جعلی دستاویزات اور گداگری میں ملوث خواتین سمیت 3 مسافر گرفتار
اشاعت کی تاریخ: 22nd, March 2025 GMT
گجرانوالہ:
ایف آئی اے امیگریشن نے سیالکوٹ ایئرپورٹ پر کارروائی کرتے ہوئے جعلی دستاویزات اور گداگری میں ملوث 2 خواتین سمیت 3 مسافروں کو گرفتار کرلیا۔
ترجمان کے مطابق گرفتار ملزمان میں صغراں، ذلیخہ جعفری اور محمد شاہ زیب شامل ہیں۔ گرفتار خواتین ایمرجنسی پاسپورٹ پر عراق سے پاکستان پہنچیں، جو عراق میں گداگری میں ملوث تھیں۔
ابتدائی تفتیش کے مطابق خواتین نے غیر قانونی طور پر زمینی راستے سے ایران کے ذریعے عراق کا سفر کیا۔ ایف آئی اے کے ڈیٹابیس میں خواتین ملزمان کی روانگی کا ریکارڈ موجود نہیں پایا گیا۔
دریں اثنا ملزم محمد شاہ زیب کو جعلی سفری دستاویزات پر سفر کرنے پر گرفتار کیا گیا۔ ملزم فلائٹ نمبر PK 244 کے ذریعے سعودی عرب سے پاکستان پہنچا، جوامیگریشن کلیئرنس کے دوران مشکوک پایا گیا۔
ملزم کے پاسپورٹ پرلگا نیدر لینڈز کا ویزا جعلی پایا گیا۔ ملزم بہتر مستقبل کی خاطر یورپ جانا چاہتا تھا۔ملزم سعودیہ میں مقیم شفیق بٹ نامی ایجنٹ سے رابطے میں تھا، جس نے یورپ جانے کے مذکورہ ایجنٹ کو 60 ہزار سعودی ریال ادا کیے۔
ایجنٹ نے بھاری رقوم وصول کر کے جعلی ویزے پر یورپ بھجوانے کی کوشش کی۔
ملزمان کو گرفتار کر کے انسدادِ انسانی اسمگلنگ سرکل گجرانوالہ منتقل کر دیا گیا ہے، جہاں ان سے مزید تفتیش کی جا رہی ہے۔
.ذریعہ: Express News
پڑھیں:
آن لائن منشیات فروش گروہ کے 2خواتین سمیت 8ملزمان گرفتار
data-id="863a0a8" data-element_type="widget" data-widget_type="theme-post-content.default">
250916-02-28
کراچی (اسٹاف رپورٹر) کراچی پولیس کے اسپیشل انویسٹی گیشن یونٹ (SIU) نے منشیات فروشوں کے خلاف بڑی کارروائی کرتے ہوئے آن لائن منشیات فروشی میں ملوث آٹھ ملزمان کو گرفتار کر لیا ہے جن میں دو خواتین بھی شامل ہیں۔ ملزمان کی شناخت امجد، اسد، میر افغان، شاہ رخ، واسع اور محبوب کے نام سے ہوئی، گرفتار ملزمان میں دو خواتین منشیات فروش لالی اور مہرالنساء بھی شامل ہیں۔ ایس ایس پی ایس آئی یو عارف اسلم راؤ کے مطابق کارروائیاں ثمن آباد، شاہراہ نور جہاں اور سائٹ اے کے مختلف علاقوں میں کی گئیں، جن کے دوران ملزمان کے قبضے سے 26 کلو سے زائد منشیات برآمد کرلی گئیں۔ ابتدائی تفتیش میں انکشاف ہوا ہے کہ گرفتار گروہ حب اور وندر سے منشیات خرید کر کراچی لاتا تھا اور شہر بھر میں آن لائن آرڈرز کے ذریعے فروخت کرتا تھا۔ یہ گروہ خاص طور پر پوش علاقوں، کالجز اور یونیورسٹیز کے طلباء کو اپنا نشانہ بناتا تھا۔ ایس ایس پی نے مزید بتایا کہ ملزمان کے خلاف اسپیشل انویسٹی گیشن یونٹ میں مقدمہ درج کر لیا گیا ہے جبکہ مزید تحقیقات جاری ہیں۔
پاکستان ریلوے مالی بحران کا شکار، آپریشن چلانا مشکل ہوگیا