بانی آج ملنا چاہتے تھے، ملاقات کی اجازت نہیں دی گئی، عمر ایوب
اشاعت کی تاریخ: 27th, February 2025 GMT
فائل فوٹو۔
اپوزیشن لیڈر عمر ایوب نے کہا کہ ایک گھنٹے سے اڈیالا جیل کے باہر کھڑے ہیں، ملاقات کی اجازت نہیں دی گئی، ہماری ملاقات عدالتی احکامات پر ہونی تھی۔
راولپنڈی میں اڈیالا جیل کے باہر میڈیا سے گفتگو کرتے ہوئے عمر ایوب نے کہا کہ بانی پی ٹی آئی نے مجھ سمیت چھ پارٹی رہنماؤں کے نام خود دیے تھے، بانی پی ٹی آئی آج ہمارے ساتھ ملنا چاہتے تھے۔
انھوں نے کہا کہ اڈیالا جیل انتظامیہ نے ہمیں ملنے نہیں دیا، جنید اکبر، صاحبزادہ حامد رضا، کنول شوزب، تیمور جھگڑا اور میں ملنے آئے تھے۔
عمر ایوب نے کہا کہ جیل ٹرائل کی سماعتوں کی لمبی تاریخیں ڈالی جا رہی ہیں، چیف جسٹس سے ملاقات ہوئی تھی ان کے سامنے ساری صورت حال رکھی تھی۔
اپوزیشن لیڈر نے کہا کہ ماتحت عدالتیں لمبی تاریخیں دے رہی ہیں، چیف جسٹس سے درخواست کی تھی بانی پی ٹی آئی کے بنیادی حقوق سلب کیے جا رہے ہیں۔
انھوں نے کہا ہم نے چیف جسٹس کے سامنے اپنے تمام اسیران کے مسائل رکھے تھے، آج اپوزیشن نے آئین اور قانون کی حکمرانی کے بارے میں بات کی ہے۔
.ذریعہ: Jang News
پڑھیں:
احتجاجی تحریک سے کچھ نہیں ملے گا، اپوزیشن مذاکرات کی پیشکش قبول کرے: رانا ثناء
معاون خصوصی وزیراعظم رانا ثناء اللہ نے کہا ہے کہ پی ٹی آئی کو احتجاجی تحریک سے کچھ نہیں ملے گا، اپوزیشن وزیراعظم کی مذاکرات کی پیش کش کو قبول کرے۔فیصل آباد میں نماز عید کی ادائیگی کے بعد میڈیا سے گفتگو کرتے ہوئے رانا ثناء اللہ کا کہنا تھا کہ پی ٹی آئی اس وقت کسی تحریک چلانے کی پوزیشن میں نہیں ہے، احتجاج کر کے اپنے کارکنوں کو مشکلات میں ڈالے گی، اگر ان کے ذہن میں کوئی غلط فہمی ہے تو اسے دور کر لینا چاہیے، کیونکہ قومی مفاد، سیاسی ضد سے کہیں بالاتر ہے۔انہوں نے کہا کہ اپوزیشن وزیراعظم کی مذاکرات کی پیش کش کو قبول کرے، وہ ذاتی مفادات اور انا سے بالاتر ہو کر ملک کے وسیع تر مفاد میں مذاکرات کی میز پر آئیں، کیونکہ پاکستان نے اب آگے بڑھنا ہے اور اسے کوئی روک نہیں سکتا۔ان کا کہنا تھا کہ اپوزیشن پہلے میثاق معیشت کرے، میثاق معیشت کے بعد سیاست اوردیگر مسائل پر بھی بات ہو جائے گی۔بھارت کے حوالے سے گفتگو کرتے ہوئے مشیر وزیراعظم رانا ثناء اللہ نے کہا کہ بھارت نے پاکستان کو کمزور سمجھ کر بلاجواز حملے کی کوشش کی، لیکن پاک فوج نے بروقت اور بھرپور جواب دے کر دشمن کے عزائم خاک میں ملا دیئے۔انہوں نے دعویٰ کیا کہ پاک افواج نے ایسا دندان شکن جواب دیا کہ بھارت عالمی سطح پر ذلیل و رسوا ہوگیا اور مودی، جو پاکستان کو ایک ذیلی ریاست سمجھتا تھا، اب منہ چھپاتا پھر رہا ہے جبکہ پاکستان ایک مضبوط ملک کے طور پر جانا جا رہا ہے۔
خیبر پختونخوا میں بارشیں، تیز آندھی سے اب تک 10 افراد جاں بحق