وزارت ریلوے کا ریلوے کی 3 ذیلی کمپنیوں کی بندش کا فیصلہ
اشاعت کی تاریخ: 8th, April 2025 GMT
سٹی42: وزارت ریلوے نے ریلوے کی 3 ذیلی کمپنیوں کی بندش کا فیصلہ کیا ہے۔ پریکس، ریل کاپ اور پی آر ایف ٹی سی کو بند کرنے کا نوٹیفکیشن جاری کر دیا گیا ہے۔
ذرائع کے مطابق یہ ذیلی کمپنیاں ریٹائرڈ افسران کیلئے مراعات یافتہ پناہ گاہیں بن چکی تھیں جس کے باعث ان کی کارکردگی پر سوالات اٹھنے لگے تھے۔
اس فیصلے کے تحت پہلے مرحلے میں پراکس سے 75 ملازمین کو نوکریوں سے فارغ کر دیا گیا ہے۔
سریے اور سیمنٹ کی تازہ ترین قیمتیں سامنے آگئیں
اس حوالے سے وزارت ریلوے کا کہنا ہے کہ یہ اقدامات ادارے کی کارکردگی کو بہتر بنانے اور وسائل کی بچت کے لیے کیے جا رہے ہیں۔
ذریعہ: City 42
کلیدی لفظ: سٹی42
پڑھیں:
ریلوے پولیس نے سیکیورٹی پیکیج تیار کرلیا، حنیف عباسی
وفاقی وزیر ریلوے حنیف عباسی نے کہا ہے کہ انسپکٹر جنرل (آئی جی) ریلوے پولیس نے سیکیورٹی پیکیج تیار کرلیا ہے۔
اسلام آباد سے جاری بیان میں حنیف عباسی نے کہا کہ آئندہ پی ایس ڈی پی میں پونے 3 ارب روپے کے سیکیورٹی پیکیج کو شامل کریں گے۔
انہوں نے کہا کہ پیکیج میں سی سی ٹی وی، اسکینرز، میٹل ڈیٹیکٹر اور ریلوے پولیس اسٹیشنز کی بحالی شامل ہے۔
وفاقی وزیر ریلوے نے مزید کہا کہ تجاوزات کے خلاف مہم کا آغاز کر رہے ہیں، سب سے پہلے اسٹیشنز اور یارڈز کی تجاوزات کےخلاف آپریشن کریں گے۔
اُن کا کہنا تھا کہ پنجاب فوڈ اتھارٹی کو ریلوے اسٹیشن پر کارروائی کی رسائی دی ہے، چاہتے ہیں مسافروں کو ریلوے اسٹیشن پر معیاری کھانا ملے۔
حنیف عباسی نے یہ بھی کہا کہ آن لائن ٹکٹ سسٹم کی خامیاں دور کرنے کے لیے ٹیم بنائی ہے، جسے آئی ٹی ڈائریکٹر لیڈ کر رہے ہیں۔
انہوں نے کہا کہ ریلوے کی بند کی جانے والی تینوں کمپنیوں کے ملازمین کے واجبات ادا کریں گے، افغانستان اور ازبکستان ٹرین ٹریک کے حوالے سے بات چیت چل رہی ہے۔
شنگھائی تعاون تنظیم نہ صرف سیکیورٹی بلکہ خطّے میں معاشی ترقی کا ذریعہ بھی ہے، اسحاق ڈار