پنجاب میں مدرسہ اور اسکولوں کی بنیاد پر بچوں کی مردم شماری کرانے جارہے ہیں، وزیر تعلیم رانا سکندر
اشاعت کی تاریخ: 11th, March 2025 GMT
پنجاب کے وزیر تعلیم رانا سکندر حیات نے کہا ہے کہ صوبے میں مدرسہ اور اسکولوں کی بنیاد پر بچوں کی پہلی مردم شماری کروانے جارہے ہیں، جبکہ تعلیم بالغاں کے لیے بھی نیا پروگرام لا رہے ہیں۔
وی نیوز کو انٹرویو دیتے ہوئے انہوں نے کہاکہ اس وقت پنجاب میں 45 فیصد اسکولز غیررجسٹرڈ ہیں، ہم پہلی باری اسکولوں اور مدرسوں میں داخل بچوں کی مردم شماری کروانے جارہے ہیں، نادرا کے ریکارڈ کے مطابق یہ مردم شماری ہوگی جس میں سرکاری اور پرائیویٹ اسکولوں اور مدرسوں میں داخل بچوں کی تعداد کو گنا جائےگا۔
یہ بھی پڑھیں پنجاب میں صحت، تعلیم اور دیگر شعبے دوسرے صوبوں سے بہتر ہیں، بلوچ طالبات کی مریم نواز کی تعریف
انہوں نے کہاکہ مردم شماری کی رپورٹ کے مطابق حکومت جائزہ لے گی کہ کتنے بچے اس وقت اسکولوں سے باہر ہیں، پھر انہیں اسکولوں میں داخل کرانے کے لیے حکمت عملی بنائی جائےگی۔
وزیر تعلیم پنجاب نے کہاکہ تعلیم بالغاں کے لیے بھی ایک پروگرام لایا جارہا ہے، اس میں یہ ہوگا کہ جو لوگ تعلیم حاصل نہیں کرسکے اور وہ فیس بک، ٹک ٹاک چلانا جانتے ہیں، ان کو ایک گیم کے ذریعے پڑھنا سکھایا جائےگا۔
3 سال میں پنجاب کے تعلیمی نظام کو عالمی معیار کے مطابق ڈھالیں گےرانا سکندر حیات نے کہاکہ اب محکمہ تعلیم میں سفارش پر بھرتیاں اور ٹرانسفر پوسٹنگ نہیں ہورہی۔ پرائمری اسکولوں کو پرائیویٹائز کرنے سے بھی حکومت کو فائدہ ہوا۔ جو ٹیچر پرائیویٹ 5 سے 6 ہزار روپے کما رہا تھا وہ اب 15 سے 20 ہزار روپے ماہانہ کما رہا ہے۔
انہوں نے کہاکہ ہونہار پروگرام کے تحت 61 فیصد لڑکیوں کو اسکالر شپ مل چکی ہیں، سکوٹیز اور لیپ ٹاپس دیے جارہے ہیں، اور یہ سب وزیراعلیٰ پنجاب مریم نواز کے ویژن سے ممکن ہوا۔
انہوں نے کہاکہ آپ دیکھیں گے اگلے 3 سال میں پنجاب کا تعلیمی نظام دنیا کا کمال ترین تعلیمی نظام ہوگا۔ بہت جلد پنجاب کی 5 تحصیلیں ایسی ہوں گی جہاں پر تمام بچے اسکول جارہے ہوں گے، کوئی بچہ اسکول سے باہر نہیں ہوگا۔
اسکول نیوٹریشن پروگرام کے تحت 4 کروڑ دودھ کے پیکٹ تقسیم کیے جاچکےصوبائی وزیر تعلیم رانا سکندر حیات نے کہاکہ جب اسکول نیوٹریشن پروگرام شروع کیا تھا تو ساڑھے 3 لاکھ بچوں کا اسکولوں میں اندراج تھا، اس پروگرام کو شروع کرنے کے بعد بچوں کی تعداد سوا چار لاکھ ہوگئی ہے، ابھی 3 اضلاع میں اس پروگرام کو شروع کیا گیا ہے جب اس پروگرام کو پنجاب کے 36 اضلاع میں شروع کیا جائے گا تو بچوں کی اسکول میں تعداد 10 سے 15 لاکھ بڑھ سکتی ہے، اس پروگرام کی وجہ سے اسکولوں میں حاضری 60 سے 90 فیصد تک پہنچ گئی ہے۔
انہوں نے کہاکہ میں نے اپنے بیٹے یوسف کو ابتدائی تعلیم کے لیے سرکاری اسکول میں داخل کرایا ہے، جس کا مقصد عوام کو یہ بتانا ہے کہ ایک وزیر کا بیٹا بھی وہاں پڑھے گا جہاں پر عام آدمی کا بچہ تعلیم حاصل کررہا ہے۔
انہوں نے کہاکہ ہم نے ابتدائی عمر کے لیے نئے اسکول شروع کیے ہیں جن میں بچوں کو پرائیویٹ اسکولوں کی طرح پڑھایا جائے گا، یہ ابتدائی عمر کے اسکول ابھی لاہور اور گوجرانولہ میں شروع کیے گئے ہیں، اس کے بعد پورے پنجاب میں آغاز کیا جائےگا۔
وزیر تعلیم نے کہاکہ میرے بچے کے سرکاری اسکول میں جانے کے بعد بہت سے بیوروکریٹس اور میرے رشتہ داروں نے بھی اپنے بچوں کو ابتدائی عمر کے سرکاری اسکول میں داخل کروایا ہے۔
رانا سکندر حیات نے کہاکہ اگر حکومت 550 ارب روپے اسکول ایجوکیشن کے لیے دے رہی ہے تو میری کوشش ہے کہ یہ سارا بجٹ درست جگہ پر لگے، اور لوگوں کا سرکاری اداروں پر اعتماد بحال ہو۔
پنجاب کے نواجوان وزیر بوڑھے وزرا سے زیادہ کام کررہے ہیںایک سوال کے جواب میں انہوں نے کہاکہ وزیراعلیٰ پنجاب مریم نواز نے نوجوان وزرا کو اپنی کابینہ میں شامل کیا جو بھرپور کارکردگی دکھا رہے ہیں۔ یہ وزیراعلیٰ کا دلیرانہ فیصلہ تھا جس کے باعث نوجوان وزرا نے بوڑھے وزرا سے زیادہ بہتر کارکردگی دکھائی۔
یہ بھی پڑھیں وفاق کے بعد پنجاب کابینہ میں بھی توسیع، نئے وزرا کون ہوسکتے ہیں؟
ایک سوال کے جواب میں انہوں نے کہاکہ کام کے حوالے سے وزیراعلیٰ پنجاب مریم نواز سے ڈانٹ پڑتی رہتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسکول رانا سکندر حیات مدرسہ مردم شماری مریم نواز وزیر تعلیم پنجاب وزیراعلٰی پنجاب وی نیوز.ذریعہ: WE News
کلیدی لفظ: اسکول رانا سکندر حیات مریم نواز وزیر تعلیم پنجاب وی نیوز رانا سکندر حیات نے انہوں نے کہاکہ اس پروگرام وزیر تعلیم مریم نواز اسکول میں جارہے ہیں پنجاب کے بچوں کی کے بعد کے لیے
پڑھیں:
پاکستانی تارکین وطن کے بچوں کے لیے مفت پیشہ ورانہ تربیتی کورسز، رجسٹریشن کیسے کروائی جائے؟
حکومت کی جانب سے خصوصی طور پر پاکستانی تارکین وطن کے بچوں کے لیے 3 سے 6 ماہ کے مفت پیشہ ورانہ تربیتی کورسز کا آغاز کیا جا رہا ہے۔
یہ پروگرام نیشنل ووکیشنل اینڈ ٹیکنیکل ٹریننگ کمیشن (NAVTTC) اور اوورسیز پاکستانیز فاؤنڈیشن (OPF) کے اشتراک سے شروع کیا جائے گا۔
یہ بھی پڑھیں: ٹرمپ کی دھمکی: ایشیائی تارکین وطن کی بڑی تعداد کہاں منتقل ہورہی ہے؟
اگرچہ یہ کورسز بنیادی طور پر تارکین وطن کے بچوں کے لیے ہیں، لیکن بالغ افراد بھی اس میں حصہ لے سکتے ہیں۔
کون سے کورسز کروائے جائیں گے؟شرکا جدید اور زیادہ مانگ والے شعبوں میں تربیت حاصل کر سکتے ہیں۔
1۔ ڈیجیٹل مارکیٹنگ
2۔ سائبر سیکیورٹی
3۔ مصنوعی ذہانت (AI)
4۔ ویب ڈیویلپمنٹ
5۔ الیکٹریشن کی تربیت
6۔ ویلڈنگ
اس کے علاوہ دیگر تکنیکی اور پیشہ ورانہ شعبے شامل ہیں۔
واضح رہے کہ یہ کورسز عالمی معیار کے مطابق ڈیزائن کیے گئے ہیں تاکہ شرکا کو ملکی اور بین الاقوامی سطح پر روزگار کے بہتر مواقع حاصل ہو سکیں۔
اہلیت کا معیاراس پروگرام میں شرکت کے لیے درج ذیل شرائط پوری کرنا ضروری ہیں۔
1۔ درخواست دہندہ نے میٹرک (گریڈ 10) یا اس سے اعلیٰ تعلیم مکمل کی ہو۔
2۔ عمر 18 سے 40 سال کے درمیان ہو۔
3۔ صرف یہہ نہیں بلکہ یہ پروگرام نوجوانوں کے ساتھ ساتھ کیریئر کے وسط میں موجود افراد کو بھی مہارت کے فروغ کے مواقع فراہم کرتا ہے۔
درخواست دینے کی آخری تاریخ:درخواستیں جمع کرانے کی آخری تاریخ 30 ستمبر 2025 ہے۔
درخواست دینے کا طریقہ:درخواستیں آن لائن پورٹل nsis.navttc.gov.pk کے ذریعے جمع کرائی جا سکتی ہیں۔ درخواست کے عمل کو آسان بنانے کے لیے پورٹل پر تمام ضروری معلومات اور رہنمائی فراہم کی گئی ہے۔
پروگرام کا مقصد:اس اقدام کا مقصد پاکستانی تارکین وطن کے بچوں اور دیگر اہل افراد کو تکنیکی اور ڈیجیٹل شعبوں میں عملی مہارتیں سکھانا ہے۔ اس سے نہ صرف ان کی ملازمت کے امکانات بہتر ہوں گے بلکہ وہ پاکستان اور بیرون ملک ترقی کے مواقع سے بھرپور فائدہ اٹھا سکیں گے۔
یہ بھی پڑھیں: پاکستانی تارکین وطن پاک برطانیہ دو طرفہ تعلقات بڑھانے میں پل کا کام کرتے ہیں، سفیر ڈاکٹر محمد فیصل
شرکا کو جدید ٹیکنالوجی اور آلات تک رسائی دی جائے گی تاکہ وہ عالمی معیار کے مطابق تیار ہو سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پیشہ ورانہ کورسز تارکین وطن حکومت پاکستان ڈیجیٹل مہارت وی نیوز
نیپال میں ’جنریشن زی‘ سڑکوں پر کیوں نکلی؟