عمران خان کے خلاف توہینِ عدالت کی درخواست سماعت کے لیے مقرر
اشاعت کی تاریخ: 15th, March 2025 GMT
سپریم کورٹ نے بانی چیئرمین پاکستان تحریک انصاف عمران خان کے خلاف توہینِ عدالت کی درخواست سماعت کے لیے مقرر کر دی ہے چیف جسٹس امین الدین کی سربراہی میں پانچ رکنی بینچ 21 مارچ کو اس درخواست کی سماعت کرے گا یہ درخواست وفاقی حکومت کی جانب سے دائر کی گئی تھی جس میں مؤقف اختیار کیا گیا تھا کہ عمران خان نے 25 مئی 2022ء کو لانگ مارچ کے دوران سپریم کورٹ کے احکامات کی خلاف ورزی کی عدالت نے اس وقت لانگ مارچ کے لیے ایک مخصوص مقام مختص کیا تھا اور بانی پی ٹی آئی کے وکلا نے یقین دہانی کرائی تھی کہ مارچ اسی مقام تک محدود رہے گا تاہم مظاہرین ڈی چوک تک پہنچ گئے پچھلی سماعت کے دوران عدالت نے وفاقی حکومت سے وضاحت طلب کی تھی کہ آیا وہ اس درخواست کی مزید پیروی کرنا چاہتی ہے یا نہیں۔ عمران خان کے وکیل سلمان اکرم راجا نے اس حوالے سے اپنا جواب عدالت میں جمع کرا دیا تھا 25 مئی 2022ء کو ہونے والا یہ لانگ مارچ 26 مئی کو جناح ایونیو پر اختتام پذیر ہوا تھا مگر اس دوران بعض کارکنان نے ڈی چوک کے قریب درختوں کو آگ لگا دی تھی، جس کے باعث حالات کشیدہ ہو گئے تھے اس واقعے کے بعد حکومت نے عمران خان کے خلاف توہینِ عدالت کی کارروائی کے لیے عدالت سے رجوع کیا تھا اب سپریم کورٹ 21 مارچ کو اس اہم کیس کی سماعت کرے گی جس میں یہ طے کیا جائے گا کہ آیا عمران خان نے واقعی عدالتی احکامات کی خلاف ورزی کی تھی یا نہیں اس مقدمے کے نتائج پی ٹی آئی کے لیے بھی خاصی اہمیت کے حامل ہوں گے، کیونکہ یہ فیصلہ ان کی قانونی مشکلات میں مزید اضافہ کر سکتا ہے یا انہیں کسی ممکنہ سزا سے بچا سکتا ہے
.
ذریعہ
ذریعہ: Nawaiwaqt
کلیدی لفظ: عمران خان کے کے لیے
پڑھیں:
اڈیالہ جیل میں عمران خان اور بشریٰ بی بی کی ملاقات
راولپنڈی: اڈیالہ جیل میں بانی پی ٹی آئی اور بشری بی بی کی ملاقات کرا دی گئی.
جیل ذرائع کے مطابق عمران خان اور بشریٰ بی بی کی ملاقات کانفرنس روم میں کرائی گئی جو 50 منٹ تک جاری رہی۔
ملاقات میں دونوں نے ایک دوسرے کی صحت سے متعلق بات چیت کی۔
دریں اثنا عمران خان کی بہنوں سمیت کسی کو ملاقات کی اجازت نہ ملی، وزیراعلی کے پی سہیل آفریدی، بانی کی بہنوں نے اڈیالہ روڈ پر دھرنا بھی دیا، راولپنڈی فیکٹری ناکے پر کے پی ممبران اسمبلی اور کارکن موجود رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ