اسپیس ایکس اسٹارشپ اڑان بھرنے کے چند منٹ بعد تباہ
اشاعت کی تاریخ: 7th, March 2025 GMT
اسلام آباد (اُردو پوائنٹ ۔ DW اردو۔ 07 مارچ 2025ء) اس سال دوسری بار، اسپیس ایکس اسٹارشپ کی آزمائشی پرواز جمعرات کو اڑان بھرنے کے فوراً بعد پھٹ گئی۔
مسلسل تیسری ناکامی، اسپیس ایکس کا ایک اور راکٹ تباہ
اڑان بھرنے کے چند منٹ بعد ہی گراؤنڈ کنٹرول کا خلائی جہاز سے رابطہ ٹوٹ گیا، جس سے وہ فضا میں ہی پھٹ گیا، اور اس کا جلتا ہوا ملبہ کئی مقامات پر گرا۔
اس کے مدنظر فیڈرل ایوی ایشن ایڈمنسٹریشن (ایف اے اے) کو فلوریڈا کے کئی ہوائی اڈوں پر ہوائی ٹریفک کو روکنے پر مجبور ہونا پڑا۔ دو ماہ میں دوسری ناکامی؟جمعرات کا حادثہ اسی طرح کے ایک واقعے کے تقریباً دو ماہ بعد ہوا ہے، جو ارب پتی اور غیر سرکاری صدارتی معاون ایلون مسک کی ملکیت والی کمپنی کی دوسری ناکامی ہے۔
(جاری ہے)
چار سو تین فٹ لمبی راکٹ نے ٹیکساس میں اسپیس ایکس بوکا چیکا اڈے سے مقامی وقت کے مطابق شام 6:30 بجے کے قریب اڑان بھری۔
چین کا مریخ سے پتھروں کے نمونے زمین پر لانے کا منصوبہ
پرواز کا پہلا مرحلہ کامیاب رہا، بوسٹر الگ ہوکر زمین پر واپس آ گیا، جسے کرین کے ذریعے ہوا میں پکڑلیا گیا۔
لیکن پھر اسٹار شپ کا اوپری حصہ گھومنے لگا کیونکہ متعدد انجن بند ہو گئے تھے۔
اسپیس ایکس کے ترجمان ڈین ہووٹ نے راکٹ کی روانگی کو براہ راست نشر کرنے والے اسپیس ایکس لائیو اسٹریم پر کہا، "بدقسمتی سے ایسا پچھلی بار بھی ہوا تھا، اس لیے اب ہمیں کچھ مشق کرنی ہو گی ۔
" کیا مسک مریخ تک پہنچنے میں کامیاب ہو جائیں گے؟اس سال دونوں تجربات ان مراحل میں ناکام ہوئے جو پیشگی تجربات سے گزرچکے تھے، جس سے مسک کے 2025 میں پروگرام کو تیز رفتار دینے کے منصوبے کو دھچکہ لگا ہے۔
سویلین افراد کی اسپیس واک، نئی انسانی تاریخ رقم
جنوری میں پہلی مرتبہ لانچنگ کے دوران تقریباً آٹھ منٹ کے بعد ہی ایک دھماکہ ہوا اور اس کا ملبہ کئی کیریبین جزائر پر گرا تھا، جس سے ترکس اور کیکوس جزائر میں ایک کار کو نقصان پہنچا تھا۔
مسک کو امید ہے کہ رواں دہائی کے آخر تک انسانوں کو مریخ پر بھیجنے میں کامیابی مل جائے گی اور اسٹار شپ پروگرام اسی منصوبے کا ایک اہم حصہ ہے۔
فیڈرل ایوی ایشن ایڈمنسٹریشن نے کہا کہ اسپیس ایکس کو مستقبل کی کسی بھی پرواز کے لیے منظوری لینے سے قبل اس حادثے کی تحقیقات کرنی ہوں گی۔
ج ا ⁄ ص ز (روئٹرز، اے پی)
.ذریعہ: UrduPoint
کلیدی لفظ: تلاش کیجئے اسپیس ایکس
پڑھیں:
الیکشن کمیشن انتخابی عمل کو تباہ کرنے میں پیش پیش ہے، پرینکا گاندھی
جنرل سکریٹری نے کہا کہ حالات نہایت تشویشناک ہیں کیونکہ وہ ادارہ، جس پر آزادانہ اور منصفانہ انتخابات کرانے کی ذمہ داری ہے، خود انتخابی عمل کو نقصان پہنچانے میں شریک ہے۔ اسلام ٹائمز۔ کانگریس کی جنرل سکریٹری پرینکا گاندھی نے الیکشن کمیشن پر سنگین الزام لگاتے ہوئے کہا کہ یہ آئینی ادارہ انتخابی عمل کو تباہ کرنے میں پیش پیش ہے۔ انہوں نے عوام سے اپیل کی کہ وہ کانگریس کے رکن پارلیمان اور قائد حزب اختلاف راہل گاندھی کی پریس کانفرنس دیکھیں اور سمجھیں کہ ملک میں کیا ہو رہا ہے۔ پرینکا گاندھی نے زور دیا کہ "ہم سب کو آئین اور جمہوریت کے دفاع کے لئے متحد ہونا ہوگا"۔ پرینکا گاندھی نے کہا کہ حالات نہایت تشویشناک ہیں کیونکہ وہ ادارہ، جس پر آزادانہ اور منصفانہ انتخابات کرانے کی ذمہ داری ہے، خود انتخابی عمل کو نقصان پہنچانے میں شریک دکھائی دے رہا ہے۔ انہوں نے کہا کہ یہ وقت عوامی بیداری اور اتحاد کا ہے تاکہ ملک کو آئین سے ہٹانے کی کوششوں کو روکا جا سکے۔
انہوں نے میڈیا سے بات کرتے ہوئے کہا کہ سب کو راہل جی کی پریس کانفرنس دیکھنی چاہیئے تاکہ پتہ چلے کہ ہمارے ملک میں اصل میں کیا چل رہا ہے اور کس طرح الیکشن کمیشن انتخابی عمل کو برباد کرنے میں شامل ہے، ہمیں سب کو مل کر اپنے آئین، جمہوریت اور ملک کے لئے لڑنا ہوگا۔ خیال رہے کہ راہل گاندھی نے ایک پریس کانفرنس کے دوران الیکشن کمیشن کے کردار پر براہ راست سوال اٹھاتے ہوئے چیف الیکشن کمشنر گیانیش کمار پر ووٹ چوروں کو تحفظ دینے کا الزام عائد کیا۔
راہل گاندھی نے کہا کہ ان کی پارٹی کے حامی ووٹروں کے نام جان بوجھ کر ووٹر لسٹ سے ہٹائے جا رہے ہیں، جو جمہوریت کی کھلی توہین ہے۔ انہوں نے کہا کہ گیانیش کمار کو ووٹ چوروں کو تحفظ دینا بند کرنا چاہیئے، یہ ان کی ذمہ داری ہے کہ وہ اس بات کو یقینی بنائیں کہ عوامی رائے کا احترام کیا جائے۔ راہل گاندھی نے مزید کہا کہ ایک ہفتے کے اندر الیکشن کمیشن کو چاہیئے کہ وہ کرناٹک کی سی آئی ڈی کے ساتھ مکمل معلومات شیئر کرے تاکہ اصل حقائق سامنے آئیں۔
میجر عدنان اسلم شہید کی نمازِ جنازہ راولپنڈی میں ادا، فیلڈ مارشل اور وزیراعظم کی شرکت