پارلیمنٹ ہاوس میں نوجوان انٹرنز شپ پروگرام کے اختتام پر موک پارلیمنٹ کا انعقاد
اشاعت کی تاریخ: 25th, February 2025 GMT
پارلیمنٹ ہاوس میں نوجوان انٹرنز شپ پروگرام کے اختتام پر موک پارلیمنٹ کا انعقاد WhatsAppFacebookTwitter 0 25 February, 2025 سب نیوز
اسلام آباد(سب نیوز)اسپیکر قومی اسمبلی سردار ایاز صادق کے وژن کے مطابق نوجوانوں کو قانون سازی اور پارلیمان میں ہونے والی دیگر سرگرمیوں سے آگاہی فراہم کرنے کیلئے سال 2025 کے پہلے انٹرن شپ پروگرام کا انعقاد کیا گیا جس کے اختتام پر موک پارلیمنٹ منعقد ہوئی۔ نوجوان انٹرن شپ پروگرام کے آخری دن منعقد ہونے والی موک پارلیمنٹ کے اجلاس میں انٹرنز کو عوامی نمائندوں کا کردار ادا کرنے کا موقع دیا گیا۔
موک پارلیمنٹ میں نوجوان انٹرنز کی قانون سازی کے عمل میں گہری دلچسپی پارلیمانی و جمہوری نظام کے فروغ کیلئے ایک اہم پیش رفت ثابت ہو گی۔ نوجوان انٹرن شپ پروگرام اسپیکر قومی اسمبلی سردار ایاز صادق کے سابقہ دور میں شروع کیا گیا تھا۔نوجوان انٹرن شپ پروگرام کا مقصد نوجوانوں کو پارلیمانی امور کی پیچیدگیوں سے روشناس کروانے میں کلیدی حیثیت رکھتا ہے۔ اس پروگرام کے تحت طلبہ کو نہ صرف قانون سازی کے عملی پہلوں کی تربیت دی جاتی ہے بلکہ انہیں ذمہ دار شہری اور مستقبل کے قائدین کے طور پر تیار کرنے کی کوشش بھی کی جاتی ہے۔موک پارلیمنٹ کے اجلاس میں انٹرنز نے براہِ راست قانون سازی کے مباحثوں میں شرکت کی، وقفہ سوالات کے سیشن میں حصہ لیا اور فرضی وزرا سے قومی مسائل پر جواب طلب کیے۔ انٹرنز نے پارلیمانی آداب کا بھرپور مظاہرہ کرتے ہوئے بل پیش کیے، ترامیم تجویز کیں، قراردادیں پیش کیں اور توجہ دلاو نوٹسز جمع کرائے، جس سے حقیقی پارلیمانی ماحول کی عکاسی ہوئی۔موک پارلیمنٹ کا اجلاس محض ایک تعلیمی سرگرمی تک محدود نہیں رہا بلکہ اس نے شرکا کو موجودہ قومی مسائل پر گہری تنقید، مدلل بحث و مباحثہ اور شواہد پر مبنی پالیسی سازی کے اصولوں سے روشناس کروایا۔
اس تجربے نے نوجوانوں میں جمہوری شفافیت، احتساب اور فعال سیاسی شرکت کے اصولوں کو مزید اجاگر کیا۔اجلاس کے اختتام پر سیکرٹری جنرل قومی اسمبلی طاہر حسین نے انٹرنز کے جذبے، مثبت مکالمے اور بامقصد پارلیمانی شمولیت کو سراہا۔ انہوں نے نوجوانوں کی سیاسی و سماجی مسائل پر گہری بصیرت اور تنقیدی سوچ کی تعریف کرتے ہوئے انہیں قومی ترقی کے لیے اپنا کردار جاری رکھنے کی تلقین کی۔قومی اسمبلی کے زیر اہتمام نوجوان انٹرنز شپ پروگرام اور موک پارلیمنٹ کا انعقاد قومی اسمبلی آف پاکستان کی نوجوانوں کی شمولیت کے عزم کو مزید مستحکم بنانے کی جانب ایک مثبت اقدام ہے جس کے ذریعے نوجوان نسل کو جمہوری عمل اور قانون سازی سے بخوبی واقف ہونے کا موقع ملے گا۔ اس پروگرام کے تحت نوجوانوں میں سیاسی شعور بیدار ہو گا۔قومی اسمبلی آف پاکستان عملی تربیت کے فروغ کے ذریعے ایک باشعور، متحرک اور ذمہ دار نوجوان نسل کی تیاری میں مصروفِ عمل ہے، جو ملک کے مستقبل کو بہتر خطوط پر استوار کرنے میں اپنا بھرپور کردار ادا کریں گے۔اجلاس کے اختتام پر قومی اسمبلی ہال میں ایک گروپ فوٹو بھی لیا گیا، جو نوجوانوں کی شمولیت، قیادت اور عزم و حوصلے کا عکاس تھا۔
.ذریعہ: Daily Sub News
کلیدی لفظ: انٹرن شپ پروگرام موک پارلیمنٹ کا نوجوان انٹرنز نوجوان انٹرن کے اختتام پر قومی اسمبلی پروگرام کے کا انعقاد سازی کے
پڑھیں:
چیف آف دی نیول اسٹاف اسکواش چیمپئن شپ کامیابی سے اختتام کو پہنچی
ٹاپ سیڈ ناصر اقبال نے تیسری چیف آف دی نیول اسٹاف آل پاکستان اسکواش چیمپئن شپ جیت کر اپنے اعزاز کا کامیاب دفاع کیا۔ پی این روشن خان جہانگیر خان اسکواش کمپلیکس میں منعقدہ چیمپئن شپ کے فائنل میں ناصر اقبال نے سیکنڈ سیڈ طیب اسلم کو 1-3 سے شکست دی۔ ویمنز ایونٹ کے فائنل میں پشاور کی ماہ نور علی نے اپنی بڑی بہن سحرش علی کو 0-3 سے شکست دی۔ چیمپئن شپ کے اختتام پر کھلاڑیوں میں 20 لاکھ روپے کی مجموعی انعامی رقم تقیسم کی گئی۔ اختتامی تقریب میں مہمان خصوصی پاک بحریہ کے سربراہ ایڈمرل نوید اشرف نے انعامات تقسیم کیے۔ کموڈور مدثر خورشید نے استقبالیہ کلمات ادا کیے۔ تقریب میں کمانڈر کراچی فیصل عباسی، اسکواش لیجنڈ جہانگیر خان، اولمپیئن سمیع اللہ خان و دیگر بھی موجود تھے۔
سندھ میں ایڈز کے کیسز میں خطرناک اضافہ، حکومت کا سخت کریک ڈاؤن کا فیصلہ