موٹروے کے لیے نیا قانون! 173 کلو میٹر فی گھنٹہ کی رفتار سے گاڑی چلانے والا ڈرائیور گرفتار
اشاعت کی تاریخ: 6th, March 2025 GMT
نیشنل ہائی ویز اینڈ موٹروے پولیس نے گزشتہ ہفتے پاکستان بھر میں موٹر ویز پر اوور اسپیڈنگ کو روکنے کے لیے ایک سخت نئی پالیسی کا اعلان کیا تھا جس کے مطابق موٹروے پر 150 کلومیٹر فی گھنٹہ سے زائد رفتار سے چلنے والی گاڑیوں پر مکمل پابندی ہوگی۔
خلاف ورزی کرنے والوں کیخلاف جرمانہ بھی عائد کیا جائے گا اور ایف آئی آر بھی درج کی جائے گی۔ گزشتہ روز موٹروے ایم4 اسلام پور گجراں میں موٹروے پولیس نے اس نئے قانون کے تحت 173 کلومیٹر فی گھنٹہ کی رفتار سے گاڑی چلانے والے شخص کو روک کر نہ صرف اس کیخلاف مقدمہ درج کیا بلکہ حراست میں بھی لے لیا۔
یہ بھی پڑھیں: اووراسپیڈنگ کیخلاف موٹروے پولیس کی نئی سخت پالیسی کیا ہے؟
موٹروے پولیس کے مطابق موٹر وے ایم4 پر موضع اسلام پور گجراں کے قریب اسپیڈ چیکنگ کیمرے نصب کیے گئے تھے، جہاں پر ایک کالے رنگ کی گاڑی اوشان ایکس 7 جسے پشاور کا رہائشی انتہائی تیز رفتاری سے چلا رہا تھا،کیمرے پر اس گاڑی کی رفتار 173 کلومیٹر فی گھنٹہ دکھائی دی۔
موٹروے پولیس نے اس گاڑی کو روکا تو معلوم ہوا کہ ڈرائیور کا تعلق پشاور سے ہے تاہم اس شخص کا نام راز خفیہ رکھا گیا ہے، مذکورہ شخص کو تیز رفتار گاڑی چلانے پر موٹروے قانون 279 کی خلاف ورزی پر مقدمہ درج کرکے قریبی تھانے منتقل کر دیا گیا ہے۔
مزید پڑھیں: شاہراہوں کی مرمت کے لیے سالانہ ایک ارب ڈالر کی ضرورت ہے، آئی جی موٹروے پولیس
آئی جی موٹروے پولیس رفعت مختار راجہ کی جانب سے گزشتہ ہفتے جاری کردہ ہدایات کے مطابق تیز رفتاری سے گاڑی چلانے والوں کی حوصلہ شکنی کے لیے 120 کلومیٹر فی گھنٹہ سے 150 کلومیٹر فی گھنٹہ کی رفتار سے گاڑی چلانے والوں کو گرفتار بھی کیا جائے گا اور بھاری جرمانہ عائد کیا جائے گا۔
تین لین والی موٹرویز پر کاروں کی رفتار کی حد 120 کلومیٹر فی گھنٹہ ہے جبکہ بسیں اور وین سمیت پبلک سروس گاڑیوں کے لیے رفتار کی حد 110 کلومیٹر فی گھنٹہ ہے۔
مزید پڑھیں: سندھ اسمبلی میں موٹر وہیکل ترمیمی بل منظور، اب مسافروں کو بھی جرمانہ ادا کرنا ہوگا
یہ اقدام آئی جی موٹروے پولیس کی ہدایت پر تیز رفتار گاڑیوں کے خلاف شروع کی گئی خصوصی مہم کا حصہ ہے، جس کا مقصد سڑکوں کی حفاظت کو بڑھانا اور پاکستان کی شاہراہوں اور موٹرویز پر مہلک حادثات کو کم کرنا ہے۔
موٹر وے پولیس کے مطابق قومی شاہراہوں پر اسپیڈ مانیٹرنگ کو مزید موثر بنایا جائے گا جبکہ حادثات کی روک تھام کے لیے موٹر ویز پر حفاظتی رکاوٹیں اور باڑ لگانے کو یقینی بنایا جائے گا، محفوظ سفر کو یقینی بنانا موٹروے پولیس کی اولین ترجیح ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیڈ مانیٹرنگ اسلام پور گجراں اوور اسپیڈنگ موٹروے پولیس موٹروے قانون نیشنل ہائی ویز.ذریعہ: WE News
کلیدی لفظ: اسپیڈ مانیٹرنگ اسلام پور گجراں اوور اسپیڈنگ موٹروے پولیس موٹروے قانون نیشنل ہائی ویز کلومیٹر فی گھنٹہ سے گاڑی چلانے موٹروے پولیس تیز رفتار رفتار سے کے مطابق کی رفتار جائے گا کے لیے ویز پر
پڑھیں:
اسلام آباد: نشے میں دھت ہو کر ہلڑ بازی اور پولیس اہلکار پر تشدد کرنے والا نوجوان گرفتار، مقدمہ درج
اسلام آباد کے علاقے آئی ایٹ میں شراب کے نشے میں دھت ہو کر ہلڑ بازی اور پولیس اہلکار پر تشدد کرنے والے نوجوان کو گرفتار کرلیا گیا۔
عینی شاہدین کے مطابق ملزم نشے کی حالت میں بلند آواز میں شور شرابا کر رہا تھا اور ٹریفک پولیس اہلکاروں کو گالیاں دینے کے ساتھ ساتھ انہیں دھمکیاں بھی دے رہا تھا۔ واقعے کے دوران اس نے ایک پولیس اہلکار کو تھپڑ مارا جس کے بعد صورتحال مزید کشیدہ ہو گئی۔
مزید پڑھیں: اسلام آباد پولیس کا صحافیوں پر تشدد : صحافتی گروپ متحد، جوائنٹ ایکشن کمیٹی قائم
پولیس نے بروقت کارروائی کرتے ہوئے نوجوان عاقب نعیم کو گاڑی سمیت حراست میں لے کر تھانہ آئی نائن منتقل کردیا۔
اسلام آباد پولیس کے حکام نے ہفتے کو بتایا ہے کہ گذشتہ شب شہر کے سیکٹر آئی ایٹ کے مرکز میں ٹریفک پولیس کے اہلکاروں پر تشدد کرنے والے برٹش پاکستانی نوجوان کو گرفتار کر کے انسداد دہشت گردی سمیت دیگر دفعات کے تحت مقدمہ درج کر لیا گیا ہے۔
اپ تب تک بدمعاش ہیں جب تک قانون آپ کو ڈیل دیتا… pic.twitter.com/4z010eY5On
— Israr Ahmed Rajpoot (@ia_rajpoot) November 2, 2025
حکام کے مطابق ملزم اس سے پہلے پی ڈبلیو ڈی ہاؤسنگ سوسائٹی میں ایک صحافی پر بھی تشدد کر چکا ہے، جس کے حوالے سے تھانہ لوہی بھیر میں مقدمہ درج کرنے کی درخواست زیر التوا ہے۔
پولیس کے مطابق واقعے کا مقدمہ ایس آئی محمد اشفاق کی مدعیت میں دہشت گردی سمیت سنگین نوعیت کی دفعات کے تحت درج کر لیا گیا ہے۔
ایف آئی آر کے مطابق واقعہ ہفتہ کی رات قریباً 8 بجے کے قریب کے ایف سی آئی نائن کے سامنے پیش آیا، جب ملزم کو گاڑی لاپرواہی سے چلانے پر روکا گیا۔ پہلی بار روکنے پر وہ موقع سے فرار ہو گیا، تاہم کچھ دیر بعد واپس آکر پولیس اہلکاروں پر گاڑی چڑھانے کی کوشش کی۔
ایف آئی آر میں مزید بتایا گیا کہ مزاحمت کے دوران ملزم نے ایک پولیس اہلکار کا وائرلیس سیٹ چھین لیا اور فرار ہوتے ہوئے پولیس ٹیم پر فائرنگ بھی کی، تاہم محاصرے کے بعد اسے گرفتار کر لیا گیا۔
مزید پڑھیں: کسی جتھے کو اسلام آباد پر چڑھائی کی اجازت نہیں دی جاسکتی، وزیرداخلہ
پولیس نے ملزم کے قبضے سے اسلحہ اور گولیاں برآمد کر کے شواہد اکھٹے کر لیے ہیں، جبکہ مزید تحقیقات جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام اباد اسلام آباد پولیس ملزم گرفتار نشے میں دھت نوجوان ہلڑ بازی وی نیوز
صدر آزاد جموں وکشمیر بیرسٹر سلطان محمود کی پیپلز پارٹی کی مرکزی رہنما فریال تالپور سے ملاقات