کیا آپ رمضان میں نیند کی کمی کا شکار ہیں؟ یہ تحریر آپ ہی کے لیے ہے!
اشاعت کی تاریخ: 7th, March 2025 GMT
رمضان المبارک کا مقدس مہینہ روحانی عبادات اور ریاضتوں سے بھرپور ہوتا ہے، تاہم اس ماہ میں نیند کے معمولات بھی کسی حد تک بدل جاتے ہیں۔
سحری، افطاری، عبادات اور روز مرہ کے معمولات کے اوقات اچانک بدل جانے سے لوگ عموماً نیند کی کمی کا شکار ہوتے ہیں۔ یہی وجہ ہے کہ رمضان المبارک کے دوران نیند کو منظم کرنا اور اس کا خیال رکھنا انتہائی اہم ہو جاتا ہے۔
طبی ماہرین کے مطابق نیند کی کمی نہ صرف تھکاوٹ اور کمزوری کا باعث بنتی ہےبلکہ یہ روزے داروں کی کارکردگی اور عبادات پر بھی منفی اثر ڈال سکتی ہے۔ اس مسئلے کو حل کرنے کے لیے ایک رپورٹ میں رمضان کے دوران نیند کو بہتر بنانے کی کچھ مؤثر تجاویز پیش کی گئی ہیں۔ یہ تجاویز نہ صرف نیند کے معیار کو بہتر کرتی ہیں، بلکہ روزہ داروں کو پورے مہینے میں توانا اور چست رکھنے میں بھی مدد دیتی ہیں۔
1۔ دن میں ایک مختصر جھپکی ضرور لیں:
رمضان المبارک میں دن کے وقت ایک مختصر جھپکی لینا توانائی بحال کرنے کا بہترین اور آزمودہ طریقہ ہے۔ اگر آپ کو موقع ملے تو دن میں20 سے 30 منٹ کا قیلولہ کر لیں۔ یہ مختصر نیند آپ کو نہ صرف تازہ دم کر سکتی ہے بلکہ تھکاوٹ کو بھی کافی حد تک کم کردیتی ہے، تاہم اس بات کا خیال رکھیں کہ یہ جھپکی (قیلولہ) زیادہ طویل نہ ہو جائے کیوں کہ اس سے رات کی نیند متاثر ہو سکتی ہے۔
2۔ جسم کو ہائیڈریٹ رکھنا ضروری ہے:
پانی کی کمی صرف رمضان المبارک ہی میں نہیں بلکہ عام دنوں میں بھی صحت کے لیے نقصان دہ ہے۔ یہ نیند کے معیار کو بھی متاثر کرتی ہے۔ ماہِ صیام میں افطار اور سحری کے درمیان وافر مقدار میں پانی پینا ضروری ہے۔ اس کے علاوہ تازہ جوس اور سوپ وغیرہ کا استعمال بھی جسم کو ہائیڈریٹ رکھنے میں مدد دیتا ہے۔ مناسب ہائیڈریشن آپ کو رات کو بہتر نیند لینے میں مدد دے گی۔
3۔ کیفین اور شوگر سے پرہیز ہی بہتر ہے
رمضان میں افطار کے بعد چائے، کافی یا میٹھے مشروبات کا استعمال عام ہے لیکن سونے کے وقت کے قریب کیفین اور شوگر والے مشروبات سے پرہیز کرنا چاہیے۔ کیفین اور شوگر دونوں ہی نیند کے معیار کو متاثر کر سکتے ہیں اور بے خوابی کا باعث بن سکتے ہیں۔ افطار کے بعد کیفین والے مشروبات کا استعمال کم سے کم کریں اور سونے سے کم از کم 3 سے 4 گھنٹے پہلے ان سے مکمل پرہیز کریں۔
4۔ دن میں قدرتی روشنی میں رہنے کی کوشش کریں
سورج کی روشنی (قدرتی روشنی) انسان کے جسم کی اندرونی گھڑی (سرکیڈین رِدھم) کو منظم کرنے میں مدد دیتی ہے۔ دن کے وقت قدرتی روشنی میں وقت گزارنے سے آپ کا جسم دن اور رات کے چکر کو بہتر طور پر سمجھتا ہے، جس سے رات کو نیند لینے میں آسانی ہوتی ہے۔ شام کے وقت روشنی کو مدھم کرنا بھی اچھی نیند کے لیے فائدہ مند ہے کیوں کہ یہ جسم کو سونے کے لیے تیار کرتا ہے۔
5۔ سحر و افطار میں متوازن غذا
سحری اور افطار کے دوران متوازن غذا کا استعمال نہ صرف توانائی فراہم کرتا ہے بلکہ نیند کے معیار کو بھی بہتر بناتا ہے۔ اپنی خوراک میں پروٹین (گوشت، انڈے، دالیں)، کاربوہائیڈریٹس(اناج، سبزیاں) اور صحت مند چکنائی (گری دار میوے، زیتون کا تیل) شامل کریں۔ یہ غذائی اجزا دن بھر توانائی برقرار رکھتے ہیں اور رات کو بہتر نیند لینے میں مدد دیتے ہیں۔
6۔ افطار کے بعد ہلکی پھلکی ورزش
روزہ نہ رکھنے کے اوقات میں (خصوصاً افطار کے بعد) ہلکی پھلکی ورزش کرنا نیند کے معیار کو بہتر بنانے کا ایک مؤثر طریقہ ہے۔ چہل قدمی، یوگا، یا ہلکی اسٹریچنگ ورزشیں آپ کے جسم کو آرام دینے اور رات کو بہتر نیند لینے میں مدد دیتی ہیں،تاہم سونے کے وقت کے قریب بھرپور ورزش سے گریز کریں کیوں کہ یہ نیند میں خلل ڈال سکتی ہے۔
7۔ سونے سے پہلے خود کو پرسکون کریں
رمضان میں سونے سے پہلے اپنے دماغ اور جسم کو پرسکون کرنا بہترین نیند کے لیے ضروری ہے۔ گہری سانس لینے، مراقبہ، یا نماز پڑھنے جیسی آرام کی تکنیکوں پر عمل کریں۔ یہ طریقے آپ کے ذہن کو پرسکون کرتے ہیں اور جسم کو نیند کے لیے تیار کرتے ہیں۔ اس کے علاوہ سونے سے پہلے موبائل فون یا دیگر الیکٹرانک آلات کے استعمال سے گریز کریں کیوں کہ ان کی نیلی روشنی نیند کے ہارمونز کو متاثر کرتی ہے۔
ماہرین کا کہنا ہے کہ رمضان المبارک کے دوران نیند کو منظم کرنا ایک چیلنج ہو سکتا ہے لیکن ان 7عادات کو اپنا کر آپ نہ صرف اپنی نیند کے معیار کو بہتر بنا سکتے ہیں بلکہ پورے مہینے میں توانا اور چست بھی رہ سکتے ہیں۔
مختصر جھپکی، ہائیڈریشن، متوازن غذا اور آرام کی تکنیکوں جیسی عادات کو اپنا کر آپ رمضان کی مصروفیات کے باوجود اپنی نیند کو بہترین حالت میں رکھ سکتے ہیں۔ یہ طریقے نہ صرف صحت مند نیند کے لیے معاون ہیں بلکہ روحانی عبادات میں حاضر دماغ رہنے کے ساتھ ساتھ روزمرہ کی سرگرمیوں کو بھی بہتر بناتے ہیں۔
.ذریعہ: Express News
کلیدی لفظ: نیند کے معیار کو رمضان المبارک نیند لینے میں افطار کے بعد نیند کے لیے کا استعمال سکتے ہیں کے دوران نیند کو کو بہتر کیوں کہ سکتی ہے کو بھی رات کو جسم کو کے وقت کی کمی
پڑھیں:
سلمان خان کی فلم سکندر باکس آفس پر سست روی کا شکار
سلمان خان کی فلم سکندر باکس آفس پر سست روی کا شکار ہے، جس کی کمائی میں مسلسل کمی ہونے لگی۔
بالی ووڈ کے دبنگ اسٹار سلمان خان اور رشمیکا مندانا کی فلم سکندر 30 مارچ کو سنیما گھروں کی زینت بنی تھی، فلم نے ریلیز کے پہلے دن 26 کروڑ روپے کی زبردست کمائی کر کے ایک اچھا آغاز کیا، تاہم ابتدائی جوش و خروش کے باوجود فلم باکس آفس پر اپنی رفتار برقرار رکھنے میں ناکام رہی۔
فلم کی ریلیز کے 24 ویں دن یعنی 22 اپریل کو صرف 4 لاکھ روپے کی کمائی ہوئی، جس کے بعد سکندر کی بھارت میں مجموعی کمائی 110.2 کروڑ روپے پر پہنچ گئی ہے، عالمی سطح پر فلم نے 184.71 کروڑ روپے کا بزنس کیا ہے، یہ اعداد و شمار انڈسٹری ٹریکر ساکنِلک کی رپورٹ کے مطابق جاری کیے گئے ہیں۔
سکندر سلمان خان اور رشمیکا مندانا کی پہلی آن اسکرین جوڑی ہے، جسے شائقین نے ابتدائی دنوں میں کافی پسند کیا تھا، فلم کو معروف ہدایت کار اے آر مروگاداس نے ڈائریکٹ کیا ہے جبکہ اس کی پروڈکشن نڈیاڈوالا گرینڈسن انٹرٹینمنٹ نے کی ہے، فلم میں پرتیک ببر، کاجل اگروال اور شرمن جوشی نے بھی اہم کردار ادا کیے ہیں۔
فلم کی کمزور کارکردگی کے بعد اداکار عمران ہاشمی نے سلمان خان کی حمایت میں بیان دیا ہے، ایک انٹرویو میں انہوں نے کہا کہ مجھے سلمان خان پر پورا یقین ہے، وہ بہت سمجھدار ہیں، وہ کئی دہائیوں سے انڈسٹری میں ہیں، اُتار چڑھاؤ ہر کسی کے کیریئر کا حصہ ہوتا ہے، 10سال پہلے لوگ یہی بات شاہ رخ خان کے بارے میں کہہ رہے تھے، لیکن وہ واپس آئے اور چھا گئے، سلمان خان کے پاس تجربہ ہے، کرزمہ ہے اور وہ ضرور واپس آئیں گے۔
عمران ہاشمی کا یہ بھی کہنا ہے کہ کبھی کبھی فلم ویسی نہیں بنتی جیسی آپ نے سوچی ہوتی ہے، یہ چیزیں ہمیشہ آپ کے قابو میں نہیں ہوتیں، سلمان خان ایک محنتی اداکار ہیں اور اپنے کرداروں سے پورا انصاف کرتے ہیں۔
Post Views: 5
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم