بی جے پی 13 جولائی کی چھٹی کو سیاسی رنگت دے رہی ہے، تنویر صادق
اشاعت کی تاریخ: 11th, July 2025 GMT
نیشنل کانفرنس کے ترجمان اعلٰی نے کہا کہ انکی پارٹی اپنی کوششوں سے پیچھے نہیں ہٹے گی اور عوام سے 13 جولائی کی چھٹی کو بحال کرنے کے وعدے پر قائم رہیگی۔ اسلام ٹائمز۔ جموں و کشمیر نیشنل کانفرنس کے ترجمان اعلیٰ اور رکن اسمبلی تنویر احمد صادق نے دعویٰ کیا کہ ان کی پارٹی 13 جولائی "یوم شہداء" کی سرکاری تعطیل کو بہت جلد بحال کرائے گی۔ انہوں نے کہا کہ نیشنل کانفرنس نے 13 جولائی کے شہیدوں کو ہمیشہ خراج عقیدت پیش کیا ہے اور ہمیشہ پیش کرتی رہے گی۔ نیشنل کانفرنس کے ترجمان نے بھارتیہ جنتا پارٹی پر نیشنل کانفرنس کے بانی شیخ محمد عبداللہ کے یوم ولادت اور 13 جولائی یوم شہداء کی تعطیل پر سیاسی بازار گرم کرنے کا الزام عائد کیال۔ تنویر صادق نے کہا کہ بی جے پی تعطیل کے معاملے پر اب بھی سیاست سے باز نہیں آ رہی، وہ سیاست کرتے رہیں تاہم این سی اپنی کوششوں سے پیچھے نہیں ہٹے گی اور عوام سے 13 جولائی کی چھٹی کو بحال کرنے کے وعدے پر قائم رہے گی۔ یاد رہے کہ دفعہ 370 اور 35 اے کی تنسیخ اور جموں کشمیر کو ریاستی درجے سے گھٹا کر یونین ٹیریٹری میں تبدیل کرنے سے قبل دہائیوں سے سرکاری و عوامی سطح پر تقریب منعقد کی جاتی اور 13 جولائی کو سرکاری تعطیل بھی منائی جاتی جسے لیفٹیننٹ گورنر نے 2020ء کی فہرست سے نکال دیا۔
نیشنل کانفرنس کے ترجمان اعلیٰ نے ان باتوں کا اظہار جمعہ کو شیخ محمد عبداللہ کی زوجہ بیگم اکبر جہاں کی 25ویں برسی کے موقع پر حضرتبل میں فاتحہ خوانہ کی تقریب کے بعد نامہ نگاروں کے ساتھ بات چیت کے دوران کیا۔ تنویر صادق نے پی ڈی پی کو تنقید کا نشانہ بناتے ہوئے کہا کہ پی ڈی پی کا جب بی جے پی کے ساتھ اتحاد تھا تو ان کا ایک بھی کابینہ وزیر اس دن مزار شہداء پر 13 جولائی کے شہیدوں کو خراج عقیدت پیش کرنے کے لئے نہیں آتا، یہاں تک کہ محبوبہ مفتی جب وزیراعلیٰ تھیں تو وہ اپنی گاڑی پر جموں و کشمیر کا پرچم بھی نہیں لگاتی تھی۔ انہوں نے دعویٰ کیا کہ ان کی پارٹی جلد 13 جولائی کی چھٹی بحال کرے گی تاہم تنویر صادق نے اس حوالے سے ریاستی درجے کو ناگزیر قرار دیتے ہوئے کہا کہ کچھ فیصلے ہماری حکومت لے سکتی ہے مگر اب بھی کئی فیصلے منوانے کے لئے ہمیں راج بھون کا رخ کرنا پڑتا ہے۔
ذریعہ: Islam Times
کلیدی لفظ: نیشنل کانفرنس کے ترجمان جولائی کی چھٹی تنویر صادق کہا کہ
پڑھیں:
نئے نمبر پلیٹ کے حصول کیلئے عوام کا رش، رجسٹریشن آفس میں ہفتے اور اتوار کی چھٹی بند
سٹی 42 : صوبائی وزیر ایکسائز، ٹیکسیشن و نارکوٹکس کنٹرول مکیش کمار چاؤلہ نے موٹررجسٹریشن ونگ ہفتے اور اتوار کو بھی کھلا رکھنے کا اعلان کردیا۔
صوبائی وزیر کی جانب سے جاری اعلامیے کے مطابق سوک سینٹر کراچی میں قائم موٹر رجسٹریشن ونگ ہفتہ اور اتوار کو بھی کھلا رکھنے کا فیصلہ کیا گیا ہے۔
ڈی جی ایکسائز و ٹیکسیشن سندھ اقبال احمد لغاری نے اس حوالے سے نوٹیفیکیشن بھی جاری کردیا، جس کے مطابق سوک سینٹر کراچی میں موٹر رجسٹریشن ونگ ہفتہ اور اتوار کو صبح 10 تا 4 بجے تک کھلا رہے گا۔
بھارت کی مشہور ٹینس پلیئر والد کے ہاتھوں قتل
ڈی جی ایکسائز کا کہنا ہے کہ یہ فیصلہ گاڑیوں کی نمبر پلیٹس کے حصول کے لیے عوام کے بڑھتے رش و سہولت کے باعث کیا گیا ہے۔
نوٹیفکیشن میں کہا گیا ہے کہ ہفتہ و اتوار موٹرسائیکل ملکیت کی منتقلی، کار و موٹر سائیکل نمبر پلیٹس کے اجراء، رسید اور واجبات کی ادائیگی کے لیے مختص رہیں گے۔
یومِ عاشور ہمیں قربانی اور حق گوئی کا پیغام دیتا ہے، صدر اور وزیراعظم کے خصوصی پیغامات