حکومت ملک میں کاروباری سرگرمیوں اور سرمایہ کاری کیلئے سازگار ماحول فراہم کررہی ہے، وزیراعظم
اشاعت کی تاریخ: 7th, March 2025 GMT
ویب ڈیسک : وزیراعظم شہباز شریف سے ملکی مایہ ناز کاروباری شخصیات کے وفد نے وزیر اعظم ہاؤس میں ملاقات کی۔
وزیراعظم شہباز شریف نے کاروبار شخصیت کی آمد کا خیر مقدم کیا، اس موقع پر گفتگو کرتے ہوئے انہوں نے کہا کہ مخلص اور دیانتدار کاروباری برادری ہمارا قیمتی اثاثہ ہے، آپ سب نے مشکل وقت میں بھی صنعتی و معاشی ترقی کیلئے اپنا سرمایہ اس ملک میں لگایا، آپ کی کاوشوں کی بدولت ملک کی معیشت کا پہیہ چلا، لوگوں کو روزگار ملا، آپ کی مشاورت سے معیشت کی بہتری، تمام شعبوں میں اصلاحات کا سفر جاری رکھیں گے۔ انہوں نے کہا کہ الحمدللہ ملکی معیشت صحیح سمت کی طرف گامزن ہے، شرح سود اور مہنگائی کی شرح میں خاطر خواہ کمی آچکی ہے، حکومت ملک میں کاروباری سرگرمیوں اور سرمایہ کاری کیلئے سازگار ماحول فراہم کررہی ہے، سرمایہ کاری کا سفر مقامی سرمایہ کاروں سے شروع ہوتا ہے، ملک میں سرمایہ کاری ہوگی تو باہر سے بھی آئے گی۔
ترقیاتی منصوبوں کے معیار پر کوئی سمجھوتا نہیں ہوگا:وزیراعلیٰ مریم نواز
ملاقات میں کاروباری برادری نے وزیراعظم کی قیادت میں حکومت کی پالیسیوں پر اعتماد کا اظہار کیا اور کاروباری برادری و سرمایہ کاروں کیلئے سازگار ماحول فراہم کرنے پر خراج تحسین پیش کیا۔
وزیراعظم نے کہاکہ زراعت اور انڈسٹری کی ترقی ہمارا ہدف ہے، معیشت کا پہیہ تیزی سے گھمانے کیلئے ہم نے آپ کا ساتھ دینا ہے۔ انہوں نے کہا کہ چاول کی برآمد 4 ارب ڈالر تک پہنچ چکی ہے۔
شہباز شریف نے کہا کہ چین نے فری لیب گرانٹ دی جو کراچی میں دفن ہوگئی، اس تباہی کا ذمہ داری کون ہے؟، تالی دونوں ہاتھوں سے بجتی ہے، اس طرح کام نہیں چلے گا۔ انہوں نے کہا کہ آئندہ ہفتے سے سیکٹر وائز اجلاس کریں گے، ہفتہ میں 2 بار میٹنگ ہوگی، سیکٹر کو 4 لوگ لیڈ کریں گے، حکومتی ارکان بھی شامل ہوں گے، کوئی گپ شپ نہیں صرف فیصلے کئے جائیں گے۔
حکومت کا اہم فیصلہ، گریڈ 21 سے 22 میں ترقی کے قوانین مزید سخت
.ذریعہ: City 42
کلیدی لفظ: انہوں نے کہا کہ سرمایہ کاری ملک میں
پڑھیں:
حکومت بجلی، گیس و توانائی بحران پر قابوپانے کیلئے کوشاں ہے،احسن اقبال
نارووال (نمائندہ خصوصی )وفاقی وزیر منصوبہ بندی احسن اقبال نےکہا ہے کہ جس جذبے سے ہماری افواج دہشت گردی کےخلاف جنگ میں جانوں کا نذرانہ دے رہی ہیں، ملکی معاشی بہتری کے لیے کردار ادا نہ کیا تویہ فورسز کی قربانیوں کے صلے میں ان سے زیادتی ہوگی۔وفاقی وزیر منصوبہ بندی احسن اقبال کا نارووال میں تقریب سے خطاب کرتے ہوئےکہنا تھا کہ پاکستان کی معیشت بحالی کی جانب گامزن ہے، ہمیں بھرپور جذبے سے ملکی معیشت کی بہتری کے لیے کردار ادا کرنا ہے، حکومت کی کوشش ہےکہ ملک میں بجلی، گیس اور توانائی کے بحران پر قابو پائیں۔
انہوں نے کہا کہ جب ہمیں حکومت ملی تھی تو اُس وقت معیشت سمیت تمام شعبہ جات تباہ حال تھے، رفتہ رفتہ ان سب میں بہتری آرہی ہے۔احسن اقبال نے مزید کہا کہ معشیت بہتر ہوتے ہی بجلی کے شعبے میں نرخوں میں کمی کو ممکن بنائیں گے، گیس کی قیمتیں بھی کم کرنا ہوں گی۔ساتھ ہی وزیراعظم اور حکومت کی خواہش ہے کہ ٹیکسوں کی شرح میں کمی لائیں، تاہم اس کے لیے ضروری ہے کہ ٹیکس چوری کے خلاف ہم سب کو مل کر جہاد کرنا ہوگا۔
جو لوگ ٹیکس ادا کرتے ہیں اُن کی زمہ داری ہے کہ وہ حکومت کے ساتھ مل کر ٹیکس چوروں کی نشاندہی کریں، اگر ٹیکس چوری نہیں رکے گی تو تنخواہ دار طبقے پر مزید بوجھ بڑھے گا۔وفاقی وزیر منصوبہ بندی کا کہنا تھا کہ ٹیکس کے بغیر حکومت ترقیاتی کام نہیں کر سکتی، حکومت کے پاس پیسے چھاپنے کی کوئی مشین نہیں ہوتی، ٹیکس سے ہی ترقیاتی اور دیگر کام کرنے ہوتے ہیں، پاکستان میں اس وقت ٹیکس ٹو جی ڈی پی کی شرح 10.5 ہے، ہمارے جیسے دیگر ممالک میں یہ شرح 16 سے 18 فیصد تک ہے۔
ڈی جی این سی سی اے وقارالدین سید کو ہٹا دیا گیا، سید خرم علی تعینات