نو عمر افراد کی نگرانی: ٹک ٹاک کی فیملی پیئرنگ فیچر میں مزید بہتری
اشاعت کی تاریخ: 7th, April 2025 GMT
ٹک ٹاک نے نوجوانوں میں صحت مند ڈیجیٹل عادات کو فروغ دینے کی غرض سے خاندانوں کی مدد کے لیے تیار کردہ والدین کے کنٹرولز اور فلاح و بہبود کے ٹولز میں مزید اضافہ کیا ہے۔
یہ اپ ڈیٹس ٹک ٹاک کے آن لائن سیفٹی کے عزم کا حصہ ہیں، جو والدین کو بہتر نگرانی فراہم کرتے ہوئے نوجوان صارفین میں ذمہ دار اور محتاط اسکرین ٹائم کو فروغ دیتے ہیں، اور اس کی فیملی پیئرنگ کی خصوصیت کو مزید بہتر بناتے ہیں۔
ٹائم اَوے شیڈولنگ :والدین اپنی مرضی کے مطابق اسکرین فری مدت (مثال کے طور پر، اسکول کے اوقات، سونے کا وقت، ہفتے کا اختتام) مقرر کرسکتے ہیں، اگرچہ نوعمر افراد اضافی وقت کے لیے درخواست کرسکتے ہیں لیکن حتمی منظوری کا اختیار والدین کے پاس ہے۔
ٹین نیٹ ورک ویزیبلٹی: والدین اب دیکھ سکتے ہیں کہ اُن کا نوعمر فرد کس کو فالو کرتا ہے، کون اسے فالو کرتا ہے، اور کس کے اکاؤنٹس کو انہوں نے بلاک کیا ہے۔
فعال رپورٹنگ الرٹس: جب کوئی نوعمر فرد ٹک ٹاک کی کمیونٹی گائیڈ لائنز کی خلاف ورزی کرنے والے کانٹنٹ کی اطلاع دیتا ہے تو جلد ہی اُن کے پاس قابل اعتماد بالغ فرد کو مطلع کرنے کا اختیار بھی ہوگا، خواہ فیملی پیئرنگ فعال نہ ہو۔
اِن اپ ڈیٹس کے ساتھ فیملی پیئرنگ اب والدین کو ٹک ٹاک پر اپنے نو عمر افراد کے تجربے کے مطابق 15 سے زیادہ حسب ضرورت دیے جانے والے سیفٹی، پرائیویسی اور فلاح و بہبود کی خصوصیات پیش کرتے ہیں۔
نوجوانوں کے لیے صحت مند ڈیجیٹل عادات کی حوصلہ افزائی
نوجوانوں کو اسکرین ٹائم کی عادات کو بہتر بنانے میں مدد دینے کے لیے ٹک ٹاک 16 سال سے کم عمر صارفین کے لیے بھی ونڈ ڈاؤن (Wind-Down Feature) فیچر متعارف کرا رہا ہے۔ اگر وہ رات 10 بجے کے بعد بھی ٹک ٹاک پر فعال رہتے ہیں تو اُن کی فار یو (For You)فیڈ پر فل اسکرین اور پرسکون موسیقی کے ساتھ رکاوٹ آئے گی، جس سے انہیں لاگ آف کرنے کی ترغیب ملے گی، اگر وہ اسکرول کرنا جاری رکھتے ہیں تو ایسی صورت میں ایک دوسرا اور زیادہ مستقل اشارہ ظاہر ہوگا۔
ابتدائی تجربات سے معلوم ہوتا ہے کہ زیادہ تر نوعمر افراد اُن یاد دہانیوں کو فعال رکھنے کا انتخاب کرتے ہیں، جس سے مثبت ڈیجیٹل طرز عمل کو تشکیل دینے میں خصوصیت کی تاثیر کو تقویت ملتی ہے۔
ٹک ٹاک کے ترجمان کا کہنا ہے کہ ٹک ٹاک میں ہم جو کچھ بھی کرتے ہیں اُس میں حفاظت بنیادی حیثیت رکھتی ہے، یہ نئی اپ ڈیٹس صحت مند ڈیجیٹل عادات کو فروغ دینے کے لیے ضروری ٹولز کے ساتھ خاندانوں کو بااختیار بنانے کے لیے بھی ہمارے جاری عزم کا حصہ ہیں۔
انہوں نے کہاکہ فیملی پیئرنگ کو بڑھا کر اپنی انڈسٹری پارٹنرشپ کو مضبوط بنا کر اور صحت کے جدید فیچرز متعارف کروا کر ہم اس بات کو یقینی بنا رہے ہیں کہ نوجوان صارفین محفوظ اور مثبت آن لائن ماحول میں رابطہ قائم کر سکیں۔
آن لائن سیفٹی معیارات کو متحرک رکھنے والی صنعت کی شراکت داری
ٹک ٹاک صنعت بھر میں عمر کی یقین دہانی اور ڈیجیٹل حفاظت کو مضبوط بنانے کے لیے عالمی رہنماؤں کے ساتھ فعال طور پر تعاون کررہا ہے۔ پلیٹ فارم عمر کے حوالے سے اپنے قوانین کو نافذ کرنے اورٹک ٹاک استعمال کرنے والے افراد کی عمر کی تصدیق کرنے کے لیے اضافی طریقوں کو شامل کرنے کے لیے پرعزم ہے۔
ٹک ٹاک 13 سال سے کم عمر کے لوگوں کو پلیٹ فارم پر آنے سے روکنے اور اس بات کو یقینی بنانے کے لیے مشین لرننگ جیسی ٹیکنالوجی کا استعمال جاری رکھے ہوئے ہے کہ نوجوان عمر کے مطابق تجربے سے لطف اندوز ہوں۔
ٹیلی فونیکا(Telefónica) کے ساتھ شراکت داری میں ٹک ٹاک موبائل سروس فراہم کنندہ کی بنیاد پر عمر کی توثیق، تصدیق اور حفاظتی اقدامات میں اضافے پر بھی غور کر رہا ہے۔ مزید برآں ٹک ٹاک عمر کی یقین دہانی پر ملٹی اسٹیک ہولڈرز ڈائیلاگ میں ایک اہم شراکت دار ہے، جو سینٹر فار انفارمیشن پالیسی لیڈرشپ اور وی پروٹیکٹ گلوبل الائنس کے ساتھ مل کر کام کر رہا ہے تاکہ ڈیجیٹل پلیٹ فارمز میں عمر کی تصدیق کے لیے بہترین طریقوں کو قائم کیا جا سکے۔
نوجوان آوازوں کو پلیٹ فارم کی بہتری کے مرکز میں لانے کے اپنے عزم کے ایک حصے کے طور پر ٹک ٹاک سنہ 2025 کے لیے اپنی گلوبل یوتھ کونسل کو توسیع دے رہا ہے۔ پہلے کامیاب سال کے بعد کونسل جسے فی الحقیقت سنہ 2023 میں قائم کیا گیا تھا، نوجوانوں کے نقطہ نظر میں اضافہ کرنے اور پلیٹ فارم پر اُن کے تجربے کو بہتر بنانے کے لیے قائم کی گئی تھی۔
یوتھ کونسل ٹک ٹاک پرحفاظت، فلاح و بہبود اور شمولیت کی پالیسیوں کو تشکیل دینے میں اہم کردار ادا کرتی ہے، اور اس بات کو یقینی بناتی ہے کہ پلیٹ فارم دنیا بھر میں نوجوان صارفین کی ضروریات اور تجربات کے ساتھ ترقی کرتا رہے۔
ان تازہ ترین اپ ڈیٹس کے ساتھ ٹک ٹاک بہتر نگرانی کے ٹولز متعارف کروا کے اور نوجوانوں میں صحت مند آن لائن عادات کی حوصلہ افزائی کرکے اور حفاظتی ماہرین کے ساتھ تعاون کو مضبوط بنا کر ڈیجیٹل سیفٹی اور فلاح و بہبود کے لیے اپنے عزم کو تقویت دے رہا ہے۔
یہ کوششیں خاندانوں کے لیے ایک محفوظ اور زیادہ معاون ڈیجیٹل ماحول بنانے کے لیے پلیٹ فارم کے جاری کام کی عکاسی کرتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ترجمان ٹک ٹاک ٹک ٹاک صحت مند ڈیجیٹل عادات نگرانی نوعمر افراد وی نیوز.ذریعہ: WE News
کلیدی لفظ: ترجمان ٹک ٹاک ٹک ٹاک صحت مند ڈیجیٹل عادات نوعمر افراد وی نیوز صحت مند ڈیجیٹل عادات فیملی پیئرنگ بنانے کے لیے فلاح و بہبود عمر افراد پلیٹ فارم کے ساتھ اپ ڈیٹس آن لائن ٹک ٹاک رہا ہے عمر کی
پڑھیں:
فہد ہارون کی وزیر اعلیٰ گلگت بلتستان سے ملاقات، ڈیجیٹل میڈیا کے ذریعے علاقائی ترقی پر زور
اسلام آباد – وزیراعظم کے معاون خصوصی برائے ڈیجیٹل میڈیا فہد ہارون نے وزیر اعلیٰ گلگت بلتستان حاجی گلبر خان، وزیر تجارت و امور نوجوانان ذبی اللہ اور دیگر حکام سے ملاقات کی۔ ملاقات میں گلگت بلتستان کے بین الاقوامی سطح پر مشہور سیاحتی شعبے کو اجاگر کرنے کے لیے ڈیجیٹل میڈیا اور عوامی رابطے کے ذرائع کو مؤثر انداز میں استعمال کرنے پر گفتگو ہوئی۔
گلگت بلتستان کو دنیا کے بڑے سفری پلیٹ فارمز نے 2025 کے بہترین سیاحتی مقامات میں شمار کیا ہے، اور اس کی قدرتی خوبصورتی اور ثقافت دنیا بھر کی توجہ حاصل کر رہی ہے۔ ملاقات میں نوجوانوں کو بااختیار بنانے اور علاقائی تجارت کو فروغ دینے پر بھی زور دیا گیا تاکہ پائیدار معاشی ترقی کو ممکن بنایا جا سکے۔
فہد ہارون نے کہا کہ ڈیجیٹل پلیٹ فارمز خطے کی عالمی سطح پر تشہیر کے لیے اہم کردار ادا کر سکتے ہیں، جب کہ وزیر اعلیٰ، وزیر تجارت و امور نوجوانان اور دیگر حکام نے مختلف شعبوں میں ترقی کے لیے بھرپور عزم کا اظہار کیا۔
یہ ملاقات گلگت بلتستان کی سماجی و معاشی ترقی کے لیے ڈیجیٹل ذرائع کے مؤثر استعمال اور شراکت داری کو فروغ دینے کی ایک اہم پیش رفت ہے۔
’من مست ملنگ‘ کے رومانوی مناظر پر ناظرین کی شدید تنقید، فوری پابندی کا مطالبہ