حکومتی خرچ پر مہنگے تفریحی سفر؛ ایرانی صدر نے اپنے معاون خصوصی کو برطرف کردیا
اشاعت کی تاریخ: 6th, April 2025 GMT
ایرانی صدر مسعود پزیشکیان نے حکومتی اخراجات میں کمی اور سادگی کے زریں اصولوں کے نفاذ کے لیے سخت اقدامات کا فیصلہ کرلیا۔
عالمی خبر رساں ادارے کے مطابق ایران کے صدر مسعود پزیشکیان نے اپنے معاون خصوصی کو عہدے سے برطرف کردیا۔
پارلیمانی امور کے معاون خصوصی شہرام دبیری پر الزام تھا کہ وہ براعظم انٹار کٹیکا کے مہنگے اور پُرتعیش تفریحی دورے پر گئے تھے۔
شہرام دبیر کی برطرفی کا اعلان کرتے ہوئے ایرانی صدر کا کہنا تھا کہ عوام معاشی دباؤ کا شکار ہیں اور مہنگائی کی چکی میں پس رہے ہیں۔
ایرانی صدر نے مزید کہا ایسے مشکل دور میں بعض اعلیٰ حکام حکومتی خرچ پر مہنگے ترین سیاحتی سفر کر رہے ہیں۔
ایرانی میڈیا کا کہنا ہے کہ صدارتی معاون خصوصی شہرام دبیری کی انٹارکٹیکا کے سفر کی تصاویر سوشل میڈیا پر وائرل ہوئی تھیں۔
ان تصاویر میں معاون خصوصی کو ایک خاتون کے ساتھ انٹارکٹیکا جانے والے جہاز کے ساتھ کھڑے دیکھے جا سکتا ہے۔
جس کے بعد معاون خصوصی کے خلاف انکوائری کمیٹی بٹھائی گئی تھی جس نے اس پُرتعیش سفر کی تصدیق کی تھی۔
ایرانی صدر نے صدارت کے پہلے روز سے حکومتی اخراجات میں اصراف کی روک تھام اور سادگی اپنانے کی ضرورت پر زور دیا ہے۔
.ذریعہ: Express News
کلیدی لفظ: معاون خصوصی ایرانی صدر
پڑھیں:
ترکیہ نے انٹرنیشنل فیئر میں اپنے پہلے ہائپر سونک میزائل پیش کردیا
ISTANBUL:ترکیے نے استنبول میں جاری انٹرنیشنل ڈیفنس فیئر (آئی ڈی ای ایف) 2025 میں اپنے پہلے ہائپرسونک میزائل ٹیفن بلاک-4 کی نمائش کردی اور مزید 6 نئے جدید سسٹمز بھی پیش کردیے۔
ترکیے کے شہر استنبول میں 17 ویں عالمی نمائش آئی ڈی ای ایف 2025 جاری ہے جہاں 103 ممالک کے نمائندے شریک ہیں اور 44 ممالک کے اسٹالز لگائے گئے ہیں۔
عالمی نمائش میں 900 مقامی اور 400 بین الاقوامی دفاعی کمپنیاں حصہ لے رہی ہیں۔
ترکیے کا ٹیفن بلاک-4 بلیسٹک میزائل ٹیفن میزائل سیریز کا ہائپرسونگ ورژن ہے جو ترکیے کا خود تیار کردہ طویل رینج کا حامل میزائل ہے۔
ٹیفن بلاک-4 بیلسٹک میزائل بنانے ولای کمپنی روکیٹسان نے بیان میں کہا کہ ٹیفن بلاک-4 بلیسٹک میزائل نے طویل رینج کا اپنا ہدف حاصل کرلیا ہے جو ترک دفاعی صنعت کا ایک اور ریکارڈ ہے۔
روکیٹسان کے مطابق میزائل کا نیا ورژن 7 ٹن سے زائد وزن کا حامل ہے، جو کئی وار ہیڈ کا حامل ہے اور یہ میزائل کئی اسٹریٹجک اہداف کو تباہ کرنے کی صلاحیت رکھتا ہے، جس میں ایئرڈیفنس سسٹمز، کمانڈ اینڈ کنٹرول سینٹرز، ملٹری ہینگرز انتہائی اہمیت کی حامل فوجی تنصیبات کو کئی کلومیٹر کے فاصلے سے نشانہ بناسکتا ہے۔
رپورٹ کے مطابق ترکیے کا ایٹماکا میزائل اکاٹا کے ساتھ سبمرین ایٹماکا اینٹی شپ میزائل ورژن ہے، یہ اس وقت ترک مسلح افواج کے پاس ہے اور اس کی رینج 250 کلومیٹر (155 میل) ہے، جس کو اس نمائش میں پیش کردیا گیا ہے۔
کمپنی نے بتایا کہ یہ میزائل جدید ٹیکنالوجی سے لیس ہے، اکاٹا سے بلیو ہوم لینڈ کی دفاعی صلاحیت مزید مضبوط ہوگی جس کی بدولت 250 کلومیٹر کی رینج اور دھماکا خیز مواد کی صلاحیت میں اضافہ ہوگا۔
ترکیے نے آئی ڈی ای ایف 2025 میں اپنے دیگر 6 نئے جدید سسٹمز کی نمائش بھی کردی ہے، جس میں فضا سے فضا میں مار کرنے والا دفاعی نظام گوکبورا، بلیسٹک میزائل سسٹم 300 ای آر، سٹیلائٹ اسپیس وہیکل سیمسیک-2 سمیت دیگر شامل ہیں۔
پاکستان اور کینیڈا کا اقتصادی اور تجارتی تعلقات کو مضبوط بنانے پر اتفاق