وہ پاکستانی ستارے جن کا آخری وقت دلخراش رہا
اشاعت کی تاریخ: 11th, July 2025 GMT
پاکستانی شوبز انڈسٹری بظاہر ایک پرکشش دنیا ہے جہاں چمکتے دمکتے چہرے، مہنگے ملبوسات، اسٹیج کی روشنی، شہرت اور چاہنے والوں کا ہجوم نظر آتا ہے، لیکن اس جگمگاتی دنیا کے پیچھے ایک تاریک پہلو بھی چھپا ہوتا ہے۔ یہ دنیا ذہنی دباؤ، بے یقینی، تنہائی، مالی مشکلات، انڈسٹری کے طاقتور گروپوں کی اجارہ داری، اور کام کے مواقع کی کمی جیسے کئی مسائل سے بھری پڑی ہے۔ ان چمکتے ستاروں کی زندگیوں کا ایک ایسا پہلو ہے جو مداحوں سے اکثر چھپا رہتا ہے، اور جب ان کی موت کی خبریں سامنے آتی ہیں تو عوام کو جھٹکا لگتا ہے۔
ذیل میں اُن 15 پاکستانی فنکاروں کا ذکر کیا گیا ہے جن کا آخری وقت نہایت دلخراش رہا۔
عائشہ خانعائشہ خان پاکستان ٹی وی انڈسٹری کی معروف شخصیت تھیں۔ انہوں نے اپنے کیریئر کا آغاز پی ٹی وی سے کیا اور بعد ازاں پرائیویٹ چینلز پر کام کرتے ہوئے شہرت حاصل کی۔ عمر رسیدہ ہونے کے باوجود وہ تنہا رہتی تھیں۔ ان کی لاش ایک ہفتے بعد ان کے اپارٹمنٹ سے ملی، جب ان کا کسی سے رابطہ نہ ہونے پر تفتیش کی گئی۔ ان کی موت نے ملک بھر میں افسوس کی لہر دوڑا دی۔
حمیرا اصغرنوجوان اور باصلاحیت اداکارہ حمیرا اصغر کی موت کے حالات دل دہلا دینے والے تھے۔ وہ کراچی کے ایک فلیٹ میں اکیلی رہتی تھیں اور پچھلے سال سے کرایہ ادا نہیں کررہی تھیں۔ مکان مالک نے عدالت سے رجوع کیا، اور جب بیلف دروازہ کھلوانے پہنچا تو ان کی لاش ملی۔ فرانزک رپورٹ کے مطابق، وہ 10 ماہ قبل ہی وفات پاچکی تھیں، جبکہ بیلف کو دروازہ توڑنے تک یہ بھی اندازہ نہ تھا کہ اندر موت بسی ہے۔ ان کی عمر صرف 32 سال تھی۔ ان کی موت نے یہ سوال اٹھایا کہ نوجوان فنکار کس قدر تنہا اور دباؤ میں زندگی گزار رہے ہیں۔
ثنا یوسفسوشل میڈیا کی ابھرتی ہوئی اسٹار ثنا یوسف صرف 17 سال کی عمر میں قتل کر دی گئیں۔ ایک نوجوان نے، جس کو انہوں نے مسترد کر دیا تھا، نے انتقامی کارروائی کے طور پر ان کے گھر میں گھس کر انہیں قتل کردیا۔ اس واقعے نے معاشرے میں موجود عورتوں کے خلاف نفرت اور ’نہ‘ کو برداشت نہ کرنے والی ذہنیت کو بے نقاب کیا۔ ابتدا میں متاثرہ لڑکی کو ہی تنقید کا نشانہ بنایا گیا، جس سے معاشرتی منافقت بھی آشکار ہوئی۔
عامر لیاقت حسینعامر لیاقت حسین ایک ایسا نام ہے جو مذہب، سیاست اور شوبز کی دنیا میں یکساں مقبول رہا۔ لیکن ان کی زندگی کا آخری دور تنازعات سے گھرا ہوا تھا۔ مسلسل شادیوں اور طلاقوں نے ان کی نجی زندگی کو سوشل میڈیا پر مذاق بنا دیا۔ ان کی اہلیہ کی جانب سے نجی ویڈیوز منظرِ عام پر لانے کے بعد وہ شدید ذہنی دباؤ کا شکار ہوئے۔ بالآخر وہ پراسرار حالات میں اپنے گھر میں مردہ پائے گئے۔
قندیل بلوچقندیل بلوچ نے سوشل میڈیا پر اپنی بے باک رائے اور غیر روایتی انداز سے شہرت حاصل کی۔ انہوں نے کئی نامور افراد کو بے نقاب کیا، جس کی وجہ سے وہ متنازع بن گئیں۔ ان کے بھائی نے ’غیرت‘ کے نام پر ان کا قتل کر دیا۔ ان کا مقدمہ برسوں چلا، لیکن انہیں مکمل انصاف کبھی نہ ملا۔
سلطان راہیفلمی دنیا کے بے تاج بادشاہ سلطان راہی نے 800 سے زائد فلموں میں کام کیا اور پنجابی فلم انڈسٹری کو نئی زندگی دی۔ لیکن ان کا انجام انتہائی افسوسناک تھا۔ انہیں راولپنڈی سے لاہور واپسی پر نامعلوم حملہ آوروں نے گاڑی روک کر گولی مار دی۔ وہ موقع پر ہی دم توڑ گئے، اور ان کے قاتل آج تک قانون کی گرفت سے باہر ہیں۔
ننھامزاحیہ کرداروں سے شہرت حاصل کرنے والے ننھا نے لاہور میں خود کو شاٹ گن سے گولی مار کر خودکشی کرلی۔ وجوہات میں ناکام محبت اور کیریئر کا زوال شامل بتایا جاتا ہے۔ ان کی موت نے شوبز انڈسٹری میں موجود خاموش اذیتوں کو بے نقاب کیا۔
طارق ٹیڈیتھیٹر کے معروف کامیڈین طارق ٹیڈی اپنے انوکھے انداز اور خشک مزاح کے لیے جانے جاتے تھے۔ وہ جگر کے سنگین مرض کا شکار ہو گئے تھے۔ ان کے اہلخانہ نے علاج کے لیے حکومتی مدد کی اپیل کی، جس پر حکومت نے مدد تو فراہم کی لیکن وہ جانبر نہ ہوسکے۔ ان کا انتقال 46 سال کی عمر میں ہوا۔
مستانہتھیٹر کے ورسٹائل اداکار مستانہ نے 30 سال تھیٹر کو دیے۔ ایک موقع پر جب پولیس نے تھیٹر پر چھاپہ مارا، تو مبینہ طور پر ایک اہلکار نے انہیں تھپڑ مارا۔ یہ توہین ان کے دل پر گراں گزری اور انہوں نے تھیٹر کو ہمیشہ کے لیے چھوڑ دیا۔ وہ ہیپاٹائٹس سی کا شکار ہوئے اور بہاولپور میں انتقال کرگئے۔
ببّو برالببو برال نہ صرف مزاحیہ اداکار بلکہ بہترین گلوکار بھی تھے۔ وہ طویل بیماری کے بعد انتقال کرگئے۔ ان کے اہلخانہ آج بھی مالی مشکلات میں مبتلا ہیں اور حکومتی امداد کے منتظر ہیں۔
روحی بانوروحی بانو کو ملک کی بہترین اداکاراؤں میں شمار کیا جاتا تھا۔ ان کی زندگی دکھوں سے بھری رہی، 2 ناکام شادیاں، بیٹے کا کم عمری میں قتل، اور بعد ازاں ذہنی بیماری نے انہیں تنہا کر دیا۔ آخری ایام وہ اپنی بہن کے ساتھ استنبول میں گزاررہی تھیں جہاں ان کا انتقال ہوا۔
اسد عباسایک نہایت عمدہ آواز کے مالک گلوکار اسد عباس کو کوک اسٹوڈیو میں بھی سراہا گیا۔ ان کے گردے کام کرنا چھوڑ گئے تھے، جس کے بعد وہ مالی مشکلات کا شکار ہوگئے۔ علاج کے لیے انہوں نے اپنے تمام اثاثے بیچ دیے، لیکن زندگی کی جنگ نہ جیت سکے۔
جنید جمشیدمشہور بینڈ ’وائٹل سائنز‘ کے روح رواں اور بعد ازاں مذہبی شخصیت جنید جمشید نے 2 مختلف زندگیاں گزاریں۔ پہلے موسیقی میں اور پھر دین کی خدمت میں۔ وہ 2016 میں ایک فضائی حادثے میں جاں بحق ہوگئے۔ ان کی موت نے پورے ملک کو سوگوار کر دیا۔
امجد صابریصوفی قوال امجد صابری اپنے باوقار انداز، دلکش آواز اور صابری خاندان کے وارث ہونے کی حیثیت سے شہرت رکھتے تھے۔ رمضان کے مہینے میں کراچی کی ایک مصروف سڑک پر انہیں ٹارگٹ کلنگ کا نشانہ بنایا گیا۔ ان کی موت فن، ثقافت اور روحانیت کا ایک ناقابلِ تلافی نقصان تھی۔
نادرہاداکارہ نادرہ اپنی خوبصورتی، آنکھوں کی دلکشی اور فلمی صلاحیتوں کی وجہ سے شہرت حاصل کرچکی تھیں۔ وہ سلطان راہی کے ساتھ کئی فلموں میں جلوہ گر ہوئیں۔ اپنے کیریئر کے عروج پر انہیں گولی مار کر قتل کردیا گیا۔ ان کے قتل کی تفتیش آج تک مکمل نہ ہوسکی۔
یہ تمام واقعات اس حقیقت کو عیاں کرتی ہیں کہ شہرت، دولت، اور چمکتی دنیا کے پیچھے اکثر گہرے زخم چھپے ہوتے ہیں۔ یہ فنکار لاکھوں دلوں پر راج کرتے رہے، لیکن جب ان کے اپنے دل ٹوٹے تو اکثر وہ تنہا، نظرانداز شدہ اور بے سہارا تھے۔ شوبز کی چکاچوند کے پیچھے موجود یہ کربناک سچائیاں ہمیں یاد دلاتی ہیں کہ ہر ستارہ اپنی روشنی کے پیچھے کہیں نہ کہیں اندھیرے سے لڑرہا ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آخری وقت پاکستان حمیرا اصغر دردناک شوبز.
ذریعہ
ذریعہ: WE News
کلیدی لفظ: پاکستان دردناک ان کی موت نے انہوں نے کے پیچھے کا شکار قتل کر کر دیا کے لیے
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی