اڈیالہ جیل کے دروازے پر پی ٹی آئی وکلاء اور علیمہ خان کے مابین تلخ کلامی
اشاعت کی تاریخ: 11th, March 2025 GMT
اڈیالہ جیل کے داخلی دروازے پر پی ٹی آئی وکلاء اور علیمہ خان کے مابین شدید تلخ کلامی ہوئی ہے۔علیمہ خان کی دیگر دو بہنوں کے ہمراہ بانی پی ٹی آئی سے ملاقات ختم ہو گئی،ملاقات کے بعد اڈیالہ کے داخلی گیٹ پر علیمہ خان کی وکلاء اورپی ٹی آئی رہنماؤں کے ساتھ تلخ کلامی ہوئی ہے، علیمہ خان نے وکلاء اور رہنماوں کو چارج شیٹ کردیا۔علیمہ خان کا کہنا تھا کہ بانی پی ٹی آئی سے صرف وہی ملاقات کرے گا جسکو کوئی ذمہ داری سونپی گئی ہو بغیر ذمہ داری کے کوئی وکیل جیل کے اندر نہیں جائے گا،آپ لوگوں نے کیا ڈرامہ لگایا ہوا ہے ہر بندہ صرف ملاقات کے لئے جیل آتا ہے،ہمارا بھائی اندر ہے ہمارا اس سے پیار ہے ہم اسکے لئے جان بھی دے سکتے ہیں۔علیمہ خان نے کہا کہ کوئی بھی وکیل اپنی طرف سے عدالت میں اضافی پٹیشن دائر نہیں کرے گا،پٹیشن دائر کرنے کا اختیار صرف سلمان اکرم اور سلمان صفدر کے پاس ہے، میرے بھائی کی بچوں سے ٹیلی فونک بات نہیں کرائی جا رہی،نہ کتابیں مل رہی ہیں،آپ بشریٰ بی بی کے فوکل پرسن ہیں آپ کس کس سے ملتے ہیں، علیمہ خان کا نعیم پنجھوتہ پر غم و غصہ کا اظہار،میرے ساتھ بدتمیزی نہ کریں۔
نعیم پنجھوتہ کا کہنا تھا کہ میں کسی سے نہیں ملا،جس سے ملا ہوں آپ بتائیں،میں بدتمیزی نہیں کر رہا،ہم جیلیں بھگت کرآئے ہیں،ہم پر پرچے ہوئے ہیں،علیمہ خان نے کہا کہ تم یہ کس طرح مجھ سے بات کر رہے ہو،خاموش رہو،موقع پر کھڑے وکلاء نعیم پنجھوتہ کو پکڑسائیڈ پر لے گئے ، علیمہ خان وکلاء سے بار بار پوچھتی رہیں کہ آپ اب تک بانی کے لئے عدالت سے کیا ریلیف لیا ہے۔
ذریعہ: Nawaiwaqt
کلیدی لفظ: پی ٹی ا ئی وکلاء اور علیمہ خان
پڑھیں:
پاکستان اور بھارت کے درمیان بات چیت کے دروازے کھلے ہیں، ترجمان دفتر خارجہ
ترجمان دفتر خارجہ نے کہا کہ پاکستان تمام تصفیہ طلب معاملات پربھارت کے ساتھ بات چیت کے لیے تیار ہے، اس ضمن میں ان کے مطابق پاکستان کی پالیسی واضح ہے اور فیصلہ بھارت کو کرنا ہے۔
دفتر خارجہ میں ہفتہ وار پریس بریفنگ میں ترجمان نے بتایا کہ اسحاق ڈار اور امریکی وزیر خارجہ مارکو روبیو کے درمیان ہونے والی ملاقات میں ایران، جنگ بندی اور دیگر علاقائی و عالمی امور زیر غور آئیں گے، ترجمان دفتر خارجہ کے مطابق ایرانی صدر کا دورہ پاکستان ملتوی نہیں ہوا بلکہ تاریخیں طے کی جا رہی ہیں۔
ترجمان دفتر خارجہ شفقت علی خان نے بتایا کہ پاک ایران تعلقات مضبوط ہیں اور دورے کے دوران کئی اہم موضوعات زیر بحث آئیں گے، تاہم انہوں نے واضح کیا کہ پاک ایران گیس پائپ لائن پر بات ہوگی یا نہیں، اس بارے میں ابھی کچھ کہنا قبل از وقت ہے۔
یہ بھی پڑھیں: پاکستان نے بھارت کے 6 جہاز گرائے، جب بھی بات ہوگی مسئلہ کشمیر پر ہوگی، ترجمان دفتر خارجہ
ترجمان کے مطابق نائب وزیراعظم و وزیر خارجہ اسحاق ڈار اس وقت امریکہ کے سرکاری دورے پر ہیں، جہاں انہوں نے اقوام متحدہ میں خطاب کرتے ہوئے پائیدار ترقی، اقتصادی اصلاحات اور ماحولیاتی تبدیلیوں سے نمٹنے کے لیے پاکستان کے عزم کا اعادہ کیا۔
ترجمان دفتر خارجہ کے مطابق اسحاق ڈار نے اقوام متحدہ کے سیکریٹری جنرل سے ملاقات کے دوران خطے اور عالمی سطح پر درپیش چیلنجز پر تفصیلی بات چیت کی، جن میں سندھ طاس معاہدہ، مسئلہ جموں و کشمیر اور کثیرالقومی طریقہ کار سے مسائل کے حل پر زور شامل تھا۔
شفقت علی خان نے بتایا کہ پاکستان کی زیر صدارت اقوام متحدہ کی سلامتی کونسل نے ایک اہم قرارداد نمبر 2788 منظور کی، جس کا مقصد عالمی تنازعات کے پرامن حل کو فروغ دینا ہے۔
مزید پڑھیں: کشن گنگا اور رتلے منصوبوں پر ثالثی عدالت کا ضمنی فیصلہ، پاکستان کا خیرمقدم
فلسطین کے مسئلے پر بات کرتے ہوئے ترجمان نے کہا کہ وزیر خارجہ نے اقوام متحدہ میں اپنی تقریر کے دوران فوری جنگ بندی، اسپتالوں اور اسکولوں پر بمباری روکنے اور انسانی جانوں کے تحفظ کا مطالبہ کیا۔ پاکستان نے اسرائیل کے شام پر حملوں کی بھی شدید مذمت کی اور انہیں بین الاقوامی قوانین کی کھلی خلاف ورزی قرار دیا۔
ترجمان شفقت علی خان نے غزہ میں انسانی امداد پہنچانے کے عزم کا اعادہ کرتے ہوئے کہا کہ جیسے ہی راستے کھلیں گے، پاکستان اپنی امداد فوری طور پر روانہ کرے گا۔
تھائی لینڈ اور کمبوڈیا کے درمیان حالیہ جھڑپوں پر تبصرہ کرتے ہوئے ترجمان نے کہا کہ پاکستان معاملے کو دیکھ رہا ہے اور تمام مسائل کے پرامن حل کا خواہاں ہے۔
مزید پڑھیں: چین نے دریائے برہما پتر پر میگا ڈیم کی تعمیر شروع کر دی، بھارت پریشانی کا شکار
افغان ویزا فراڈ کے معاملے پر ترجمان نے بتایا کہ اس ضمن میں تحقیقات جاری ہیں، وزیر داخلہ محسن نقوی کے حالیہ دورۂ افغانستان پر بات کرتے ہوئے انہوں نے کہا کہ دونوں ملکوں کے تعلقات میں بہتری آئی ہے، تاہم دہشت گردوں کے محفوظ ٹھکانے اب بھی ایک بڑی رکاوٹ ہیں جن پر دونوں ملک بات چیت کر رہے ہیں۔
شفقت علی خان کے مطابق افغان وزیر خارجہ کے آئندہ دورہ پاکستان کی تفصیلات بھی طے کی جا رہی ہیں، جب کہ پاکستان اور افغانستان کے درمیان تجارت میں اضافہ ہو رہا ہے، برکس کی رکنیت سے متعلق سوال پر ترجمان نے کہا کہ پاکستان تنظیم کی رکنیت کے لیے سنجیدہ کوششیں کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان بات چیت بھارت پاکستان ترجمان تصفیہ طلب تھائی لینڈ دفتر خارجہ شفقت علی خان کمبوڈیا
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ