عمران خان کی نیا پاکستان ہاؤسنگ اسکیم کے تحت اب تک کتنے مکانات بن چکے ہیں؟
اشاعت کی تاریخ: 8th, April 2025 GMT
سابق وزیراعظم عمران خان نے 2018 میں اپنی حکومت کے آغاز میں ہی غریب افراد کے لیے 50 لاکھ مکانات بنانے کا اعلان کرتے ہوئے اس منصوبے کو نیا پاکستان ہاؤسنگ اسکیم کا نام دیا تھا، مذکورہ اسکیم کے لیے ابتدائی سال میں 5 ارب روپے کا بجٹ بھی مختص کیا گیا تھا جبکہ وفاقی کابینہ نے پہلے ہی سال میں اس اسکیم کے تحت ایک لاکھ 35 ہزار مکانات تعمیر کرنے کے فیصلے کی منظوری بھی دیدی تھی۔
تاہم عمران خان کی حکومت ختم ہونے کے بعد مسلم لیگ اور دیگر سیاسی جماعتوں کی جانب سے مذکورہ اسکیم پر تنقید کرتے ہوئے کہا گیا کہ ملک بھر میں اس اسکیم کے تحت ایک بھی گھر نظر نہیں آرہا۔
وی نیوز نے یہ جاننے کی کوشش کی کہ اس اسکیم کے تحت اب تک کتنے گھر بن چکے ہیں اور کتنے گھروں کی تعمیر جاری ہے؟ اور وہ کب تک مکمل ہو جائے گی؟
یہ بھی پڑھیں:نیا پاکستان ہاؤسنگ اسکیم کے فلیٹس کو فروخت کرنے کا منصوبہ، شہریوں نے اسلام آباد ہائیکورٹ سے رجوح کر لیا’
وزارت کیبنٹ ڈویژن کے مطابق اس وقت تک ملک بھر میں مجموعی طور پر 62 ہزار 816 مکانات کی تعمیر مکمل ہو چکی ہے، ان میں سے 59 ہزار 368 مکانات لوگوں کو دیے جاچکے ہیں، جبکہ ایک لاکھ 22 ہزار 507 مکانات کی تعمیر اس وقت بھی ملک کے مختلف حصوں میں جاری ہے۔
سرکاری ریکارڈ کے مطابق نیا پاکستان ہاؤسنگ اسکیم کے تحت ملک بھر سے ایک لاکھ 25 ہزار 200 افراد نے مختلف بینکوں اور مالیاتی اداروں کو اس اسکیم کے تحت مکان بنانے کے لیے 514 ارب روپے قرض کی درخواست کی تھی جن میں 236 ارب روپے کی قرض کی منظوری ہوئی تھی اور 120 ارب روپے ادا بھی کیے گئے تھے۔
اس رقم سے 31 ہزار 391 مکانات کی تعمیر مکمل ہوئی ہے، اس کے علاوہ اخوت فاؤنڈیشن نے 27 ہزار 861 گھروں کی تعمیر جبکہ 3 ہزار 564 گھروں کی تعمیر ’میرا پاکستان، میرا گھر اسکیم‘ کے تحت مکمل کی گئی ہے۔
مزید پڑھیں:ہر ایک کا اپنا گھر، پاکستانیوں کے لیے بڑی خوشخبری
مجموعی طور پر 62 ہزار 816 گھروں کی تعمیر مکمل ہوچکی ہے، ایل ڈی اے لاہور کے 4 ہزار، فراش ٹاؤن اسلام آباد کے 2 ہزار، رائیونڈ، سرگودھا، چنیوٹ کے 839 گھروں کی بیلیٹنگ کا عمل بھی مکمل ہو چکا ہے۔
کیبنٹ ڈویژن کے مطابق اس وقت بھی ملک کے مختلف حصوں میں 47 ہزار 428 مکانات کی تعمیر جاری ہے، اسلام آباد میں 26 ہزار 716، پنجاب کے 18 ہزار 194، خیبر پختونخوا ایک ہزار 204 جبکہ آزاد کشمیر کے ایک ہزار 314 گھروں کی تعمیر جاری ہے، پرائیویٹ زمین پر 10 ہزار 634 گھروں کی تعمیر کے لیے رقم بینکوں سے جاری بھی کی جا چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سابق وزیراعظم عمران خان کیبنٹ ڈویژن مسلم لیگ مکانات نیا پاکستان ہاؤسنگ اسکیم.ذریعہ: WE News
کلیدی لفظ: کیبنٹ ڈویژن مسلم لیگ مکانات نیا پاکستان ہاؤسنگ اسکیم نیا پاکستان ہاؤسنگ اسکیم مکانات کی تعمیر اس اسکیم کے تحت گھروں کی تعمیر ارب روپے جاری ہے کے لیے
پڑھیں:
الیکٹرک گاڑیوں، موٹر سائیکلوں کے فروغ کیلئے ای بائیک اسکیم متعارف کروانے کا فیصلہ
وفاقی حکومت نے درآمدی بل میں کمی اور ماحولیاتی چیلنجز سے نمٹنے کیلئے ماحول دوست الیکٹرک گاڑیوں اور موٹر سائیکلوں کے فروغ کیلئے ای بائیکس اسکیم متعارف کروانے کا فیصلہ کیا ہے۔
حکومت نے ای بائیک اسکیم کا مسودہ تیار کرلیا ہے جب کہ وزیراعظم شہباز شریف 14 اگست کو الیکٹرک بائیکس اسکیم کا افتتاح کریں گے۔
ذرائع کے مطابق ای بائیکس پر سبسڈی کیلئے حکومت نے موجودہ بجٹ میں 9 ارب روپے مختص کر رکھے ہیں۔
الیکٹرک موٹرسائیکل کیلئے آن لائن رجسٹریشن ہوگی، مقررہ حد سے زیادہ درخواستوں کی صورت میں قرعہ اندازی کی جائے گی۔
حکومت الیکٹرک بائیکس پر 65 ہزار روپے سبسڈی دے گی جبکہ باقی رقم بینک بلاسود فراہم کریں گے۔
حکام کا کہنا ہے کہ الیکٹرک وہیکلزپالیسی کے تحت 2030 تک ملک میں ای بائیکس کی تعداد کم از کم 20 لاکھ تک پہنچائی جائیگی, 53 ہزار950 ای رکشے،99 ہزار 155 کاریں ، دو ہزار دو سو38 بسیں اور دو ہزار نو سو چھیانوے ٹرک بھی دستیاب ہوں گے۔
اگلے پانچ سال میں مجموعی طور پر 22 لاکھ 13 ہزار 115 ای وہیکلز کا ہدف مقرر کیا گیا ہے, پہلے مرحلے میں ملک بھر میں 40 فاسٹ چارجنگ اسٹیشنز قائم ہوں گے، اسلام آباد کو الیکٹرک گاڑیوں کے حوالے سے ماڈل سٹی بنانے کا پلان ہے۔
وفاقی دارالحکومت کے تمام پیٹرول پمپوں پر چارجنگ پوائنٹس دستیاب ہوں گے۔
سانحہ سر ڈھاکہ، 9 مقتولین کی لاشیں آبائی علاقوں کی طرف روانہ