افریقی کارنر انیشی ایٹو: ایتھوپین وزیراعظم کی کتاب نیشنل لائبریری کے ذخیرے میں شامل
اشاعت کی تاریخ: 8th, April 2025 GMT
افریقی کارنر انیشی ایٹو: ایتھوپین وزیراعظم کی کتاب نیشنل لائبریری کے ذخیرے میں شامل WhatsAppFacebookTwitter 0 8 April, 2025 سب نیوز
اسلام آباد(آئی پی ایس )نیشنل لائبریری آف پاکستان میں ایک پروقار تقریب کے دوران ایتھوپیا کے وزیراعظم ڈاکٹر ابی احمد کی تصنیف “Medemer Generation” کو باضابطہ طور پر قومی ذخیرے میں شامل کر لیا گیا۔ یہ اقدام حکومتِ پاکستان کے تحت جاری “افریقی کارنر انیشی ایٹو” کا اہم حصہ ہے، جس کا مقصد افریقی ممالک کے ساتھ علمی، ادبی اور ثقافتی روابط کو فروغ دینا ہے۔اس موقع پر اسلام آباد میں تعینات ایتھوپیا کے سفیر جمال بیکر نے کتاب کی متعدد کاپیاں نیشنل لائبریری کے ڈائریکٹر جنرل راجہ جاوید اقبال کے حوالے کیں۔
تقریب میں مختلف شعبہ ہائے زندگی سے تعلق رکھنے والی ممتاز شخصیات، ماہرین تعلیم، محققین اور طلبہ نے شرکت کی۔”Medemer Generation” معروف “مدمر” فلسفے پر مبنی سلسلہ کتب کا تیسرا ایڈیشن ہے، جسے وزیراعظم ابی احمد نے خود تحریر کیا ہے۔ یہ فلسفہ باہمی اتحاد، بین النسلی ہم آہنگی اور عملی اشتراک پر زور دیتا ہے، اور افریقہ کے لیے ایک فکری و عملی لائحہ عمل پیش کرتا ہے۔تقریب سے خطاب کرتے ہوئے سفیر جمال بیکر نے حکومتِ پاکستان کا شکریہ ادا کرتے ہوئے کہا کہ اس اقدام سے پاکستان اور ایتھوپیا کے مابین ثقافتی اور تعلیمی تعلقات کو نئی جہت ملے گی۔
انہوں نے اس کتاب میں شامل پیغام پر روشنی ڈالتے ہوئے کہا کہ “مدمر” صرف ایک تصور نہیں بلکہ ایک عملی سوچ ہے، جو معاشروں کو باہم جوڑتی ہے۔ ڈائریکٹر جنرل نیشنل لائبریری، راجہ جاوید اقبال نے اظہار خیال کرتے ہوئے کہا کہ وزیراعظم ابی احمد کی کتاب کا ذخیرے میں شامل ہونا ایک اعزاز ہے۔
.ذریعہ: Daily Sub News
کلیدی لفظ: نیشنل لائبریری
پڑھیں:
ملک ترقی نہیں کررہا، سیاسی ڈائیلاگ میں فوج اور عدلیہ کو بھی شامل کریں: شاہد خاقان
اسلام آباد (آئی این پی )سابق وزیراعظم اور سربراہ عوام پاکستان پارٹیشا ہد خاقان عباسی نے کہا ہے کہ 9 مئی بڑا واقعہ ہے، لیکن جب دو سال گزر جائیں تو کوئی فیصلے قبول نہیں کرے گا، اس طرح کے فیصلے پہلے بھی آئے تو نہ انھیں سیاستدان قبول کرتے ہیں نہ ہی قانون دان، ایک انٹرویو میں انہوں نے کہا ملک ترقی نہیں کر رہا، سیاسی ڈائیلاگ کریں جس میں فوج اور عدلیہ کو بھی شامل کریں۔ سارے اختیارات پاس رکھ لیں، 26 کے بعد 27 ویں ترمیم کر لیں، اگر صلاحیت نہیں تو ملک نہیں چلا سکتے۔ آج جتنے چیلنجز پاکستان کو درپیش ہیں کبھی نہیں تھے، ملک کو آگے لے جانے کی بات کریں۔ سابق وزیراعظم نے کہا کہ حکومت ناکام ہے اور اسے خود اپنے آپ سے چیلنج ہے، یہ جتنے برس بھی رہیں ملک آگے نہیں بڑھے گا۔ جس ملک میں قانون نہ ہو وہ نہیں چلا چلتا یہ تاریخ کا سبق ہے۔ معاشی اشارے اسٹاک مارکیٹ غریب کی میز پر کھانا نہیں رکھتے، ترقی نہیں ہو رہی تو ملک آگے نہیں جائے گا۔سربراہ عوام پاکستان پارٹی کا کہنا تھا کہ ماضی میں گیس ڈویلپمنٹ چارجز لگائے 6 سو ارب حکومت کو چلے گئے، کاربن لیوی بھی یہی ہے۔ پنجاب کی حقیقت وہی ہے جو باقی صوبوں کی ہے، کرپشن حد سے زیادہ ہے گورننس نہیں ہے۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست