سوزوکی موٹرز پاکستان میں ایتھانول گاڑیاں متعارف کرائے گا
اشاعت کی تاریخ: 27th, March 2025 GMT
پاکستان اپنی آٹوموٹو صنعت میں ایتھانول کو ایندھن کے طور پر شامل کرکے جدت لانے کی کوشش کر رہا ہے، تاکہ مقامی گاڑیوں کے انجن کے ساتھ ہم آہنگی کو یقینی بنایا جا سکے اور مقامی طور پر تیار کردہ آٹو پارٹس کا استعمال بڑھایا جا سکے۔
یہ منصوبہ وزیرِ اعظم کے خصوصی معاون برائے صنعت و پیداوار ہارون اختر خان اور ہیروشی کاوامورا، سی ای او پاک سوزوکی موٹرز کے درمیان ایک ملاقات میں زیرِ بحث آئے۔
مزید پڑھیں:پاک سوزوکی نے ’ویگن آر‘ کی بکنگ معطل کردی، نیا ماڈل کب تک متوقع ہے؟
ہارون اختر خان نے پاکستان کی بائیو گیس اور برقی گاڑیوں کے منصوبوں کے لیے عزم کو اجاگر کیا اور کہا کہ پاکستان اور جاپان مل کر نئی صنعتی مواقع تلاش کرسکتے ہیں، خصوصاً سبز توانائی کے منصوبوں کے حوالے سے۔
پاک سوزوکی موٹرز کا بائیو گیس پلانٹ لاہور کے قریب مانگا منڈی میں لگائے جانے کا منصوبہ ہے۔ جس کا مقصد پاکستان کے قابل تجدید توانائی کے اہداف میں حصہ ڈالنا ہے۔ ہارون اختر خان نے پاکستان کو پاک سوزوکی کے لیے ایک بڑی مارکیٹ قرار دیتے ہوئے آٹو سیکٹر میں مزید تعاون کی اہمیت پر زور دیا۔
مزید پڑھیں:سوزوکی آلٹو اور راوی گاڑیوں کی قیمتوں میں اضافہ، نئی قیمتیں کیا ہوں گی؟
یہ منصوبہ حکومت کے ’اڑان‘ ویژن کے مطابق ہے جو ماحول دوست گاڑیوں کے لیے ہے، اور پاکستان اور جاپان کے درمیان صنعتی تعلقات کو مزید مستحکم کرنے کے لیے ایک اور قدم ہے۔
ہیروشی کاوامورا نے ہارون اختر خان کو ان کے نئے عہدے پر مبارکباد دیتے ہوئے دونوں ممالک کے درمیان اقتصادی اور تکنیکی تعاون کو مزید بڑھانے کی امید ظاہر کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایتھانول ایتھانول گاڑیاں پاک سوزوکی سوزوکی موٹرز ہارون اختر ہیروشی کاوامورا.ذریعہ: WE News
کلیدی لفظ: پاک سوزوکی سوزوکی موٹرز ہارون اختر ہارون اختر خان سوزوکی موٹرز پاک سوزوکی کے لیے
پڑھیں:
پنڈی: افغانیوں کو مکان کرائے پر دینے والے 16 مالکان اور 163 افغانی گرفتار
راولپنڈی:راولپنڈی: غیرقانونی مقیم غیرملکی افراد کے خلاف کریک ڈاؤن میں تین روز کے دوران افغان باشندوں کو مکان کرائے پر دینے والے 16 مالک مکان کو گرفتار کرلیا گیا، 163 غیر ملکی افغانیوں کو تحویل میں لے کر ہولڈنگ سینٹر منتقل کر دیا گیا، 51 مقدمات درج کرلیے گئے۔
ایکسپریس نیوز کے مطابق پنڈی پولیس نے مقدمات تھانہ سٹی، پیرودہائی، وارث خان، بنی، نیوٹاؤن، صادق آباد، رتہ امرال، آراے بازار، ریس کورس، واہ کینٹ ، چکلالہ، ائیر پورٹ، ٹیکسلا، صدرواہ، سول لائنز، مورگاہ، نصیر آباد، مندرہ، جاتلی، صدربیرونی، گوجرخان، دھمیال، کلرسیداں اور روات میں درج کیے۔
راولپنڈی پولیس نے شہریوں کو آگاہ کیا ہے کہ غیر قانونی مقیم غیر ملکی افراد کو شہری اپنی پراپرٹی ہرگز کرائے پر نہ دیں، غیر قانونی مقیم غیر ملکی افراد مکان، دکان یا کوئی بھی پراپرٹی کرایہ پر نہیں لے سکتے، شہری اپنی پراپرٹی کس غیر قانونی مقیم غیر ملکی کو فروخت بھی نہ کریں، شہری اپنی گاڑی، رکشا یا دیگر اشیاء بھی غیر قانونی مقیم غیر ملکیوں کو نہ دیں، شہری کسی بھی غیر قانونی مقیم غیر ملکی کے ساتھ کسی قسم کے کاروباری معاملات، لین دین یا کاروباری سرگرمی نہ کریں۔
پولیس نے کہا ہے کہ کوئی شہری کسی غیر قانونی مقیم غیر ملکی کو ملازمت پر نہ رکھے، قانونی طور پر مقیم غیر ملکی متعلقہ تھانے میں اپنی رجسٹریشن کو یقینی بنائیں۔
اختیارات کےناجائز استعمال پر این سی سی آئی اے سابق ایڈیشنل ڈائریکٹر سمیت 4 افسران گرفتار