معاشی سمت بہتر ہونے سے مہنگائی میں کمی اور عوام کو ریلیف ملے گا
اشاعت کی تاریخ: 5th, April 2025 GMT
معاشی ماہر منور مرزا نے وی نیوز سے ایشئین ڈیویلپمنٹ بینک کی رپورٹ کی حوالے سے بتایا کہ ایشئین ڈیویلپمنٹ بینک نے کہا ہے کہ ملک میں معاشی استحکام انتخابات کے بعد ممکن ہوگا، آئی ایم ایف پروگرام میں بہتری کا تذکرہ بھی کیا گیا ہے۔
ان کا کہنا تھا کہ ڈائریکشن بہتر ہونے کی وجہ سے مہنگائی اور عوام کو ریلیف تو ملے گا، لیکن وہ آہستہ آہستہ ہوگا، اس معاملے میں ایک دم عوام کو ریلف ملنا مشکل نظر آرہا ہے۔
منور مرزا نے ایشئین ڈیویلپمنٹ بینک پر تنقید کرتے ہوئے کہا ہے کہ وہ کون ہوتے ہیں پاکستان کے کاموں میں مداخلت کرنے والے؟ پاکستان کے سیاسی معاملات پر کمنٹ کرنا ان کا کام نہیں ہے۔
مزید پڑھیں: شیاؤکن فین پاکستان کے لیے ایشیائی ترقیاتی بینک کی کنٹری ڈائریکٹر مقرر
ان کا کہنا تھا کہ ایشئین ڈیویلپمنٹ بینک ہمیں قرض دیتا ہے اور ہم واپس کردیتے ہیں، ان کا قرض سڑکوں، ڈیموں اور سماجی یا معاشی معاملات کے لیے ہوتا ہے، ایسا نہیں کہ ہم نے کبھی قرض دینے سے انکار کیا ہو یا واپس نہ کیا ہو۔
انہوں نے اسے خوامخواہ کی مداخلت قرار دے دیا اور کہا کہ اوورسیز پاکستانی بھی احتجاج کرتے ہوئے اس بات کا دھیان رکھیں کہ اس طرح کے مالیاتی ادارے ملک کو کمزور سمجھ کر ڈکٹیٹ کرنا شروع کردیتے ہیں جو کہ ان کا کام نہیں۔
منور مرزا کا کہنا ہے کہ آج آئی ایم ایف نے بھی ہماری پالیسیز کو سراہا ہے اور کہا ہے کہ غریبوں پر ٹیکس ختم کرکے امیروں پر لگایا جائے۔ یہ مالیاتی ادارے ہیں اور جو ان کا کام ہے وہی کریں اس سے بڑھ کر اگر مداخلت کریں تو حکومت، معاشی تجزیہ کار سخت رد عمل دیں تا کہ یہ سلسلہ رک سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشئین ڈیویلپمنٹ بینک معاشی ماہر منور مرزا منور مرزا وی نیوز.ذریعہ: WE News
کلیدی لفظ: ایشئین ڈیویلپمنٹ بینک معاشی ماہر منور مرزا وی نیوز
پڑھیں:
ہفتے بھر مندی کے بعد اسٹاک مارکیٹ میں نئی جان، انڈیکس میں 2,000 پوائنٹس کا اضافہ
پاکستان اسٹاک ایکسچینج میں پیر کے روز زبردست خریداری کا رجحان دیکھا گیا، جس کے نتیجے میں بینچ مارک کے ایس ای 100 انڈیکس میں دورانِ کاروبار تقریباً 2,000 پوائنٹس کا اضافہ ریکارڈ کیا گیا۔
دوپہر 1 بج کر 5 منٹ تک کے ایس ای 100 انڈیکس 1,983.03 پوائنٹس یعنی 1.23 فیصد اضافے کے ساتھ 163,614.76 پوائنٹس کی سطح پر موجود تھا۔
یہ بھی پڑھیں: مثبت خبروں نے اسٹاک مارکیٹ سنبھال لی، انڈیکس میں 5,200 پوائنٹس کا اضافہ
اہم شعبوں جیسے کہ آٹو موبائل اسمبلرز، سیمنٹ، کمرشل بینک، فرٹیلائزر، آئل اینڈ گیس ایکسپلوریشن کمپنیز، آئل مارکیٹنگ کمپنیز، پاور جنریشن اور ریفائنری میں نمایاں خریداری دیکھی گئی۔
Market is up at midday ????
⏳ KSE 100 is positive by +1878.38 points (+1.16%) at midday trading. Index is at 163,510.11 and volume so far is 162.86 million shares (12:00 PM) pic.twitter.com/wOjIRvdau4
— Investify Pakistan (@investifypk) November 3, 2025
انڈیکس پر اثر انداز ہونے والے بڑے شیئرز بشمول حبکو، عارف حبیب لمیٹڈ، ماری گیس، آئل اینڈ گیس ڈویلپمنٹ کمپنی، پاکستان پیٹرولیم لمیٹڈ، پاکستان آئل فیلڈز، حبیب بینک لمیٹڈ، میزان بینک لمیٹڈ اور نیشنل بینک آف پاکستان، سبھی مثبت زون میں کاروبار کرتے رہے۔
گزشتہ ہفتے اسٹاک مارکیٹ میں اتار چڑھاؤ اور جغرافیائی تناؤ، منافع کے حصول اور کارپوریٹ نتائج کی وجہ سے ملا جلا رجحان دیکھا گیا تھا۔
مزید پڑھیں: پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
ہفتہ وار بنیاد پر کے ایس ای 100 انڈیکس میں 1.03 فیصد کمی ریکارڈ کی گئی، جو 161,631.73 پوائنٹس پر بند ہوا۔
بین الاقوامی سطح پر، پیر کے روز ایشیائی اسٹاک مارکیٹس میں بہتری دیکھی گئی، جس کی وجہ امریکا اور چین کے درمیان تجارتی جنگ میں عارضی جنگ بندی اور مصنوعی ذہانت کے شعبے میں بڑھتی ہوئی سرمایہ کاری قرار دی گئی۔
دوسری جانب، امریکی ڈالر فیڈرل ریزرو کے سخت لہجے کے باعث 3 ماہ کی بلند ترین سطح کے قریب مستحکم رہا۔
سرمایہ کار اب بھی گزشتہ ہفتے کے واقعات، جن میں مرکزی بینکوں کے اجلاس اور امریکا چین تجارتی جنگ بندی کا ایک سالہ معاہدہ پر نظر رکھے ہوئے ہیں، تاہم ماہرین کے مطابق ابھی یہ واضح نہیں کہ یہ جنگ بندی پورا سال برقرار رہے گی یا نہیں۔
مزید پڑھیں: اسٹاک ایکسچینج میں مسلسل مندی کا رجحان غالب، انڈیکس میں 1700 پوائنٹس سے زائد کمی
ایم ایس سی آئی کے مطابق جاپان کے علاوہ ایشیا پیسیفک کے حصص کا سب سے بڑا انڈیکس 0.35 فیصد اضافے کے ساتھ 727.82 پوائنٹس پر تھا، جو گزشتہ ہفتے چھوئی گئی ساڑھے 4 سالہ بلند ترین سطح کے قریب ہے۔
یہ انڈیکس رواں سال اب تک 27 فیصد سے زائد بڑھ چکا ہے، جو 2017 کے بعد بہترین کارکردگی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئل اینڈ گیس ڈویلپمنٹ کمپنی امریکا امریکی ڈالر انڈیکس پاکستان اسٹاک ایکسچینج پاکستان پیٹرولیم لمیٹڈ جنگ بندی چین حبکو حبیب بینک لمیٹڈ عارف حبیب لمیٹڈ فیڈرل ریزرو کمرشل بینک نیشنل بینک آف پاکستان
کراچی: گورنر خیبرپختونخوا کے میڈیا ایڈوائزر کی چھینی گئی گاڑی برآمد