کوئٹہ: مظاہرین 5 خود کش حملہ آوروں کی لاشیں اسپتال سے زبردستی لے گئے، معاملہ کیا ہے؟
اشاعت کی تاریخ: 20th, March 2025 GMT
بدھ کے روز بلوچستان کے صوبائی دارالحکومت کوئٹہ میں واقع سول اسپتال سے مظاہرین 5 مبینہ خودکش حملہ آوروں کی لاشیں زبردستی لے کر چلے گئے۔
وی نیوز سے بات کرتے ہوئے پولیس سرجن سول اسپتال ڈاکٹر عائشہ فیض نے بتایا کہ مشتعل مظاہرین نے سول اسپتال کے مردہ خانے پر حملہ کیا اور مرکزی دروزے کا تالہ توڑ کر 5 خودکش حملہ آوروں کی لاشیں زبردستی لے کر چلے گئے۔
ان خودکش حملہ آوروں کی لاشوں میں جعفر ایکسپریس میں ملوث 4 خود کش حملہ آور جبکہ قلات میں سیکیورٹی فورسز پر خود کش خاتون حملہ آور کی لاش بھی شامل تھی۔ لاشوں کو پوسٹ مارٹم کے لیے اسپتال منتقل کیا گیا تھا۔
مزید پڑھیں: سابق کمشنر کوئٹہ افتخار جوگزئی کی بیٹی کا ایئر ہوسٹس پر تشدد، معاملہ کیا تھا؟
وی نیوز سے بات کرتے ہوئے بلوچ یکجہتی کمیٹی کے رہنما بیبرگ بلوچ نے بتایا کہ چند روز قبل 33 لاشیں سول اسپتال لائی گئیں تھی جس پر لاپتا افراد کے لواحقین کو یہ خدشہ تھا کہ ان لاشوں میں لاپتا افراد کی لاشیں بھی ہوسکتی ہے۔ اس دوران لواحقین نے اسپتال انتظامیہ سے لاشوں کو دیکھنے کا مطالبہ کیا جس پر اسپتال انتظامیہ کی جانب سے تعاون نہیں کیا گیا۔
بیبرگ بلوچ نے بتایا کہ لواحقین اور بلوچ یکجہتی کمیٹی کے چند رہنما پرسوں تک اسی مطالبے کو لیے اسپتال میں موجود رہے تاہم گزشتہ روز اسپتال اسی سلسلے میں واپس گئے تو وہاں لواحقین کی تعداد میں اضافہ ہوا گیا ایسے میں پولیس اور مظاہرین نے درمیان دھکم پیل ہوئی۔
مزید پڑھیں: کوئٹہ میں مختلف مقامات پر 3 زور دار دھماکے، ایک سیکیورٹی اہلکار شہید
چند مظاہرین نے مردہ خانے سے 5 سے 6 کے قریب لاشوں کا نکال لیا۔ لواحقین 2 لاشیں اپنے آبائی علاقوں کو لے جانے میں کامیاب رہے جبکہ 3 سے 4 لاشوں کو پولیس نے واپس کے لیا۔
بیبرگ بلوچ کہتے ہیں کہ پولیس اور مظاہرین کے درمیان جھڑپ میں پولیس نے لاٹھی چارج اور آنسو گیس کا استعمال کیا جبکہ خواتین کو گرفتار بھی کیا گیا۔
واقع سے متعلق انتظامیہ اور پولیس کا موقف تاحال سامنے نہیں آیا
واضح رہے کہ گزشتہ روز سے سوشل میڈیا پر ویڈیو گردش کر رہی ہے جس میں ایک شخص انتظامیہ اور پولیس پر الزام عائد کر رہے کے رات کے اندھیرے میں انتظامیہ اور پولیس کی جانب سے 13 لاشوں کو دفنایا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان خودکش حملہ آور کوئٹہ مظاہرین.ذریعہ: WE News
کلیدی لفظ: بلوچستان خودکش حملہ آور کوئٹہ مظاہرین حملہ آوروں کی سول اسپتال خودکش حملہ لاشوں کو کی لاشیں
پڑھیں:
منرل پالیسی زبردستی لاگو کرنے کی کوشش کی گئی تو بھرپور مزاحمت کرینگے، مجمع علماء و طلاب روندو
علماء نے صوبائی حکومت کو بالعموم اور دروندو انتظامیہ کو بالخصوص انتباہ کیا کہ جابرانہ طور پر نافذ کردہ قوانین اور ظالمانہ لیز پالیسی کی آڑ میں کسی بھی مقامی و غیر مقامی فرد یا کمپنی کو گلگت بلتستان خاص طور پر روندو کے عوامی حقوق پر مسلط کرنے سے باز رہے۔ اسلام ٹائمز۔ مجمع علماء و طلاب روندو کا ایک اہم اجلاس ڈمبوداس روندو میں منعقد ہوا جس کی صدارت مجمع کے مرکزی صدر شرافت علی شاہدی نے کی۔ اجلاس میں گلگت بلتستان کے قدرتی ذخائر، پہاڑ معدنیات، جنگل اور جنگلی حیات کے تحفظ اور مستقبل میں ان کی دکھ بھال اور دانشمندانہ استعمال کی بابت تفصیلی گفتگو شنید کی گئی۔ اجلاس میں شریک تمام علمائے کرام نے حکومت کی جانب سے لاگو کیے جانے حالیہ جیمز اینڈ منرل پالیسی اور عوام کو اعتماد میں لیے بغیر جی بی اسمبلی سے جاری کیے گئے غیر منصفانہ قوانین کی شدید مذمت کی اور ان اقدامات کو مقامی عوام کے حقوق سلب قلب کرنے کی سازش قرار دیتے ہوئے بوقت ضرورت بھرپور مزاحمت کرنے کے عزم کا اظہار کیا، نیز عوام دشمن اقدامات میں ملوث مقامی و علاقائی سہولت کاروں کی شدید الفاظ میں مذمت کی گئی۔ تمام علماء نے صوبائی حکومت کو بالعموم اور دروندو انتظامیہ کو بالخصوص انتباہ کیا کہ جابرانہ طور پر نافذ کردہ قوانین اور ظالمانہ لیز پالیسی کی آڑ میں کسی بھی مقامی و غیر مقامی فرد یا کمپنی کو گلگت بلتستان خاص طور پر روندو کے عوامی حقوق پر مسلط کرنے سے باز رہے، بصورت دیگر نقص امن سمیت کسی بھی ناخوشگوار واقعے کی تمام تر ذمہ داری صوبائی حکومت اور مقامی انتظامیہ پر عائد ہو گی۔ اجلاس میں شیخ محمد تقی جعفری، شیخ شرافت شاہدی، شیخ نثار حسین، سید فضل شاہ، شیخ رضا انصاری، شیخ بشیر نادری، شیخ ابراہیم حیدری، شیخ صادق حسن، شیخ یوسف مطہری، شیخ ساقی، سید مہدی شاہ، شیخ ہاشم، شیخ منظور حسین جعفری اور شیخ سلیمان علی طاہری نے شرکت کی۔
ملک کے مختلف علاقوں میں آج اور کل شدید بارش، ژالہ باری کا امکان