بلوچستان میں قومی شاہراہوں کی بندش کے باعث ایئر لائنز نے کرایے دگنے کر دیے
اشاعت کی تاریخ: 27th, February 2025 GMT
شمال مغرب میں واقع رقبے کے اعتبار سے ملک کا سب سے بڑا صوبہ بلوچستان گزشتہ کئی برس سے شدید بد امنی کی لپیٹ میں ہے۔ آئے روز قومی شاہراہوں پر عسکریت پسندوں کی جانب سے ناکہ بندی اور احتجاج کے سبب شہریوں کا زمینی راستوں سے سفر کرنا ناممکن ہو چکا ہے۔ رواں ماہ کے دوران کوئٹہ کراچی قومی شاہراہ بولان کے مقام پر عسکریت پسندوں نے گاڑیوں کی تلاشی لی جبکہ اسی ماہ کوئٹہ پنجاب قومی شاہراہ پر بارکھان کے مقام پر مسلح افراد نے ناکہ لگا کر شناخت کی بنیاد پر 7 افراد کو قتل کردیا ایک جانب جہاں بد امنی کے واقعات سفر کر نے میں حائل ہو رہے ہیں وہیں آئے روز کوئٹہ کراچی قومی شاہراہ پر احتجاج نے عوام کی زندگی اجیرن کردی ہے۔
دوسری جانب اگر ٹرین سروس کی بات کی جائے تو کوئٹہ کو پنجاب اور خیبر پختونخوا سے ملوانے والی جعفر ایکسر پس روزانہ کی بنیاد پر چلتی ہے جس میں 400 سے 500 مسافروں کے بیٹھنے کی گنجائش ہو تی ہے جبکہ کوئٹہ سے کراچی چلنے والی بولان ایکسر پس ہفتے میں صرف 2 بار کراچی کی جانب روانہ ہو تی ہے ایسے میں ٹرین پر محدود تعداد میں افراد سفر کر پاتے ہیں تاہم اس ساری صورتحال میں بلوچستان سے فضائی سفر کا راستہ رہ جاتا ہے جو وقت گزرنے کے ساتھ ساتھ ناممکن ہوتا جارہا ہے۔
مزید پڑھیں: وزیراعلیٰ بلوچستان نے 20 سالہ پرانا قبائلی تنازعہ ختم کروا دیا
وی نیوز سے بات کر تے ہوئے نجی ٹریول کمپنی کے ایجنٹ صادق خان نے بتایا کہ ایک ماہ کے دوران کرائیوں میں دگنا اضا فہ دیکھنے کو ملا ہے۔ پہلے کوئٹہ سے کراچی، لاہور یا اسلام آباد کا کرایہ 20 سے 30 ہزار تھا وہ اب 70 ہزار تک پہنچ چکا ہے ، اگر حالیہ دنوں کی بات کی جائے تو اگلے روز کوئٹہ سے اسلام آباد کی جانے والی ٹکٹ 40 ہزار جبکہ ایک ہفتے کے بعد یہی ٹکٹ 30 ہزار دستیاب ہوتی ہے۔
ایسے ہی کوئٹہ سے کراچی جانے والی پرواز اگلے روز 30 سے 35 ہزار کی ٹکٹ فروخت کررہا ہے جبکہ ایک ہفتے بعد یہی ٹکٹ 18 سے 20 ہزار میں دستیاب ہوتی ہے۔ کوئٹہ سے لاہور کی اگلے دن کی ٹکٹ 70 سے 75 ہزار جبکہ ایک ہفتے بعد 63 سے 68 ہزار کے درمیان ہے۔
وی نیوز سے بات کرتے ہوئے مسافر عمران خان نے بتایا کہ بیماری کی وجہ سے مہینے میں ایک 2 بار کر اچی کا چکر لگانا پڑتا ہے، پہلے یہ سفر زمینی راستوں کے ذریعے کرتا تھا لیکن آئے روز کوئٹہ کراچی قومی شاہراہ کی بندش کے باعث مجبوراً فضائی سفر کا راستہ اختیار کیا لیکن ٹکٹوں کی قیمتوں میں اضافے کے سبب فضائی سفر کرنا ناممکن ہو گیا ہے۔ حکومت کو چاہیے کہ عوام کو سفری سہولت فراہم کر نے کے لیے مؤثر اقدامات اٹھائے۔
مزید پڑھیں: بلوچستان حکومت نے صوبے سے متعلق اپوزیشن لیڈر عمر ایوب کا بیان مسترد کردیا
دوسری جانب چیمبر آف کامرس اینڈ انڈسٹری بلوچستان نے وفاقی وزیر ہوا بازی کے نام مراسلہ لکھا ہے۔ مراسلے کے متن کے مطابق بلوچستان میں امن و امان، احتجاج اور سیکیورٹی خدشات کی وجہ سے آئے روز قومی شاہراہیں بند رہتی ہیں جس کی وجہ سے قومی شاہراہوں پر سفر مشکل ہو گیا ہے۔ کوئٹہ سے پنجاب اور کے پی کے لیے صرف ایک ٹرین اور کراچی کے لیے ہفتے میں 2 ٹرینیں چلائی جا رہی ہیں۔
کاروباری افراد سمیت دیگر مسافروں کے لیے ہوائی سفر ہی واحد قابل عمل آپشن ہے۔ پی آئی اے اور نجی فضائی کمپنیوں نے کوئٹہ سے پروازیں بھی کم کردی ہیں۔ کم فلائٹس کے باعث فلائی جناح بے تحاشا کرایہ وصول کر رہا ہے۔ فلائی جناح کو زائد کرایہ وصولی سے روک کر پی آئی اے و دیگر ایئر لائنز کو کوئٹہ سے پروازوں میں اضافے کا پابند کیا جائے۔ فضائی ٹکٹس کی قیمتوں میں بے تحاشا اضافہ صوبے کی عوام اور خاص کر بزنس کمیونٹی کے لیے مشکلات کا باعث بن رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان پی آئی اے شاہراہیں بند فضائی سفر فلائی جناح کرایے دگنا کوئٹہ.ذریعہ: WE News
کلیدی لفظ: بلوچستان پی ا ئی اے شاہراہیں بند فلائی جناح کرایے دگنا کوئٹہ قومی شاہراہ کوئٹہ سے کے لیے
پڑھیں:
نئی نجی ایئرلائن کا شاندار آغاز
ویب ڈیسک : پاکستان کی نئی ایئرلائن ایئر کراچی کا باضابطہ افتتاح ہوگیا، یہ ایئرلائن 42 شراکت داروں کے اشتراک سے قائم کی گئی ہے۔
شہرِ قائد کے اولڈ ایئرپورٹ پر پاکستان کی نئی نجی ایئرلائن ’’ایئر کراچی‘‘ کے باضابطہ افتتاح کے لیے تقریب کا انعقاد کیا گیا۔ اس پروقار تقریب کے ساتھ ہی ملکی ہوا بازی کے شعبے میں ایک نئے ادارے کی باضابطہ شمولیت ہوگئی۔
چیئرمین ایئر کراچی حنیف گوہر نے تقریب سے خطاب میں کہا کہ یہ ایئرلائن 42 کاروباری شراکت داروں کے اشتراک سے قائم کی گئی ہے، جو کراچی کی شناخت کو دوبارہ اجاگر کرنے کے عزم کی علامت ہے۔ انہوں نے بتایا کہ ایئرلائن کے قیام کا خواب 2006 میں شروع ہوا تھا، اور طویل جدوجہد کے بعد آج یہ خواب حقیقت بن گیا ہے۔
بھارتی نژاد دنیا کی معروف کمپنی کو اربوں کا چونا لگا کر فرار
حنیف گوہر نے چیف آف آرمی اسٹاف جنرل عاصم منیر کے وژن اور سرمایہ کاری کے فروغ کے اقدامات کو سراہتے ہوئے کہا کہ ایئر کراچی کا آغاز ملکی معیشت کے استحکام اور مقامی صنعتوں کے فروغ کی جانب ایک مثبت قدم ہے۔
سیکریٹری ڈیفنس لیفٹیننٹ جنرل (ر) محمد علی نے تقریب میں بطور مہمانِ خصوصی شرکت کی۔ انہوں نے اس موقع پر کہا کہ کراچی کے بزنس کمیونٹی نے ایک بار پھر ملک کا نام فخر سے بلند کیا ہے۔ انہوں نے اس عزم کا اظہار کیا کہ حکومت نئی ایئرلائنز اور ہوا بازی کے شعبے کے تمام اسٹیک ہولڈرز کو مکمل تعاون فراہم کرے گی۔
پاکستان اور جنوبی افریقہ کے درمیان فیصلہ کن ٹی ٹونٹی میچ آج ہوگا
سیکریٹری دفاع نے مزید کہا کہ ایئر کراچی اور پی آئی اے کے درمیان اشتراک سے ملکی ایوی ایشن انڈسٹری کی کارکردگی بہتر ہوگی۔
ذرائع کے مطابق ایئر کراچی نے پاکستان سول ایوی ایشن اتھارٹی (PCAA) کو رواں سال فروری میں ریگولر پبلک ٹرانسپورٹ (RPT) لائسنس کے لیے درخواست دی تھی، جس کے اجرا کا فیصلہ وفاقی حکومت کی منظوری کے بعد کیا جائے گا۔ بتایا گیا ہے کہ ایئر لائن کے قیام کے لیے ابتدائی 5 ارب روپے کی سرمایہ کاری کی گئی ہے، جب کہ ہر شیئرہولڈر نے 5 کروڑ روپے کی سرمایہ کاری کی ہے۔
نئے بھرتی کنٹریکٹ ملازمین کو ریگولر ہونے پر بھی پنشن نہیں ملے گی
ایئر کراچی کے چیف ایگزیکٹو آفیسر (CEO) کے طور پر سابق ایئر وائس مارشل (ر) عمران کو تعینات کیا گیا ہے، جب کہ ابتدائی مرحلے میں تین طیارے لیز پر حاصل کیے جائیں گے۔ ایئر کراچی کے نمایاں سرمایہ کاروں میں عقیل کریم ڈھیڈی، عارف حبیب، ایس ایم تنویر، بشیر جان محمد، خالد تواب، زبیر طفیل، اور حمزہ تبانی شامل ہیں۔
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے