
ارطغرل غازی کے اداکار انگین آلتان نے پاکستان کی دلچسپ یادیں شیئر کردیں