شردھا کپور کی ان دیکھی جھلک صارفین کو دنگ کرگئی
اشاعت کی تاریخ: 25th, March 2025 GMT
ممبئی(شوبز ڈیسک)’استری 2‘ کی اداکار شردھا کپور کی ادھار کارڈ کے بعد اب ماضی کی ایسی تصویر منظر عام پر آگئی ہے جسے دیکھ کر آنکھوں پر یقین کرنا مشکل ہوجائے گا۔
بلاشبہ اداکاری میں اپنی مثال آپ شردھا کپور اپنے کیرئیر میں کئی فلموں کا حصہ بن کر انہیں کامیابی سے ہمکنار کرواچکی ہیں، شردھا کپور نے اپنی فلمی کیریئر کا آغاز 20 کی دہائی کے اوائل میں کیا تھا۔ ان کی معصوم مسکراہٹ، سادگی، اور شاندار اداکاری نے جلد ہی انہیں مداحوں کا پسندیدہ بنا دیا۔
اور پھر 2013 میں جب وہ عاشقی 2 میں “آروہی” کے کردار میں جلوہ گر ہوئیں، تو ناظرین ان پر فدا ہوگئے۔ اور پھر 10 سال بعد 2024 میں، جب وہ ’استری 2‘ میں نظر آئیں تو مداحوں نے بالکل ویسی ہی محبت کا اظہار کی جیسے ہمیشہ سے کرتے آئے تھے۔
اور صرف اداکاری تک ہی بات محدود نہیں رہی بلکہ شردھا کپور کی مقبولیت کی دوسری وجہ انکا اپنے مداحوں کے ساتھ بات چیت کرنا اور اپنے مضحکہ خیز ون لائنرز سے تفریح کا ذریعہ بننا بھی ہے۔
اور پھر سوشل میڈیا اپیئرنس بھی شردھا کی مقبولیت کا ایک بڑا ذریعہ ہے جہاں وہ مزے مزے کی پوسٹس سے اپنے مداحوں کو محظوظ کیے رکھتی ہیں۔
لیکن کیا کوئی یہ سوچ سکتا تھا کہ خوبصورتی میں اپنی مثال آپ شردھا کپور ماضی میں کیسی دکھتی ہونگی؟
اگر نہیں تو پھر سوشل میڈیا پر وائرل ایک ایسی ہی فوٹو پر نظر ڈالتے ہیں جس نے ہر دیکھنے والوں کو ورطہ حیرت میں مبتلا کردیا۔
قبل ازیں سوشل میڈیا پر اداکارہ کی ادھار کارڈ یعنی ‘شناختی کارڈ‘ کی فوٹو منظر عام پر آئی اور اب اسکول کے زمانے کی شردھا کو دیکھ کر صارفین جیسے دنگ ہی رہ گئے۔
38 سالہ اداکارہ شردھا کپور کی ریڈٹ پر ایک تصویر گردش کررہی ہے جو دیکھنے میں انکے اسکول کے زمانے کی لگتی ہے۔
یہ تصویر شاید ان کے اسکول کے آخری دن کی ہے، کیونکہ ان کے سفید یونیفارم اور چہرے پر قلم کی روشنائی کے نشانات نظر آرہے ہیں۔اور ساتھ ہی ان کے دوستوں نے ان کی یونیفارم پر کئی پیغامات لکھے، جن میں سے کچھ پڑھنا مشکل ہے، لیکن دو واضح الفاظ نظر آ رہے ہیں:’Love Sahu’ اور ’always love you‘
مداحوں کی جانب سے دلچسپ تبصرے کیے جا رہے ہیں، اور کچھ تو یہاں تک کہہ رہے ہیں کہ،’شردھا کا ڈرماٹولوجسٹ کا نمبر دے دو!’۔
صارفین کا ماننا ہے کہ شردھا آج بھی ویسے ہی نظر آتی ہیں جیسے وہ اسکول کے زمانے میں دکھتی تھیں۔
ورک فرنٹ کی بات کریں تو اداکارہ شردھا کپور نے ہارر فلم ’استری 2’ کے بعد ابھی تک اپنی اگلی فلم کا باضابطہ اعلان نہیں کیا، لیکن خبروں کے مطابق وہ جلد ’استری 3‘، ’دھوم 4‘ ، ’کِرش 4‘ اور ’ناگن‘ جیسی بڑی فلموں میں نظر آئیں گی۔
مزیدپڑھیں:بھارتی خاتون باکسر نے پولیس اسٹیشن میں شوہر کو کوٹ ڈالا
ذریعہ: Daily Ausaf
کلیدی لفظ: شردھا کپور کی اسکول کے
پڑھیں:
اسمارٹ فون کی اسٹوریج بچانے کا خفیہ فیچر، جس سے اکثر صارفین ناواقف ہیں
data-id="863a0a8" data-element_type="widget" data-widget_type="theme-post-content.default">
اسمارٹ فونز میں روزانہ استعمال ہونے والی ایپس کے ساتھ کئی ایسی ایپس بھی انسٹال ہوتی ہیں جنہیں مہینوں تک کوئی نہیں کھولتا، مگر وہ اسٹوریج کا بڑا حصہ گھیر لیتی ہیں۔
اکثر صارفین انہیں ڈیلیٹ نہیں کرتے کیونکہ کبھی کبھار ان کی ضرورت پڑ جاتی ہے، جبکہ مسلسل انسٹال اور اَن انسٹال کرنا بھی جھنجھٹ سمجھا جاتا ہے۔
اسی مسئلے کا حل اینڈرائیڈ فونز میں ایک ایسے پوشیدہ فیچر کی صورت میں موجود ہے جس کا بیشتر صارفین کو علم ہی نہیں۔ یہ ہے “ایپ آرکائیو” فیچر، جو ایپس کے غیر ضروری حصے جیسے عارضی فائلز، پرمیشنز اور سافٹ ویئر ڈیٹا کو فون سے ہٹا دیتا ہے، مگر ایپ کو مکمل طور پر حذف نہیں کرتا۔ اس طرح ایپ وقتی طور پر غائب ہو جاتی ہے لیکن فون کی اسٹوریج میں خاطر خواہ جگہ خالی ہو جاتی ہے۔
ایپ آرکائیو کا سب سے بڑا فائدہ یہ ہے کہ جب ضرورت ہو تو چند سیکنڈز میں اسی ایپ کو دوبارہ اس کی اصل حالت میں ری اسٹور کیا جا سکتا ہے، بالکل ویسے ہی جیسے وہ پہلے انسٹال تھی۔ یوں صارفین کو فون فیکٹری ری سیٹ کرنے یا بھاری ایپس کو بار بار انسٹال کرنے کی زحمت نہیں اٹھانی پڑتی۔
اینڈرائیڈ فونز میں ایپس کو آرکائیو کرنے کے دو طریقے ہیں۔ پہلا خودکار طریقہ ہے جو گوگل پلے اسٹور کے ذریعے کام کرتا ہے۔ اس کے لیے صارف پلے اسٹور میں جا کر اوپر موجود پروفائل آئیکون پر کلک کرے، سیٹنگز کھولے، ’جنرل‘ ٹیب میں جا کر “Automatically archive apps” کا آپشن فعال کرے۔ یہ فیچر خود بخود ایسی ایپس کو آرکائیو کر دیتا ہے جو طویل عرصے سے استعمال نہ ہوئی ہوں اور جب فون کی اسٹوریج کم ہونے لگے تو جگہ خالی کر دیتا ہے۔
دوسرا طریقہ دستی ہے جس میں صارف سیٹنگز میں جا کر اپنی پسند کی ایپ منتخب کر کے اسے آرکائیو کر سکتا ہے، تاہم یہ فیچر ہر فون میں دستیاب نہیں ہوتا۔ اگر کسی ایپ کو دوبارہ بحال کرنا ہو تو سیٹنگز میں “Archived apps” میں جا کر ری اسٹور بٹن دبائیں۔ ایپ فوراً دوبارہ انسٹال ہو جائے گی۔
یہ فیچر ان صارفین کے لیے کسی نعمت سے کم نہیں جو فون کی رفتار کم ہونے یا اسٹوریج بھرنے سے پریشان رہتے ہیں، کیونکہ اس کے ذریعے فون کو ہلکا، تیز اور صاف رکھا جا سکتا ہے — بغیر کسی ایپ کو ہمیشہ کے لیے حذف کیے۔
پاکستان آئینی بحران کا شکار، عدلیہ کو آئینی ترمیم کے ذریعے یرغمال بنایا گیا، وزیراعلیٰ خیبر پختونخوا