بھارتی ریاست بہار: ایک سالہ بچے نے کوبرا کو کاٹ لیا، سانپ ہلاک، بچہ بے ہوش
اشاعت کی تاریخ: 27th, July 2025 GMT
بہار کے ضلع مغربی چمپارن کے علاقے بتیہ میں ایک حیران کن واقعہ پیش آیا جہاں ایک سالہ بچے نے کھیلتے ہوئے ایک زہریلے کوبرا سانپ کو کاٹ لیا۔ اس کے نتیجے میں سانپ موقع پر ہی ہلاک ہوگیا جبکہ بچہ بے ہوش ہوگیا، اسے فوراً اسپتال منتقل کیا گیا تاہم وہ اب خطرے سے باہر ہے۔
سانپ کو کھلونا سمجھ کر کاٹ لیاتفصیلات کے مطابق، واقعہ گزشتہ روز اس وقت پیش آیا جب گووندا نامی ایک سالہ بچہ اپنے گھر میں کھیل رہا تھا۔ اسی دوران 2 فٹ لمبا کوبرا سانپ گھر میں داخل ہوا۔ بچے نے سانپ کو کھلونا سمجھ کر اٹھا لیا اور اُسے کاٹ لیا۔
یہ بھی پڑھیے انسان کے کاٹے سے سانپ ہلاک، یہ عجیب و غریب واقعہ کہاں پیش آیا؟
بچے کے کاٹنے سے سانپ 2 حصوں میں تقسیم ہو گیا اور موقع پر ہی مر گیا۔ دوسری طرف گووندا بھی بے ہوش ہوگیا، اُسے فوری طور پر قریبی پرائمری ہیلتھ سینٹر لے جایا گیا، جہاں ابتدائی طبی امداد کے بعد اُسے اسپتال منتقل کر دیا گیا۔
اسپتال کے ڈپٹی سپرنٹنڈنٹ ڈاکٹر دیوکانت مشرا نے بھارتی میڈیا کو بتایا کہ بچے پر سانپ کے زہر کا کوئی اثر ظاہر نہیں ہوا اور وہ مکمل طبی نگرانی میں ہے۔ خوش قسمتی سے وہ خطرے سے باہر ہے۔
ماحولیات کی تبدیلی کا نتیجہ؟ماہرین جنگلی حیات کے مطابق، مون سون بارشوں اور بے ہنگم تعمیرات کے باعث سانپوں کی قدرتی پناہ گاہیں متاثر ہو رہی ہیں، جس کی وجہ سے وہ آبادی والے علاقوں میں داخل ہو رہے ہیں۔ صرف گروگرام میں جولائی کے دوران 85 سانپ پکڑے گئے، جو اس مسئلے کی سنگینی کو ظاہر کرتا ہے۔
یہ بھی پڑھیے بے خبر بائیکر کے ساتھ زہریلا سانپ 2 گھنٹے تک رہا ہم سفر
سانپ کے کاٹنے سے اموات عامواضح رہے کہ بھارت میں کوبرا کو سب سے زہریلے سانپوں میں شمار کیا جاتا ہے اور ہر سال ہزاروں اموات سانپ کے کاٹنے کے باعث ہوتی ہیں۔ چند روز قبل لُدھیانہ کے ایک گاؤں پاوت میں 2 بہنیں سانپ کے کاٹنے سے جاں بحق ہو گئی تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت دلچسپ و عجیب ریاست بہار کوبرا سانپ گوندا کمار.ذریعہ: WE News
کلیدی لفظ: بھارت دلچسپ و عجیب ریاست بہار کوبرا سانپ گوندا کمار کے کاٹنے سانپ کے کاٹ لیا
پڑھیں:
ایف بی آئی کا ریاست مشی گن میں دہشت گرد حملہ ناکام بنانےکا دعویٰ
ایف بی آئی نے جمعہ کے روز اعلان کیا کہ اس نے ریاست مشی گن میں دہشت گردی کے ایک ممکنہ حملے کو ناکام بنا دیا ہے جو ہالووین ویک اینڈ کے دوران ہونے والا تھا۔
ایف بی آئی کے ڈائریکٹر کاش پٹیل نے پلیٹ فارم ایکس پر اپنی ایک پوسٹ میں بتایا کہ آج صبح ایف بی آئی نے ایک ممکنہ دہشت گرد حملہ ناکام بنادیا ہے۔
یہ بھی پڑھیں: ایف بی آئی نے پاکستان میں ایرانی سفیر کو انتہائی مطلوب افراد کی فہرست میں شامل کرلیا
’مشی گن میں متعدد مشتبہ افراد کو گرفتار کیا جو ہالووین ویک اینڈ کے دوران پرتشدد حملے کی منصوبہ بندی کر رہے تھے۔‘
This morning the FBI thwarted a potential terrorist attack and arrested multiple subjects in Michigan who were allegedly plotting a violent attack over Halloween weekend. More details to come. Thanks to the men and women of FBI and law enforcement everywhere standing guard 24/7…
— FBI Director Kash Patel (@FBIDirectorKash) October 31, 2025
انہوں نے مزید کہا کہ جلد مزید تفصیلات جاری کی جائیں گی اور قانون نافذ کرنے والے اہلکاروں کا شکریہ ادا کیا جو مسلسل عوام کے تحفظ کے لیے سرگرم ہیں۔
ایف بی آئی کے ڈیٹرائٹ فیلڈ آفس کے ترجمان نے تصدیق کی کہ ڈیئربورن اور انکاسٹر میں کارروائیاں کی گئیں، تاہم انہوں نے کہا کہ اس وقت عوامی تحفظ کو کوئی خطرہ نہیں۔
مزید پڑھیں:ایف بی آئی کا شمالی کورین ہیکرز پر ڈیڑھ ارب ڈالر کے ورچوئل اثاثے چرانے کا الزام
میڈیا رپورٹس کے مطابق، 4اعلیٰ قانون نافذ کرنے والے حکام نے بتایا کہ ڈیٹرائٹ میں ایف بی آئی نے نوجوانوں کے ایک گروپ کو گرفتار کیا جو ہالووین کے موقع پر ممکنہ حملے کی منصوبہ بندی کر رہا تھا۔
حکام کے مطابق گروپ کے غیر ملکی انتہاپسند تنظیموں سے کچھ تعلقات پائے گئے ہیں، تاہم تفصیلات ظاہر نہیں کی گئیں۔
ایف بی آئی گزشتہ چند دنوں سے اس گروہ کی ڈیٹرائٹ کے گرد و نواح میں نگرانی کر رہی تھی تاکہ کوئی حملہ نہ ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف بی آئی دہشت گرد حملہ ڈیٹرائٹ کاش پٹیل مشی گن ہالووین
ترکیہ برطانیہ سے 20 یورو فائٹر طیارے خریدے گا، معاہدے طے