نجی اسکیم کےتحت حاجیوں کے بروقت انتظامات اور سعودی پالیسی فالو نہ کرنے پر وزیراعظم کا نوٹس
اشاعت کی تاریخ: 5th, April 2025 GMT
نجی اسکیم کےتحت حاجیوں کے بروقت انتظامات اور سعودی پالیسی فالو نہ کرنے پر وزیراعظم کا نوٹس WhatsAppFacebookTwitter 0 5 April, 2025 سب نیوز
اسلام آباد(آئی پی ایس) وزیراعظم شہباز شریف نے نجی اسکیم کے تحت حاجیوں کے بروقت انتظامات اور سعودی پالیسی فالو نہ کرنے کے معاملے کا کا نوٹس لے لیا۔
نجی اسکیم کے تحت 70 ہزار حاجیوں کے کوٹے کے لیے حاجیوں کے بروقت انتظامات اور سعودی پالیسی فالو نہ کرنے پر وزیراعظم شہباز شریف نے نوٹس لیتے ہوئے 3 رکنی حج انتظامی کمیٹی تشکیل دے دی۔
نوٹیفکیشن کے مطابق کمیٹی سیکرٹری کابینہ، چیئرمین ایف بی آر اور چیف سیکرٹری گلگت بلتستان پر مشتمل کمیٹی اپنی سفارشات 3 دن کے اندر وزیراعظم کو پیش کرے گی۔
وزارتِ مذہبی امور اور بین المذاہب ہم آہنگی کمیٹی کو سیکرٹریٹ سپورٹ فراہم کرے گی۔
کمیٹی سعودی عرب کی حج پالیسی کو وزارتِ مذہبی امور و نجی حج آپریٹرز کے ذریعے نافذ نہ کرنے کی تحقیقات کرے گی، کمیٹی وزارت مذہبی امور کی جانب سے نجی حج آپریٹرز کے لیے مطلوبہ رسمی کارروائیاں مکمل کرانے کی کوششوں کا جائزہ لے گی۔
.ذریعہ: Daily Sub News
کلیدی لفظ: نجی اسکیم
پڑھیں:
حجاج کی خدمت کے لیے ڈرونز کا استعمال: سعودی حج انتظامات کا نیا چہرہ
حج 2025 کے دوران سعودی عرب نے ایک ایسا انقلابی قدم اٹھایا ہے جس نے خدمت، تحفظ اور ٹیکنالوجی کو ایک مربوط نظام میں تبدیل کر دیا ہے۔
یہ بھی پڑھیں: کیا حج کے دوران ڈرون کے ذریعے دواؤں کی ترسیل ممکن ہے؟
سعودی وزارت صحت اور سول ڈیفنس کی طرف سے جدید ڈرون ٹیکنالوجی کو نہ صرف طبی امداد بلکہ آگ بجھانے کے مقاصد کے لیے بھی استعمال میں لایا جانے لگا ہے جس سے حاجیوں کی حفاظت اور سہولت میں نمایاں بہتری آئی ہے۔
ماضی میں طبی سامان یا ادویات کسی مریض تک پہنچانے میں اوسطاً 90 منٹ لگتے تھے لیکن رواں سال متعارف کرائے گئے ڈرونز کی بدولت یہ وقت کم ہو کر صرف 5 سے 6 منٹ رہ گیا ہے۔
یہ پیشرفت نہ صرف ایمرجنسی ریلیف کو فوری اور مؤثر بناتی ہے بلکہ بھیڑ والے علاقوں میں جان بچانے کے امکانات کو بھی کئی گنا بڑھا دیتی ہے۔
موجودہ نظام کے تحت 6 اہم طبی مراکز کو براہ راست ڈرون سپورٹ فراہم کی جا رہی ہے جب کہ 3 الگ مقامات کو بطور خصوصی مرکز قائم کیا گیا ہے جو طبی امداد وصول کرنے کے لیے تیار کیے گئے ہیں۔
اسی طرح سعودی سول ڈیفنس نے پہلی بار (صقر) نامی جدید ڈرون کا استعمال کیا ہے جو خاص طور پر بلند عمارتوں اور گنجان مقامات پر آگ پر قابو پانے کے لیے تیار کیا گیا ہے۔
سول ڈیفنس کے ترجمان کرنل محمد الحمادی کے مطابق یہ طیارہ ہنگامی صورت حال میں نہایت مؤثر طریقے سے کام کرتا ہے اور واقعے کی نگرانی سے لے کر فوری ردعمل تک کی تمام صلاحیتوں کا حامل ہے۔
مزید پڑھیے: مقامات مقدسہ پر حج کے دوران میٹرو ٹرین کےذریعے 20 لاکھ زائرین کی آمد و رفت متوقع
یہ تمام اقدامات سعودی عرب کی اس مستقل روایت کا حصہ ہیں جس کے تحت ہر حج سیزن سے قبل ایک مسابقتی عمل کا آغاز کیا جاتا ہے۔ اس عمل میں دنیا بھر سے آئیڈیاز طلب کیے جاتے ہیں تاکہ حاجیوں کی خدمت کو نئی جہتوں سے ہمکنار کیا جا سکے۔
ڈرون ٹیکنالوجی اسی وژن کا عملی مظہر ہے جس نے نہ صرف سروسز کو جدید خطوط پر استوار کیا بلکہ سعودی وژن 2030 کے مقاصد کو بھی مادی شکل دی ہے۔
یہ ٹیکنالوجی پر مبنی خدمت کا ماڈل صرف حج کے لیے نہیں بلکہ دنیا بھر کے لیے ایک قابل تقلید مثال بن چکا ہے جہاں مذہبی مناسک کو سہولت، تحفظ اور وقار کے ساتھ انجام دینا ممکن ہوا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حج 2025 دوران حج ڈرون ٹیک؎ ڈرون سعودی سول ڈیفنس سعودی وزارت صحت سول ڈیفنس
سیف سٹی اتھارٹی کا تمام جی او آرز میں سی سی ٹی وی کیمرے لگانے کا منصوبہ تیار