پاکستان ٹی20 کرکٹ کس طرز پر کھیلے گا؟ نئے کپتان کا بڑا فیصلہ
اشاعت کی تاریخ: 5th, March 2025 GMT
کراچی:
وکٹ کیپر بیٹر محمد رضوان کی جگہ ٹی ٹوئنٹی کی کپتانی سنبھالنے والے سلمان علی آغا نے نئے طرز پر کرکٹ کھیلنے کا فیصلہ کیا ہے۔
پاکستان کرکٹ ٹیم کی حالیہ کارکردگی انتہائی مایوس کن رہی، گزشتہ سال ٹی ٹوئنٹی ورلڈ کپ کے گروپ مرحلے میں امریکا جیسی نوآموز ٹیم کے ہاتھوں شکست کا سامنا کرنا پڑا اور خراب نتائج کے بعد تبدیلیاں کی گئی ہیں، سینیئرز کو باہر کرکے نوجوان کھلاڑیوں کو موقع دیا گیا ہے۔
سلمان علی آغا جنوری 2024 کے بعد پاکستان کے چوتھے ٹی ٹوئنٹی کپتان بنے ہیں، انہوں نے محمد رضوان کی جگہ کپتانی سنبھالی، جبکہ اس سے پہلے بابر اعظم اور شاہین شاہ آفریدی بھی قیادت سنبھال چکے ہیں۔
مزید پڑھیں؛ دورہ نیوزی لینڈ کیلیے اسکواڈ کا اعلان؛ ٹی20، ون ڈے سے 4بڑے کھلاڑی ڈراپ
لاہور میں گزشتہ روز پریس کانفرنس کے دوران کپتان سلمان علی آغا نے ’’بے خوف اور ہائی رسک‘‘ کرکٹ کھیلنے کا فیصلہ کیا۔ انہوں نے کہا کہ اس اپروچ میں ناکامیاں بھی ہوں گی لیکن اپنے کھلاڑیوں کو سپورٹ کرنا ہوگا۔
علی آغا نے کہا کہ ہم نے ٹیم میں ایسے نوجوان کھلاڑیوں کو شامل کیا جو ڈومیسٹک کرکٹ میں وہی جدید کرکٹ کھیل رہے ہیں جسے ہم قومی ٹیم میں اپنانا چاہتے ہیں، ہمیں اپنے ارادے اور سوچ پر کام کرنا ہوگا، جدید کرکٹ میں یہ چیزیں بہت اہم ہیں، یہ نوجوان ٹیم ہے۔
انہوں نے کہا کہ ہم بے خوف اور ہائی رسک کرکٹ کھیلنا چاہتے ہیں، اس اپروچ میں ناکامیاں بھی ہوں گی لیکن ہمیں اپنے کھلاڑیوں کو سپورٹ کرنا ہوگا۔ پاکستان کرکٹ بورڈ نے شاداب خان کو نائب کپتان مقرر کیا ہے، وہ خود بھی جارحانہ انداز میں کرکٹ کھیلنے کی شہرت رکھتے ہیں۔
مزید پڑھیں؛ رضوان کی کپتانی "فراری سے رکشے" پر آگئی ہے
ہیڈ کوچ عاقب جاوید نے کہا کہ شاداب کی واپسی ٹیم کی نئی سوچ کے ساتھ ہم آہنگ ہے، بابر اعظم، محمد رضوان اور شاہین آفریدی کو فارم بحال کرنے کے لیے فرسٹ کلاس اور لسٹ اے کرکٹ کھیلنی ہوگی، اگر آپ سال بھر میں 70 فیصد ٹی ٹوئنٹی کرکٹ کھیلیں گے تو ٹیسٹ اور ون ڈے میں اچھی کارکردگی نہیں دکھا سکتے، کھلاڑیوں کو خود اپنی ذمہ داری کا احساس کرنا ہوگا۔
کوچ عاقب جاوید نے کہا کہ بابراعظم اور محمد رضوان کو مستقل طور پر ٹی ٹوئنٹی سے ڈراپ نہیں کیا گیا لیکن مستقبل میں واپسی کے لیے ڈومیسٹک کرکٹ میں عمدہ کارکردگی دکھانی ہوگی۔
ہیڈ کوچ نے پاکستان کرکٹ میں گزشتہ 2 سال کے دوران مسلسل بدلتے کوچز اور سلیکٹرز کو بھی ٹیم کی ناقص کارکردگی کا ذمہ دار قرار دیتے ہوئے کہا کہ جب تک نظام میں تسلسل نہیں آئے گا نتائج بہتر نہیں ہو سکتے۔
.ذریعہ: Express News
کلیدی لفظ: کھلاڑیوں کو محمد رضوان ٹی ٹوئنٹی کرنا ہوگا نے کہا کہ کرکٹ میں علی ا غا
پڑھیں:
لیونل میسی 2026 کے فیفا ورلڈ کپ میں بطور کپتان شرکت کریں گے، ارجنٹینا فٹبال ایسوسی ایشن کی تصدیق
عالمی شہرت یافتہ فٹبال اسٹار لیونل میسی 2026 میں ہونے والے فیفا ورلڈ کپ میں ارجنٹینا کی قیادت کریں گے۔ یہ اعلان ارجنٹائن فٹبال ایسوسی ایشن (AFA) کے ایک سینئر عہدیدار نے دبئی میں ایک تقریب کے دوران کیا، جس میں میسی کی قومی ٹیم میں واپسی کو بھی باضابطہ تسلیم کیا گیا۔
میسی کی قومی ٹیم میں واپسی38 سالہ لیونل میسی نے 7 ماہ کے وقفے کے بعد حالیہ انٹرنیشنل میچز میں ارجنٹینا کی نمائندگی کی، جہاں وہ چلی کے خلاف بطور متبادل کھلاڑی میدان میں آئے اور کولمبیا کے خلاف میچ میں ابتدائی کھلاڑی کے طور پر شریک ہوئے۔ اگرچہ میسی مارچ میں انجری کے باعث غیر حاضر رہے، مگر ٹیم نے ان کے بغیر ہی ورلڈ کپ 2026 کے لیے کوالیفائی کر لیا۔
یہ بھی پڑھیں اسٹار فٹبالر میسی کی اہلیہ جذبات کی رو میں کیا کربیٹھیں؟
باقی میچز اور تیاریارجنٹینا کو کوالیفائنگ مرحلے کے دوران اب 2 مزید میچز کھیلنے ہیں:
9 ستمبر: وینزویلا کے خلاف، بیونس آئرس میں
14 ستمبر: ایکواڈور کے خلاف، ایکواڈور میں
کلب سطح پر شاندار کارکردگیدوسری جانب، میسی نے امریکا میں اپنے کلب انٹر میامی کے لیے شاندار فارم برقرار رکھتے ہوئے نیویارک ریڈ بُلز کے خلاف 5-1 فتح میں 2 گول اور 2 اسسٹ فراہم کیے۔ یہ ان کی 7 میچز میں چھٹی بارس تھی، جس نے انہیں ایک بار پھر شائقین کا مرکز بنا دیا ہے۔
AFA کے اعلیٰ عہدیدار کی تصدیقدبئی میں اے ایف اے اور لولو فنانشل ہولڈنگز کے درمیان شراکت داری کے اعلان کے دوران، اے ایف اے کے چیف مارکیٹنگ اور کمرشل آفیسر لیاندرو پیٹرسن نے تصدیق کی ’میسی جسمانی طور پر مکمل فٹ ہیں۔ ان کا حالیہ سیزن شاندار رہا ہے، اور ہمیں یقین ہے کہ وہ 2026 کے ورلڈ کپ میں نمایاں کردار ادا کریں گے۔ ارجنٹینا فتح کا نہ صرف مضبوط امیدوار بنے گا، بلکہ میسی اس ٹورنامنٹ کے ستاروں میں شامل ہوں گے۔‘
کوچ لیونل اسکالونی کی قیادت کو سراہا گیاپیٹرسن نے قومی کوچ لیونل اسکالونی کے کردار کو بھی سراہا اور کہا ’اسکالونی محض کوچ نہیں بلکہ ارجنٹائن کے اقدار کے سفیر ہیں۔ ان کی اور میسی کی موجودگی نے ارجنٹینا کو دنیا بھر میں ایک مثبت تشخص دیا ہے۔‘
شراکت داری اور عالمی رسائیدبئی میں منعقدہ تقریب میں لولو ایکسچینج اور لولو منی کو اے ایف اے کے ریجنل فِن ٹیک پارٹنرز کے طور پر متعارف کرایا گیا، جو مشرق وسطیٰ، بھارت، اور جنوب مشرقی ایشیا میں شائقین سے جُڑنے میں مدد دیں گے۔ لولو فنانشل ہولڈنگز کے بانی عدیب احمد نے کہا
یہ بھی پڑھیں کرسٹیانو رونالڈو بمقابلہ لیونل میسی: کس کی مارکیٹ ویلیو زیادہ؟
’ارجنٹینا کی ٹیم صرف ایک فٹبال ٹیم نہیں بلکہ اُمید، استقامت اور خوشی کی علامت ہے۔ ہم 10 ممالک میں 347 مقامات پر شائقین کے لیے ایک بڑی مہم کا آغاز کریں گے۔‘
ارجنٹینا کی مشرق وسطیٰ میں سرگرمیاںہیڈ کوچ اسکالونی نے اشارہ دیا کہ وہ آئندہ سرما میں دوبارہ مشرق وسطیٰ کا دورہ کریں گے تاکہ ٹیم کی سرگرمیاں جاری رکھی جا سکیں۔ انہوں نے کہا کہ کھیل ہمارے دل و دماغ میں رچ بس گیا ہے۔ یہ شراکت داری صرف آغاز ہے۔ ہم طویل المدتی شراکت کے خواہاں ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارجنٹینا فیفا فٹبال کپ 2026 لیونل میسی
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست