کراچی: آگ بجھانے کے دوران شہید ہونیوالے بلال تنولی کی نماز جنازہ ادا
اشاعت کی تاریخ: 6th, April 2025 GMT
احسن آباد کی گتہ فیکٹری میں لگی آگ بجھانے کے دوران شہید ہونے والے بلال تنولی کی نماز جنازہ ادا کردی گئی۔چھٹی کے دن ساتھیوں کی مدد کو پہنچنے والا بلال ریسکیو 1122 سندھ کی تاریخ کا پہلا شہید بن گیا۔
تفصیلات کے مطابق سائٹ سپر ہائی وے کی قریب احسن آباد میں جمعہ کے روز گتہ فیکٹری میں لگنے والی آگ پر قابو پانے کے دوران راڈ لگنے سے شہید ہونے والے 1122 کے اہلکار فائر فائٹر بلال تنولی کی نماز جنازہ قائدآباد منزل پمپ کے قریب وزیرستان روڈ ظفر ٹاؤن کی گلی نمبر8 کی عمر فاروق مسجد میں لانڈھی کے مقام پر ادا کی گئی۔
عصر کی نماز کے بعد ادا کی جانے والی نماز جنازہ میں سرکاری افسران، رشتہ داروں، عزیز واقارب محلہ داروں سمیت دوست احباب کی بڑی تعداد نے شرکت کی۔
ڈائریکٹر ریسکیو 1122 سندھ ڈاکٹر عابد جلال الدین نے گفتگو میں کہاکہ بلال تنولی کی شہادت پر شدید افسوس ہے۔ انہوں نے کہاکہ24سالہ بلال تنولی ولد شیخ فرید سیٹلائٹ اسٹیشن ایم نائن میں تعینات تھا۔ شہید اہلکار چھٹی کے باوجود جائے وقوعہ پر موجود تھا اورریسکیو آپریشن میں حصہ لیتا رہا۔
بلال تنولی لانڈھی کا رہائشی تھا، خدمت کے جذبے سے سر شار بلال خود سے اپنے دوست اہلکاروں کی مدد کے لیے جائے حادثہ پر پہنچا۔
بلال تنولی کو لوہے کی راڈ لگی جس سے وہ شدید زخمی ہو گیا اور اسپتال میں دوران علاج شہادت کے مرتبے پر فائز ہوا۔ریسکیو اہلکار بلال تنولی کی شہادت پر گہرے دُکھ اور افسوس کے ساتھ ہم پسماندگان کے غم میں برابر کے شریک ہیں۔
صوبائی وزیر بحالیات مخدوم محبوب الزمان کی سربراہی میں پورا ڈیپارٹمنٹ شہید کے غم میں شریک ہے۔
ڈی جی ریسکیو 1122کاکہناتھا کہ یہ ہمارے ہر ریسکیو اہلکار کا خواب ہے اور اس شہادت کے بعد ہمارے جذبات اور بلند ہوئے ہیں، ریسکیو 1122 (سندھ) کے تمام اسٹیشن پر 3 دن کے لیے پرچم سرنگوں کردئیے گئے ہیں۔
.ذریعہ: Express News
کلیدی لفظ: ریسکیو 1122 کی نماز
پڑھیں:
پشاورتھانے میں دھماکا، اہلکار شہید۔ہنگو میں ایس ایچ او سمیت 2 اہلکار زخمی
data-id="863a0a8" data-element_type="widget" data-widget_type="theme-post-content.default">
251103-01-20
راولپنڈی /میران شاہ /پشاور /ہنگو (مانیٹرنگ ڈیسک)پشاور تھانے میں دھماکے سے اہلکار شہید ہوگیا۔ ہنگو میں بم دھماکے ایس ایچ او سمیت 2 اہلکار زخمی ہوگئے۔ شمالی وزیرستان میں پاک ،افغان سرحد کے قریب فورسز کی کارروائی میں 2 خوارج ہلاک اور5 زخمی ہوگئے۔ تفصیلات کے مطابقشمالی وزیرستان میں پاکستان،افغانستان سرحد کے قریب سیکورٹی فورسز نے اہم کارروائی کرتے ہوئے 2 خوارج کو ہلاک کر دیا۔سیکورٹی ذرائع نے بتایا کہ خوارج کے خلاف کارروائی خفیہ معلومات کی بنیاد پر عمل میں لائی گئی، اس دوران فائرنگ کے تبادلے میں 2 خوارج ہلاک ہوئے‘ ہلاک ہونے والے خوارج میں سے ایک کا تعلق افغان طالبان سے ہے۔مزید بتایا گیا کہ کامیاب کارروائی میں مزید 2 خوارج کے ہلاک اور 4 سے 5 کے زخمی ہونے کی بھی اطلاعات ہیں۔ خیبر پختونخوا کے ضلع ہنگو کے علاقے دوآبہ میں پولیس قافلے پر آئی ای ڈی حملے کے نتیجے میں ایس ایچ اوعمران الدین سمیت 3 اہلکار زخمی ہوگئے۔ پولیس قافلے کو نشانہ اس وقت بنایا گیا جب پولیس افسران سرچ آپریشن سے واپس آ رہے تھے۔پولیس نے بتایا کہ دھماکے کے نتیجے میں ایس ایچ او تھانہ دوآبہ عمران الدین سمیت زخمی اہلکاروں کو فوری طور پر ڈی ایچ کیو اسپتال ہنگو منتقل کر دیا گیا۔ پشاور میں سی ٹی ڈی پولیس اسٹیشن کے اندر دھماکے کے نتیجے میں ایک اہلکار شہید اور 2 زخمی ہوگئے۔ ابتدائی اطلاعات کے مطابق دھماکا پولیس اسٹیشن کے اسلحہ خانے میں موجود پرانے بارودی مواد کے پھٹنے کے نتیجے میں ہوا۔ دھماکے کے بعد آگ لگ گئی جو دیگر گولہ بارود تک بھی پھیل گئی، جس سے مزید دھماکے ہوئے۔ تمام ملزمان کو حوالات سے بحفاظت نکال لیا گیا۔
پشاور: گورنر خیبر پختونخوا فیصل کریم کنڈی سی ٹی ڈی تھانے میں دھماکے سے شہید اہلکار کی نماز جناز ہ کے بعد دعا کررہے ہیں، چھوٹی تصویر میں سی ٹی ڈی تھانے کے اسلحہ خانے میں دھماکے بعد شعلے بلند ہورہے ہیں
پیپلز پارٹی کے رکن قومی اسمبلی ذوالفقار علی کے گھر ڈاکوئوں نے صفایا کر دیا۔