پی ایس ایل10:پاکستان کرکٹ بورڈ نے کمنٹری پینل کا اعلان کر دیا۔
اشاعت کی تاریخ: 7th, April 2025 GMT
پاکستان کرکٹ بورڈ نے پاکستان سپر لیگ کے دسویں ایڈیشن کے لیے کمنٹری پینل کا اعلان کر دیا ہے جس میں دنیا بھر کے معروف کھلاڑی اور مبصرین شامل ہیں بورڈ کی جانب سے جاری اعلامیے کے مطابق اس بار پی ایس ایل میں بین الاقوامی اور مقامی کمنٹیٹرز کا امتزاج شائقین کرکٹ کو ایک منفرد تجربہ فراہم کرے گا اعلامیے کے مطابق انگلینڈ کے سابق کپتان سر الیسٹر کک مارک نکولس ڈومینک کارک جنوبی افریقہ کے جے پی ڈومینی آسٹریلیا سے تعلق رکھنے والے مائیک ہیزمین نیوزی لینڈ کے جارح مزاج بلے باز مارٹن گپٹل اور بنگلہ دیش کے اطہر علی خان اس بار کمنٹری کے فرائض انجام دیں گے اس کے علاوہ آسٹریلیا کی دو بار کی ویمنز ورلڈ کپ فاتح کھلاڑی لیزا اسٹالکر بھی پہلی مرتبہ پی ایس ایل کمنٹری پینل کا حصہ ہوں گی اور اپنے تجربے سے شائقین کو محظوظ کریں گی پاکستان کی جانب سے کمنٹری پینل میں شامل ہونے والوں میں چار سابق کپتان رمیز راجا وسیم اکرم وقار یونس اور عامر سہیل کے ساتھ ساتھ بازید خان عروج ممتاز اور کرکٹ تجزیہ کار سکندر بخت بھی شامل ہیں وسیم اکرم پہلی بار بطور کمنٹیٹر پی ایس ایل میں ڈیبیو کریں گے جو شائقین کے لیے ایک دلچسپ پہلو ہوگا پی ایس ایل میں اس بار مکمل اردو کمنٹری کا بھی اہتمام کیا گیا ہے جس کے لیے طارق سعید علی یونس عقیل ثمر مرینہ اقبال اور سلمان بٹ کو شامل کیا گیا ہے تاکہ اردو بولنے والے شائقین بھی بھرپور انداز میں میچ سے لطف اندوز ہو سکیں میچز کی میزبانی کے فرائض پاکستان کی معروف اسپورٹس اینکر زینب عباس اور آسٹریلوی میزبان ایرن ہالینڈ سر انجام دیں گی جو پہلے بھی پی ایس ایل میں اپنی خدمات دے چکی ہیں واضح رہے کہ پی ایس ایل کا دسویں ایڈیشن گیارہ اپریل سے اٹھارہ مئی تک لاہور کراچی راولپنڈی اور ملتان کے میدانوں میں کھیلا جائے گا جہاں شائقین کرکٹ کو ایک بار پھر دلچسپ مقابلے دیکھنے کو ملیں گے۔
.ذریعہ: Nawaiwaqt
کلیدی لفظ: پی ایس ایل میں کمنٹری پینل
پڑھیں:
دنیائے کرکٹ سے بڑی خبر۔۔بھارت اے سی سی اجلاس میں آنے کوتیار، ایشیا کپ شیڈول کا اعلان متوقع
بھارت پاکستان کرکٹ بورڈ کے چیئرمین محسن نقوی کی زیرصدارت ڈھاکہ میں ہونیوالے ایشین کرکٹ کونسل اجلاس میں شرکت پر رضامند ہوگیا
پی سی بی کے سربراہ محسن نقوی کی زیرصدارت ایشین کرکٹ کونسل کا اجلاس کل ڈھاکا میں ہوگا، بھارتی میڈیا نے بتایا کہ بھارت ایشین کرکٹ کونسل کے اجلاس میں شرکت کرےگا، بھارت وڈیو لنک کے ذریعے اے سی سی اجلاس میں شرکت کرے گا
بھارتی میڈیا کا مزید کہنا تھا کہ افغانستان نے بھی میٹنگ میں شرکت کیلئے اپنا نمائندہ ڈھاکا بھیج دیا، اے سی سی اجلاس میں ایشیا کپ کے شیڈول کا اعلان متوقع ہے۔
رواں برس 3 اپریل کو چیئرمین پی سی بی محسن نقوی نے ایشین کرکٹ کونسل کی صدارت کا منصب سنبھالا ہے جب کہ انھوں نے رواں ماہ 24 جولائی کو نئی باڈی کا اجلاس بنگلہ دیش میں طلب کیا۔
تاہم گزشتہ دنوں بھارت بنگلہ دیش سے سیاسی تناؤ کی وجہ سے اس اجلاس کی مخالفت میں کھل کر سامنے آیا تھا اور رکن ممالک سے اجلاس میں شرکت نہ کرنے سے متعلق لابنگ شروع کر دی تھی۔
رپورٹس میں کہا گیا تھا کہ بھارت کی جانب سے رکن ممالک کو اجلاس میں شرکت نہ کرنے پر پرکشش آفرز بھی کی گئی تھیں۔
آئی سی سی چیئرمین جے شاہ نے بھی اس کے لیے لابنگ کی تھی جس کے بعد سری لنکا اور اومان نے بھارت کے موقف کی حمایت کی تھی، تاہم اکثر رکن ممالک اے سی سی اجلاس کا انعقاد ڈھاکا میں چاہتے تھے۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست