جیریز دناتا نے پاکستان کی پہلی مکمل خواتین فلائٹ آپریشن کے ساتھ تاریخ رقم کردی
اشاعت کی تاریخ: 28th, February 2025 GMT
پاکستان کی ہوا بازی کی صنعت کے ایک فیصلہ کن لمحے میں جیریز دناتانے ملک کی پہلی خواتین کی زیر قیادت اور اہتمام والی پرواز کے آپریشن کا آغاز کیا ہے۔
جس میں ایک تمام خواتین اسٹاف پر مبنی ٹیم نے کراچی کے جناح انٹرنیشنل ایئرپورٹ پر سری لنکن ایئر لائنز اے 320 کے مکمل ٹرن اراؤنڈ کو کامیابی کے ساتھ سرانجام دیا۔
یہ بھی پڑھیں: سول ایوی ایشن ایئرکرافٹ کی نیو گوادر انٹرنیشنل ایئرپورٹ پر کامیاب لینڈنگ
جیریز دناتا کے ایک اعلامیے کے مطابق عالمی یوم خواتین سے قبل پاکستانی ہوابازی کی صنعت میں یہ تاریخی پہل دفتروں اور اسی نوعیت کی کام کرنے کی جگہوں پر سماجی اکٹھ کو فروغ دینے میں ایک واضح کردار ادا کرےگا۔
’اپنے ’تغیر کی سربراہی‘ کے وژن کے ساتھ جیریز دناتا کے وژن کے ساتھ خواتین کو ایسے کرداروں کی ذمہ داری سنبھالنے کے ليے بااختیار بناتا ہے جو روایتی طور پر مردوں کا غلبہ رکھتے ہیں۔‘
مزید پڑھیں:اگر ہوائی جہاز کا دروازہ اچانک کھل جائے تو کیا کرنا چاہیے؟
جیریز دناتا کے مطابق ہوائی جہاز کے ٹرن اراؤنڈ اور بیگج ہینڈلنگ سے لے کر سیکیورٹی چیک اور کیبن کی تیاری تک ، ویمن لیڈ فلائٹ پروجیکٹ ہوا بازی کی صنعت میں پاکستان کی خواتین کی طاقت ، مہارت اور لگن کا واضح ثبوت ہے۔
رکاوٹوں سے پیش رفت تک
مہینوں کی منصوبہ بندی، بھرتیوں اور تربیت اس سنگ میل کا باعث بنی، جس سے یہ ثابت ہوتا ہے کہ جب موقع دیا جائے تو خواتین ہائی پریشر آپریشنل کرداروں میں مہارت حاصل کر سکتی ہیں، یہ پروگرام ملک بھر کو مساوات اور شمولیت کو ترقی کے اگلے محاذ کے طور پر اپنانے کی ترغیب دیتا ہے ۔
قومی فخر کا ایک لمحہ
جیریز دناتا کے نائب صدر علی کمال نے اس آپریشن کے حوالے سے کہا کہ یہ صرف ایک فلائٹ آپریشن نہیں بلکہ یہ پاکستان کے افرادی قوت کے منظر نامے میں ایک واضح تبدیلی ہے۔
’خواتین کی سربراہی میں فلائٹ پروجیکٹ اس بات کا ثبوت ہے کہ جب ہنرکو موقع دیا جائے تو کیا کیاممکن ہے، ہمیں اس تحریک میں سب سے آگے ہونے پر ناقابل یقین حد تک فخر ہے ، جس سے مستقبل کی راہ ہموار ہوگی اور خواتین کو ہر شعبے میں یکساں نمائندگی حاصل ہوگی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جناح انٹرنیشنل ایئرپورٹ حیدرآباد علی کمال فلائٹ آپریشن کراچی.
ذریعہ
ذریعہ: WE News
کلیدی لفظ: جناح انٹرنیشنل ایئرپورٹ علی کمال فلائٹ ا پریشن کراچی جیریز دناتا کے کے ساتھ
پڑھیں:
جناح انٹرنیشنل ایئرپورٹ پر مشکوک سفری دستاویزات کی بنیاد پر مسافر آف لوڈ
کراچی:ایف آئی اے امیگریشن نے جناح انٹرنیشنل ایئرپورٹ پر امیگریشن کلیئرنس کے دوران ایک مسافر کمیل عباس کو مشکوک سفری دستاویزات کی بنیاد پر آف لوڈ کردیا۔
ترجمان ایف آئی اے کے مطابق تفصیلی جانچ کے دوران مسافر کے پاسپورٹ پر مشتبہ جعلی مہریں پائی گئیں۔ مشتبہ مہروں کی تصدیق انٹیگریٹڈ بارڈر مینجمنٹ سسٹم (IBMS) کے ذریعے کی گئی، تاہم متعلقہ آمد و روانگی کا کوئی ریکارڈ دستیاب نہ ہونے پر مہروں کے جعلی ہونے کا شبہ مزید مضبوط ہو گیا۔
ترجمان کے مطابق ابتدائی پوچھ گچھ کے دوران مسافر نے بیان دیا کہ اس نے اپنا پاسپورٹ اپنے دوست نعیم کے حوالے کیا تھا، جو اس وقت ملائیشیا میں مقیم ہے اور مبینہ طور پر اسی شخص نے پاسپورٹ پر جعلی پاکستانی امیگریشن مہریں لگوائیں۔ مسافر نے مذکورہ شخص کے رابطہ نمبرز بھی فراہم کر دیے ہیں۔
مسافر کو پرواز سے آف لوڈ کر کے مقدمہ مزید قانونی کارروائی، جامع تحقیقات اور جعلی امیگریشن مہروں کے استعمال میں ملوث تمام افراد کی نشاندہی کے لیے انسدادِ انسانی اسمگلنگ سرکل (AHTC) کے حوالے کر دیا گیا ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم