پُر تشدد رویئے قوم، ملک کیلئے باعث شرم: خواجہ آصف
اشاعت کی تاریخ: 10th, March 2025 GMT
سیالکوٹ (نامہ نگار) وفاقی وزیر دفاع خواجہ محمد آصف نے صوبائی وزیر ہیومین رائٹس و منیارٹی افیئر رامیشں سنگھ اروڑا کے ہمراہ سیالکوٹ میں وزیر اعلیٰ پنجاب مریم نواز شریف منیارٹی کارڈ تقسیم کئے، ضلع سیالکوٹ کے 1547 اقلیتی گھرانوں میں منیارٹی کارڈ تقسیم کئے گئے۔ وزیر دفاع خواجہ محمد آصف کا منیارٹی کارڈ کے اجراء پر وزیر اعلیٰ پنجاب کو خراج تحسین پیش کرتے ہوئے کہا کہ صحت مند معاشرے کیلئے لازم ہے کہ مذہبی اور نسلی اقلیتوں کو بلا تفریق یکساں حقوق میسر ہوں۔ انہوں نے کہا کہ ہماری اولین ترجیح ہے کہ پاکستان کی ساری آبادی بغیر کسی تفریق کے اول و آخر پاکستانی ہو اور اس مٹی سے وفاداری کسی مذہبی وابستگی کی وجہ سے اثرانداز نہ ہو۔ سیالکوٹ اس لحاظ سے خوش قسمت ہے یہاں مسیحیوں، ہندوؤں اور سکھوں کی خاصی تعداد میں بستے ہیں اور قیام پاکستان کے بعد سے یہاں آباد ہیں اور ان کو اپنے کاروبار اور مذہبی رسومات میں مکمل آزادی حاصل ہے۔ سیالکوٹ میں اقلیتوں کی موجودگی کو بین الاقوامی سطح پر تسلیم کرایا جائے گا یہ دکھایا جاسکے یہ اس شہر میں تمام مذاہب کے لوگ مذہبی یگانگت اور ہم آہنگی سے زندگی بسر کررہے ہیں۔خواجہ محمد آصف نے کہا کہ گردوارہ بابے دے بیری کے مقدس مقام تالاب کو قبضہ مافیا کروایا گیا اور باقی رقبہ بھی واگزار کروایا جائے گا۔ انہوں نے کہا کہ سیالکوٹ سکھ کمیونٹی کی بین الاقوامی منزل بن چکی ہے تاکہ وہ دیکھ سکیں کہ یہاں پر مذہبی، نسلی اقلیتیں کس حال میں زندگی بسر کررہے ہیں۔انہوں نے کہا کہ معاشرے میں پرتشدد رویے موجود ہیں اور ایسے واقعات ملک اور قوم کیلئے شرمندگی کا باعث بنتے ہیں۔ پاکستان کی مٹی پر بلا تفریق سب کا حق ہے۔ خواجہ محمد آصف نے کہا کہ غالباً پاکستان کی قانون ساز اسمبلی کے پہلے سپیکر ہندو تھے اور پاکستان کی عدلیہ کے جسٹس کارنیلئس کا تعلق بھی اقلیت سے تھا جن پر کوئی انگلی نہیں اٹھا سکتا جبکہ 10 سے 15 سالوں میں جو چیف جسٹس گزرے ہیں ان پر انگلی تو کیا کچھ اور بھی اٹھایا جاسکتا ہے۔ صوبائی وزیر ہیومین رائٹس و مذہبی امور پنجاب رامیشں سنگھ اروڑا نے خطاب کرتے ہوئے کہا کہ وزیر اعلیٰ پنجاب مریم نواز شریف نے بطور وزیر اعلیٰ اپنی پہلی تقریر میں کہا تھا کہ اقلیتیں میرے سر کا تاج ہیں میں چاہتی ہوں جب اقلیتیں سوئے تو انہیں کسی قسم کا کوئی خوف نہ ہو۔ اسی طرح قائد میاں نواز شریف کہتے ہیں کہ میرے نزدیک اکثریت اور اقلیت کی کوئی تفریق نہیں۔ صوبائی وزیر انسانی حقوق رامیشں سنگھ اروڑا نے کہا کہ 22 جنوری کو وزیر اعلیٰ پنجاب مریم نواز شریف نے مینارٹی کارڈ کا اجراء کیا، بغیر کسی سفارش کے پورٹل کے ذریعے 93 ہزار پنجاب میں بسنے والے غیر مسلم گھرانوں نے خود کو رجسٹرڈ کیا ان میں سے 50 ہزار گھرانوں کو جن غربت سکور 45 سے تھا مینارٹی کارڈ کیلئے اہل قرار دیا گیا گیا۔ اگلے سال مینارٹی کارڈ سے 75 ہزار گھرانے مستفید ہونگے۔ صوبائی وزیر نے گردوارہ بابے دی بیری کے تاریخی تالاب اور اراضی کو قبضہ مافیا سے واگزار کروانے پر سکھ کمیونٹی کی جانب سے خواجہ محمد آصف، محمد منشاء اللہ بٹ، فیصل اکرام، ڈپٹی کمشنر اور ایڈیشنل ڈپٹی کمشنر ریونیو اور انتظامیہ کا شکریہ ادا کیا۔ صوبائی وزیر اقلیتی امور رامیشں سنگھ اروڑا نے کہا کہ پاکستان دنیا کا وہ ملک ہے جہاں پر سکھ میرج ایکٹ کے تحت سکھ جوڑوں کی شادیوں کو رجسٹرڈ کیا جارہا ہے جبکہ بھارت جہاں اڑھائی کروڑ سکھ رہتے ہیں وہ ہندو میرج ایکٹ کے تحت اپنی شادیاں رجسٹرڈ کروانے پر مجبور ہیں۔ انہوں نے کہا کہ وزیر اعلیٰ پنجاب مریم نواز شریف نے اقلیتی عبادت گاہوں کی تعمیر و مرمت، قبرستانوں کی چار دیواری اور اقلیتی آبادیوں میں ترقیاتی منصوبوں کیلئے 4 ارب روپے کے فنڈز جاری کئے ہیں۔ وزیراعلیٰ پنجاب مریم نواز شریف کے تاریخی اقدامات ہیں۔ انہوں نے کہا کہ اقلیتوں کی بحالی اور تحفظ کیلئے اقلیتی امور ڈیپارٹمنٹ نے پانچ سٹریٹجک پلان ترتیب دیا ہے۔قبل ازیں وزیر دفاع خواجہ محمد آصف، صوبائی وزیر رامیشں سنگھ اروڑا، اراکین صوبائی اسمبلی محمد منشاء اللہ بٹ، فیصل اکرام، ڈپٹی کمشنر محمد ذوالقرنین لنگڑیال اور ایڈیشنل ڈپٹی کمشنر محمد اقبال سنگھیڑا نے بابے دی بیری کے واگزار کروانے گئے تالاب کو گردوارہ کی انتظامیہ کے سپرد کیا۔خواجہ محمد آصف نے تالاب کی بحالی کیلئے منصوبہ تیار کرنے کی ہدایت کی۔ صوبائی وزیر رامیشں سنگھ اروڑا نے کہا کہ تالاب کی تاریخی حالت میں بحالی کیلئے پی سی ون تیار کیا جارہا ہے اور جلد اس منصوبے پر کام شروع کردیا جائے۔ اس موقع پر سیوک دار جسکرن سنگھ بھی موجود تھے۔
.ذریعہ: Nawaiwaqt
کلیدی لفظ: پنجاب مریم نواز شریف خواجہ محمد ا صف نے انہوں نے کہا کہ پاکستان کی ڈپٹی کمشنر وزیر اعلی
پڑھیں:
وزیرِاعظم کا شاندار انتخاب، خواجہ آصف کا مشرف زیدی کی تقرری کا خیرمقدم
وزیرِ دفاع خواجہ محمد آصف نے سینیئر تجزیہ کار مشرف زیدی کی حکومت میں شمولیت کا خیرمقدم کیا ہے۔
سماجی رابطے کی ویب سائٹ ایکس (سابقہ ٹوئٹر) پر اپنے بیان میں انہوں نے کہا کہ وزیرِاعظم کا یہ ایک بہترین انتخاب ہے۔
خواجہ آصف نے مزید کہا کہ ان شا اللہ وہ خود اور دیگر سینیئر وزرا مشرف زیدی کی بصیرت اور تجربے سے بھرپور فائدہ اٹھائیں گے۔
مزید پڑھیں: معروف صحافی مشرف زیدی وزیراعظم کے ترجمان برائے غیرملکی میڈیا مقرر
واضح رہے کہ مشرف زیدی کو حال ہی میں حکومت میں اہم عہدے پر تعینات کیا گیا ہے۔ یہ فیصلہ وزیرِاعظم کے 4 جون کے سابق احکامات اور کابینہ ڈویژن کے 10 جون کے سرکلر کو منسوخ کرتے ہوئے کیا گیا ہے۔
Welcome to @mosharrafzaidi – Excellent choice by the PM. InshaAllah myself and the rest of the senior ministers will greatly benefit from his insights and experience. pic.twitter.com/tDYFwvTOzi
— Khawaja M. Asif (@KhawajaMAsif) November 3, 2025
مشرف زیدی اس وقت وزیرِاعظم کے سرکاری کارکردگی اور اختراعات کے کوآرڈینیٹر کے طور پر ذمہ داریاں سنبھال رہے ہیں۔ وہ لمز سے اکنامکس میں بی ایس سی آنرز اور نیویارک کے بارک کالج سے پالیسی تجزیہ اور نان پرافٹ مینجمنٹ میں ماسٹر آف پبلک ایڈمنسٹریشن کی ڈگری حاصل کر چکے ہیں۔
مزید پڑھیں: معاشی ترقی فرسودہ نظام میں اصلاحات کے بغیر ممکن نہیں، وزیراعظم شہباز شریف
مشرف زیدی 2011 سے 2013 تک وزارتِ خارجہ میں بطور پالیسی مشیر فرائض انجام دے چکے ہیں، جبکہ 2013 سے 2018 تک وہ الف اعلان کے کیمپین ڈائریکٹر اور چیف ایگزیکٹو رہے۔
2018 میں انہوں نے اسلام آباد میں تھنک ٹینک تبادلہ قائم کیا، جہاں جون 2025 تک بطور سی ای او اور بعد ازاں اگست تک بطور سینیئر فیلو خدمات انجام دیتے رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تقرری کا خیرمقدم خواجہ آصف مشرف زیدی
بھارت میں طوفان مونتھا کے پیش نظر اسکول بند، شہریوں کا انخلا