گلی کی صفائی کرنے والی لڑکی کی راتوں رات ماڈل بن گئی، ویڈیو وائرل
اشاعت کی تاریخ: 7th, April 2025 GMT
بینکاک(نیوز ڈیسک)بنکاک میں ایک روسی فوٹوگرافر نے گلی کی صفائی کرنے والی لڑکی کی ویڈیو بنا کر ٹک ٹاک پر ڈالی جو وائرل ہوگئی جس کے بعد لڑکی نے اب تک مختلف مشہور برانڈز کے ساتھ ماڈلنگ کے معاہدے کرلیے۔
نوپاجٹ “ مین“ سمبوونسٹ کی یہ فلمی کہانی پچھلے مہینے اس وقت شروع ہوئی جب 28 سالہ، دو بچوں کی ماں، گلی کی صفائی کا کام کر رہی تھی اور اس دوران روسی فوٹوگرافر سیمیون ریزچیکوف نے انہیں دیکھا۔ “ مین“ اس وقت اپنی صفائی کا کام کر رہی تھی اور اسے اس بات کا پتہ ہی نہیں تھا کہ ریزچیکوف ان کی قدرتی خوبصورتی سے محظوظ ہو کر تصویر کھینچ لی ہے۔
تصویر کھینچنے کے بعد وہ لڑکی کے پاس آیا، اسے اس کی تصویر دکھائی اور اس کی خوبصورتی کی تعریف کی۔ اس پورے منظر کو اس نے اپنے فون سے ریکارڈ کیا اور بعد میں اس ویڈیو کو اپنے ٹک ٹاک اکاؤنٹ پر پوسٹ کیا جہاں یہ ویڈیو تیزی سے وائرل ہو گئی۔
سوشل میڈیا صارفین اس نوجوان گلی کی صفائی کرنے والی لڑکی کی خوبصورتی پر حیران رہ گئے اور اس کے بارے میں مزید جاننا چاہنے لگے۔ جلد ہی میڈیا آؤٹ لیٹس اور ماڈلنگ ایجنسیوں نے اس سے رابطہ کیا۔
راتوں رات شہرت ملنے کے بعد مین کو مشہور تھائی میک اپ آرٹسٹ چاتچائی پیانفاپیچارت، جنہیں ”ننگ چیٹ“ کے نام سے جانا جاتا ہے، نے ایک مفت میک اوور سیشن میں مدعو کیا، جہاں انہوں نے اس سادہ سی اسٹریٹ سویپر کو تھائی فلم ”آرٹ آف دی ڈیوول 2“ (لونگ کھونگ) کے کردار پانور میں تبدیل کیا۔
ننگ چیٹ کی پیشہ ورانہ تصاویر ایک بار پھر وائرل ہو گئیں اور 28 سالہ خاتون تھائی لینڈ میں سب سے زیادہ چرچے والی شخصیت بن گئیں۔
مین نے ننگ چیٹ کے برانڈ ”بروئٹ“ کے لیے ماڈلنگ کی اور دیگر برانڈز اور مارکیٹنگ ایجنسیوں نے ان سے کولیبوریشن کے لیے رابطہ کیا۔
انہوں نے حال ہی میں اعلان کیا کہ وہ اسٹریٹ سویپر کے طور پر اپنا کام چھوڑ کر اپنی نئی ماڈلنگ کیریئر پر توجہ مرکوز کر رہی ہیں۔
تھائی میڈیا آؤٹ لیٹس کے ساتھ کئی انٹرویوز کے دوران نوپاجٹ سمبوونسٹ نے کہا کہ وہ تقریباً ایک سال سے اسٹریٹ سویپر کے طور پر کام کر رہی تھیں اور اپنے کام سے بہت خوش تھیں۔
انہوں نے یہ بھی کہا کہ وہ اس اچانک شہرت سے بہت حیران ہیں اور ان کے لیے یہ سب کچھ غیر متوقع تھا۔
مزیدپڑھیں:سی آئی ڈی اے سی پی پردھیومن کی موت کے بعد اب نیا اے سی پی کون ؟ نام سامنے آگیا
ذریعہ: Daily Ausaf
کلیدی لفظ: گلی کی صفائی کے بعد کر رہی اور اس
پڑھیں:
اسرائیلی وزیر کی ہاتھ بندھے، اوندھے منہ لیٹے فلسطینی قیدیوں کو قتل کی دھمکی؛ ویڈیو وائرل
اسرائیل کے دائیں بازو کے سخت گیر وزیر بن گویر کا ایک ویڈیو پیغام وائرل ہو رہا ہے جس میں انسانی حقوق کی دھجیاں بکھیر دی گئی ہیں اور صیہونی ریاست کا مکروہ چہرہ بے نقاب ہوگیا۔
عالمی خبر رساں ادارے کے مطابق اسرائیل کے دائیں بازو سے تعلق رکھنے والے قومی سلامتی کے وزیر ایتامار بن گویر نے یہ ویڈیو خود اپنے سوشل میڈیا اکاؤنٹ پر جاری کی ہے۔
ویڈیو میں اسرائیلی وزیر اُن فلسطینی قیدیوں کے سامنے کھڑے ہیں جن کے ہاتھ پشت پر بندھے ہوئے ہیں اور انھیں اوندھا فرش پر لٹایا ہوا ہے۔
اسرائیلی وزیر نے اس مقام پر کھڑے ہوکر ان فلسطینی قیدیوں کو سزائے موت دینے کا مطالبہ کرتے ہوئے کہا کہ یہ لوگ ہمارے بچوں اور خواتین کو مارنے آئے تھے۔
Once again, Israel’s far-right National Security Minister Ben Gvir speaks about the Palestinian abductees and openly incites against them while they stand bound before him, saying: “Do you see them? This is how they are now — but one thing remains to be done, and that is to… pic.twitter.com/k9ylK5Fkvk
— غزة 24 | التغطية مستمرة (@Gaza24Live) October 31, 2025انھوں نے اپنے مخصوص نفرت آمیز لہجے میں مزید کہا کہ اب دیکھیں ان کا حال کیا ہے۔ اب ایک ہی چیز باقی ہے اور وہ ہے ان لوگوں کے لیے فوری طور پر سزائے موت۔
اسرائیلی وزیر بن گویر اپنی اشتعال انگیز بیانات کے لیے مشہور ہیں، انھوں نے انتباہ دیا ہے کہ اگر ان کی سزائے موت سے متعلق تجویز پارلیمنٹ میں پیش نہ کی گئی تو وہ وزیرِاعظم بنیامین نیتن یاہو کی حکومت کی حمایت ختم کر دیں گے۔
انھوں نے ویڈیو کے ساتھ ایک تفصیلی پیغام بھی جاری کیا جس میں کہا گیا کہ اسرائیل کی جانب سے حماس کے رہنماؤں کو ہلاک کرنے کے بعد تنظیم نے یرغمال بنائے گئے اسرائیلیوں کو تشدد کا نشانہ بنایا۔
اسرائیلی وزیر بن گویر نے فلسطینی قیدیوں پر سخت پابندیوں اور جیلوں میں خوف کی فضا پیدا کرنے کو اپنی کامیابی قرار دیتے ہوئے کہا کہ میں جیلوں میں انقلاب پر فخر کرتا ہوں۔ اب وہ تفریحی کیمپ نہیں بلکہ خوف کی جگہیں بن چکی ہیں۔ وہاں قیدیوں کے چہروں سے مسکراہٹیں مٹا دی گئی ہیں۔
بن گویر جو قومی سلامتی کے وزیر ہیں، نے یہ دعویٰ بھی کیا کہ ان کی پالیسیوں کے نتیجے میں دہشت گرد حملوں میں نمایاں کمی آئی ہے۔ جو بھی میرے جیل سے گزرا ہے وہ دوبارہ وہاں جانا نہیں چاہتا۔
حالیہ ہفتوں میں بن گویر نے سزائے موت کے قانون پر زور دیتے ہوئے کہا کہ جب تک دہشت گرد زندہ رہیں گے، باہر کے شدت پسند مزید اسرائیلیوں کو اغوا کرنے کی ترغیب پاتے رہیں گے۔
انھوں نے فلسطینیوں کو مخاطب کرتے ہوئے کہا تھا کہ اگر وہ کسی یہودی کو قتل کریں گے تو زندہ نہیں رہیں گے۔
یاد رہے کہ بن گویر ان چند وزیروں میں شامل تھے جنہوں نے غزہ میں جنگ بندی کے پہلے مرحلے کے معاہدے کے خلاف ووٹ دیا تھا۔
ان کی جماعت ’’اوتزما یہودیت‘‘ نے ماضی میں بھی قیدیوں کی رہائی کے معاہدے پر حکومت سے علیحدگی اختیار کر لی تھی۔
دوسری جانب اسرائیلی وزیرِ انصاف یاریو لیوین کا بھی کہنا ہے کہ وہ ایک خصوصی عدالت قائم کرنے کے لیے قانون سازی کر رہے ہیں۔
ان کے بقول یہ عدالتیں 7 اکتوبر 2023 کے حملوں میں ملوث غزہ کے جنگجوؤں پر مقدمہ چلائے گی اور مجرم ثابت ہونے والوں کو سزائے موت سنائی جا سکے گی۔
صدر آزاد جموں وکشمیر بیرسٹر سلطان محمود کی پیپلز پارٹی کی مرکزی رہنما فریال تالپور سے ملاقات