جویریہ سعود رمضان ٹرانسمیشن میں عامر لیاقت کو یاد کر کے آبدیدہ ہوگئیں
اشاعت کی تاریخ: 7th, March 2025 GMT
ثنا خواں شیری رضا اور نعت خواں احمد رضا قادری رمضان ٹرانسمیشن کے دوران عامر لیاقت کی تحریر کردہ نعت پڑھتے ہوئے پروگرام کے دوران آبدیدہ ہوگئے جبکہ جویریہ سعود بھی فرط جذبات پر قابو نہ رکھ سکیں۔
تفصیلات کے مطابق ایکسپریس انٹرٹینمنٹ پر ہرسال کی طرح امسال بھی رنگ و نور اور روحانیت سے بھرپور رمضان ٹرانسمیشن ’پیارا رمضان‘ نشر کی جارہی ہے، پروگرام روزانہ دوپہر کو 3 بجے سے افطار تک ایکسپریس انٹرٹیمنٹ پر نشر کیا جارہا ہے۔
رمضان ٹرانسمیشن میں میزبانی کے فرائض جویریہ سعود انجام دے رہی ہیں جبکہ ثنا خواں شیری رضا اور نعت خواں احمد رضا قادری بھی پروگرام کا حصہ ہیں جو اپنی خوبصورت اور مسحور کن آواز سے پروگرام کی روحانیت کو بڑھا رہے ہیں۔
پروگرام میں عوام کی جانب سے کیے جانے والے سوالات بھی بذریعہ کال لیے جاتے ہیں جن کے جواب مولانا آزاد جمیل دیتے ہیں۔
جویریہ سعود کی میزبانی میں ہونےوالی خصوصی نشریات میں پاکستانی نژاد امریکی تاجر، سوشل ورکر علی شیخانی نے شرکت کی اورپھیپھڑوں کےعلاوہ ریڑھ کی ہڈی کے مرض میں تین سال سے مبتلا بچے کی مدد کا اعلان کیا۔
بیٹے کی بیماری سے پریشان والد کویقین ہےکہ علی شیخانی کی مدد سے بیٹا اپنے پیروں پرکھڑا ہوسکےگا۔
پروگرام میں شیری رضا، جویریہ سعود اور احمد رضا قادری مرحوم عامر لیاقت حسین کو یاد کر کے آبدیدہ ہوگئے۔
اس کے علاؤہ پیارا رمضان میں معصوم بچے بھی حصہ بن رہے ہیں، جن کی روزہ کشائی کی جارہی ہے جبکہ کوئز مقابلے بھی جاری ہیں۔
پروگرام میں پیارا حسن سلوک نیکی سیگمنٹ، پیارا کیسے لگیں سیگمنٹ بھی جاری ہے جس میں ماہر ڈاکٹر حنا انیس اپنی ماہرانہ رائے دے رہی ہیں۔
اس کے علاوہ پیارا ذائقہ سیگمنٹ میں شیف سمعیہ شریک ہیں جو اپنے مزیدار کھانوں کی تراکیب ناظرین کو بتارہی ہیں۔
پروگرام میں مہمان کا سیگمنٹ بھی ہے، جس میں شائستہ لودھی، شہزاد شیخ، علی رحمان خان، علی خان اور اہلیہ نے بھی شرکت کی۔
Post Views: 1.
ذریعہ
ذریعہ: Daily Mumtaz
کلیدی لفظ: جویریہ سعود پروگرام میں
پڑھیں:
پاک فوج کے چیف آف جنرل اسٹاف لیفٹیننٹ جنرل عامر رضا کو فور اسٹار جنرل کے عہدے پر ترقی دیدی گئی
اسلام آباد(نیوز ڈیسک)وزیراعظم شہباز شریف نے پاک فوج کے چیف آف جنرل اسٹاف لیفٹیننٹ جنرل عامر رضا کو فور اسٹار جنرل کے عہدے پر ترقی دیدی۔
وزیراعظم آفس کی جانب سے سوشل میڈیا پر جاری بیان میں بتایا گیا کہ پاک فوج کے چیف آف جنرل اسٹاف لیفٹیننٹ جنرل عامر رضا کو فور اسٹار جنرل کے عہدے پر ترقی دینے کے ساتھ کمانڈر نیشنل اسٹریٹجک کمانڈ مقرر کرنے کا اعلان بھی کیا گیا۔
وزیراعظم شہباز شریف نے لیفٹیننٹ جنرل عامر رضا، ہلال امتیاز ملٹری، ستارہ بسالت کو ان کی ترقی اور تقرری پر مبارکباد دی اور اس اہم ذمہ داری کی انجام دہی کے لیے جنرل عامر رضا کے لیے نیک خواہشات کا اظہار کیا۔
Islamabad, 24 July 2026.
Prime Minister Muhammad Shehbaz Sharif has announced the promotion of Lieutenant General Aamer Raza, HI(M), SBt, Chief of the General Staff of Pakistan Army, to the rank of “Four-Star General” and his appointment as “Commander National Strategic… pic.twitter.com/U1Qk2K5nsl
— Prime Minister's Office (@PakPMO) July 24, 2026
مزید پڑھیں۔امریکہ کا پاکستان سمیت 60 ممالک پر نئے ٹیرف عائد کرنے کا اعلان
بھارت سے جنگ اور افغانستان میں کارروائی خارج ازامکان نہیں، وزیردفاع