اسپیکر کسی رکن کی رکنیت کو ختم نہیں کر سکتے
اشاعت کی تاریخ: 11th, July 2025 GMT
لاہور:
گروپ ایڈیٹر ایکسپریس ایاز خان کا کہنا ہے کہ اسپیکر نے بنیادی طور پر اراکین کو صفائی کا موقع نہیں دیا، انھوں نے خود کو صفائی کا موقع دیا ہے جس ملک احمد خان کو میں جانتا ہوں وہ اس حد تک جانے والے نہیں ہیں، ریفرنس میں اگر تین چار حکومتی ارکان بھی آ جاتے کیونکہ ظاہر ہے تالی ایک ہاتھ سے نہیں بج رہی ہوتی، ادھر سے اسی طرح سے جوابی چیزیں آ رہی ہوتی ہیں۔
ایکسپریس نیوز کے پروگرام ایکسپرٹس میں گفتگو کرتے ہوئے انھوں نے کہا کہ ہم نے بہت سے مناظر دیکھے بھی ہیں وزرا تک وہاں بیٹھی نعرے لگا رہی تھیں۔
تجزیہ کار فیصل حسین نے کہا کہ نے کہ اگر ہم جمہوری تناظر میں دیکھیں، پاکستان کی تاریخ میں اگر 1985سے لیکر اب جتنے ایوان ہوئے ہیں ان کو دیکھ لیں، ایوانوں کے بجٹ اجلاس ہوئے ہیں، یا اس وقت کے صدر پاکستان کے اجلاس ہوئے ہیں اس میں اس طرح کی ہنگامہ آرائی نہ ہوئی ہو،کیا یہ پاکستان کی پارلیمانی سیاست کا پہلا واقعہ تھا؟ یا اس واقعہ کے اندر کوئی ایسی چیز ہو گئی تھی کہ پہلے کسی دور میں ایسا کام نہ ہوا ہو؟یہ تو ہر دور میں ہوا ہے، انیس، بیس کا فرق ہو سکتا ہے۔
تجزیہ کار عامر الیاس رانا نے کہا پہلے دن سے ہم کہہ رہے ہیں کہ ملک احمد خان بڑے ٹھنڈے آدمی ہیں ، گہرے بھی ہیں، ان کا نام ساری دنیا نے جنرل باجوہ کے ساتھ جوڑاکہ ان کے آدمی ہیں ان کے بھتیجے بنے ہوئے ہیں، انھوں نے اپوزیشن کو جس طرح اکاموڈیٹ کیا، پی ایم ایل (این) پوری ناراض تھی ان سے کہ آپ ہر طرح سے اپوزیشن کا ساتھ دیتے ہیں، جو کام چوہدری پرویز الہٰی نے بطور اسپیکر نہیں کیے آپ وہ بھی اپوزیشن کے لیے کر رہے ہیں اور رعایتیں دے رہے ہیں، یہ بات سامنے آ ہی جائے گی کہ اپوزیشن نے ان کے ساتھ کیا طے کیا تھا۔
تجزیہ کار شکیل انجم نے کہا کہ ہم اس ایشو کو دو طریقوں سے دیکھتے ہیں، ایک تو آئینی طریقے سے کہ پاکستان کا آئین اس حوالے سے کیا کہتا ہے، دوسرا طریقہ یہ ہے کہ اخلاقیات کیا کہتی ہے، آئینی طور پر ہم دیکھیں تو جو اسپیکر صوبائی اسمبلی ہیں، ان کو براہ راست کسی بھی رکن اسمبلی کو معطل کرنے کا تو حق حاصل ہے لیکن اس کی رکنیت کو وہ ختم نہیں کر سکتے، وہ ان کے خلاف ریفرنس بھیج سکتے ہیں۔
تجزیہ کار محمد الیاس نے کہا کہ اسپیکر صاحب نے تو اپنا کام کر لیا، اسلام آباد بھی گئے، الیکشن کمیشن سے بھی ملے، ان سے بھی مشاورت کی کہ کیا قانونی کارروائی کی جا سکتی ہے ان کو ڈی سیٹ کرنے کے لیے، ساری صورتحال انھوں نے دیکھی کہ وہ اس پر کچھ زیادہ نہیں کر پا رہے، تو ان کو دبایا، دس اراکین پر تو جرمانے بھی عائد کیے گئے ہیں، میں سمجھتا ہوں کہ جن لوگوں سے وہ زیادہ تنگ ہیں ان لوگوں کو وہ بحال نہیں کریں گے۔
.
ذریعہ
ذریعہ: Express News
کلیدی لفظ: تجزیہ کار نے کہا کہ انھوں نے ہوئے ہیں نہیں کر
پڑھیں:
مقبوضہ کشمیر میں حالاے نشل کشی کے دہانے پر پہنچ گئے ہیں، رُکن برطانوی پارلیمنٹ
برطانوی ایوانِ بالا کے رکن لارڈ قربان حسین نے کہا ہے کہ مقبوضہ کشمیر کے حالات نسل کُشی کی طرف جارہے ہیں۔
میڈیا رپورٹس کے مطابق لارڈ قربان حسین نے برطانوی پارلیمنٹ میں مقبوضہ کشمیر کی انسانی حقوق کی صورتحال پر سوال اٹھاتے ہوئے کہا کہ ان کے مطابق وہاں کے حالات نسل کشی کے دہانے پر پہنچ چکے ہیں۔
انہوں نے جینوسائڈ واچ کی ایک رپورٹ کا حوالہ دیتے ہوئے برطانوی حکومت سے پوچھا کہ وہ ان انتباہات کو کس حد تک سنجیدگی سے لیتی ہے اور ممکنہ انسانی حقوق کی خلاف ورزیوں کی روک تھام کے لیے کیا اقدامات کر رہی ہے۔
جواب میں برطانوی حکومت کی جانب سے پارلیمانی انڈر سیکرٹری لارڈ کولنز نے کہا کہ برطانیہ انسانی حقوق سے متعلق اپنے دیرینہ مؤقف پر قائم ہے اور بھارتی پولیس یا سکیورٹی فورسز کے خلاف مبینہ انسانی حقوق کی خلاف ورزیوں کے الزامات کی مکمل، شفاف اور غیرجانبدارانہ تحقیقات کی حمایت کرتا ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم