ابو ظہبی کے مندر میں بین المذاہب سحری کا انعقاد
اشاعت کی تاریخ: 22nd, March 2025 GMT
ابو ظہبی کے شری اکشر سوامی نرائن مندر کی انتظامیہ نے ماہ رمضان میں مذہبی روا داری اور ہم آہنگی کے تناظر میں ایک تقریب کا انعقاد کیا۔
تقریب "اومسیات" میں وزیر برائے رواداری اور بقائے باہمی شیخ نہیان بن مبارک آل نہیان سمیت دیگر ممتاز رہنماؤں اور سفیروں نے شرکت کی۔
اس تقریب میں تقریباً 200 مذہبی رہنما، حکومتی اہلکار، سفیر، اور مختلف ممالک سے تعلق رکھنے والے معززین بھی موجود تھے۔
وزیر شیخ نہیان بن مبارک نے کہا اس تقریب کا مقصد ماہ رمضان میں ایمان، دوستی، اتحاد اور غور و فکر کی قدروں کو اجاگر کرنا ہے۔
مندر کے پنڈت برہم وِہاری داس سوامی نے کہا کہ اومسیات مختلف مذہبی کمیونٹیز کے درمیان باہمی احترام، مکالمے اور سمجھوتے کو فروغ دینے کے لیے ایک طاقتور پلیٹ فارم ثابت ہوئی ہے۔
تقریب کے اختتام پر ایک ’سبزی خور افطار‘ کا اہتمام کیا گیا، جس میں بھارتی اور عربی کھانوں کا امتزاج پیش کیا گیا۔
گزشتہ ماہ، مندر نے اپنی پہلی سالگرہ منائی تھی، اور اپریل 2024 میں وہ رمضان کے دوران ایک اور اسی طرح کی بین المذاہب تقریب کی میزبانی کرے گا۔
.ذریعہ: Express News
پڑھیں:
بھارت، آندھرا پردیش میں مندر میں بھگدڑ، 9 افراد ہلاک
ANDHRA PRADESH:بھارت کی ریاست آندھرا پردیش میں مندر میں بھگدڑ سے 9 افراد ہلاک اور متعدد زخمی ہوگئے۔
آندھراپردیش کے حکام نے بتایا کہ کاسیگوبا میں واقع سری وینکاٹیسوارا سوامی مندر میں ہندو مذہبی تقریب کے دوران یہ واقعہ اس وقت پیش آیا جب وہاں عبادت کے لیے لوگوں کی بڑی تعداد موجود تھی۔
ریاست کے نائب وزیراعلیٰ پاوان کالیان نے بتایا کہ اس واقعے کی انکوائری کی جائے گی اور تصدیق کی کہ بھگدڑ میں 9 افراد ہلاک ہوچکے ہیں۔
مندر میں ہلاک ہونے والے افراد میں 8 خواتین اور ایک لڑکا شامل ہے اور زخمیوں میں سے ایک کی حالت تشویش ناک بتائی جارہی ہے۔
مقامی انتظامیہ اور میڈیا کے مطابق مندر میں گنجائش سے زیادہ تقریباً 25 ہزار افراد موجود تھے اور وہاں داخلے اور اخراج کے لیے الگ سے دروازہ نہیں تھا اور افراتفری اس وقت پھیل گئی جب ہجوم پر ریلنگ گری تھی جیسے ہی عبادت گزار مندر کی پہلی منزل کی طرف چڑھ رہے تھے۔
حکام نے بتایا کہ مندر کی انتظامیہ سرکاری نہیں بلکہ نجی ہاتھوں میں ہے اور منظوری کی ضرورت نہیں ہے اور انتظامیہ کو بھی آگاہ نہیں کیا گیا، اس لیے حفاظت اقدامات نہیں کیے جاسکے۔
خیال رہے کہ آندھرا پردیش میں پیش آنے والا یہ پہلا حادثہ نہیں ہے بلکہ 2025 میں پہلے بھی مندروں سمیت دیگر مقامات پر اس طرح کے حادثات پیش آچکے ہیں۔
جنوبی ریاست تامل ناڈو میں ستمبر میں مشہور اداکار کی سیاسی ریلی میں بھی اسی طرح کا حادثہ پیش آیا تھا اور 39 شہری ہلاک ہوگئے تھے۔
جون میں کرناٹکا میں کرکٹ اسٹیڈیم کے باہر پیش آنے والے واقعے میں 11 افراد ہلاک ہوئے تھے۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟