عدالتی احکامات پر عمل نہ کرنیوالے ایف آئی اے افسران کیخلاف کارروائی کا فیصلہ
اشاعت کی تاریخ: 7th, April 2025 GMT
سٹی 42 : عدالتی احکامات پر عمل نہ کرنے والے ایف آئی اے افسران کے خلاف کارروائی کا فیصلہ کیا گیا ہے۔
ایف آئی اے ہیڈکوارٹر نے تمام زونل ڈائریکٹرز اور ونگز کو مراسلہ جاری کردیا، جس کے مطابق عدالتوں کے احکامات پر عملدرآمد نہ کرنا سنگین معاملہ قرار دیا گیاہے۔ عدالتی احکامات کی عدم تعمیل پر سینئر افسران کو شرمندگی کا سامنا کرنا پڑا۔ اس کے علاوہ مراسلے میں رپورٹ نہ جمع کروانے، تیاری نہ ہونے کی بڑی وجہ متعلقہ افسران کی غیر حاضری قرار دی گئی ہے۔
’دنیا کی سب سے خوبصورت لکھائی‘طالبہ کا تعلق کس ملک سے؟
عدالتی احکامات پر عمل نہ کرنے پر تنخواہیں روکنے جیسے اقدامات کا امکان ہے۔ ڈی جی ایف آئی اے کی منظوری سے ای اینڈ ڈی رولز 2020 کے تحت کارروائی کی ہدایت دی گئی ہے۔
مراسلے کے مطابق فیلڈ یونٹس، زونل ڈائریکٹرز، ونگز کو تمام عدالتی ہدایات پر مکمل عملدرآمد یقینی بنانے کا حکم دیا گیا ہے۔ عدم تعمیل کی صورت میں انویسٹیگیشن آفیسر، ڈپٹی ڈائریکٹر اور ڈائریکٹر کو ذمہ دار ٹھہرایا جائے گا۔
ایف آئی اے نے تمام افسران کو رپورٹ جمع کرانے کی ہدایت کردی۔
گاڑیوں کی آن لائن رجسٹریشن سے متعلق اہم خبر
.
ذریعہ
ذریعہ: City 42
کلیدی لفظ: عدالتی احکامات احکامات پر ایف آئی اے
پڑھیں:
سینیٹ قائمہ کمیٹی کا بڑا فیصلہ، پرنٹ میڈیا کے معاملات صرف پریس کونسل میں سنے جائیں گے
اسلام آباد: سینیٹ کی قائمہ کمیٹی برائے اطلاعات و نشریات کے اجلاس میں پرنٹ میڈیا سے متعلق شکایات اور اخبارات میں شائع ہونے والی خبروں اور کالمز پر کارروائی کے اختیار کا معاملہ زیر بحث آیا، جہاں سینئر صحافی طارق محمود سمیر نے اپنا مؤقف پیش کرتے ہوئے اہم قانونی نکات اٹھائے۔
اجلاس کے دوران طارق محمود سمیر نے کہا کہ لاہور سے شائع ہونے والے روزنامہ نئی بات میں بیوروکریسی سے متعلق شائع ہونے والے ایک کالم کی بنیاد پر کالم نگار توفیق بٹ اور اخبار کے ایڈیٹر کو نیشنل سائبر کرائم انویسٹی گیشن ایجنسی (این سی سی آئی) کی جانب سے جاری کیا گیا نوٹس واپس لیا جانا چاہیے۔انہوں نے قائمہ کمیٹی کو تجویز دی کہ اس معاملے کو متعلقہ فورم یعنی پریس کونسل آف پاکستان کو بھجوایا جائے، کیونکہ قانون کے مطابق پرنٹ میڈیا سے متعلق شکایات اور تنازعات کا جائزہ لینے کا اختیار صرف پریس کونسل کے پاس ہے۔سینیٹ کی قائمہ کمیٹی نے سینئر صحافی طارق محمود سمیر کی اس تجویز سے متفقہ طور پر اتفاق کرتے ہوئے ہدایت جاری کی کہ مذکورہ معاملہ پریس کونسل آف پاکستان کو بھجوایا جائے تاکہ قانون کے مطابق کارروائی عمل میں لائی جا سکے۔
کمیٹی نے اس موقع پر واضح کیا کہ پرنٹ میڈیا سے متعلق کسی بھی قسم کے معاملات یا شکایات نہ تو پیمرا کے دائرہ اختیار میں آتی ہیں اور نہ ہی این سی سی آئی ایسے معاملات میں براہ راست نوٹس لینے کا مجاز ہے۔ کمیٹی کے مطابق اخبارات میں شائع ہونے والی خبروں، مضامین اور کالمز سے متعلق شکایات صرف پریس کونسل آف پاکستان کے سامنے ہی پیش کی جا سکتی ہیں۔اجلاس میں یہ بھی یاد دلایا گیا کہ پرنٹ میڈیا سے متعلق قانون سازی کے دوران وفاقی حکومت نے قومی اسمبلی میں واضح یقین دہانی کرائی تھی کہ اخبارات اور پرنٹ میڈیا کے معاملات کا واحد مجاز ادارہ پریس کونسل آف پاکستان ہوگا، اور اسی فورم پر شکایات درج کرائی جا سکیں گی۔
قائمہ کمیٹی نے اس مؤقف کو دہراتے ہوئے متعلقہ اداروں پر زور دیا کہ آئندہ بھی پرنٹ میڈیا سے متعلق تمام معاملات قانون کے مطابق صرف پریس کونسل آف پاکستان کے ذریعے ہی نمٹائے جائیں تاکہ آئینی اور قانونی دائرہ اختیار برقرار رہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار