کُبریٰ خان اور گوہر رشید کے دبئی ٹرپ کی خوبصورت جھلکیاں
اشاعت کی تاریخ: 9th, April 2025 GMT
کُبریٰ خان اور گوہر رشید نے دبئی ٹرپ کی خوبصورت جھلکیاں شیئر کر دیں، نئے جوڑے نے خوشیوں کے حسین لمحوں کو بھرپور انجوائے کیا ہے۔
پاکستان شوبز انڈسٹری کے معروف اور پسندیدہ ستارے کُبریٰ خان اور گوہر رشید حال ہی میں رشتۂ ازدواج میں منسلک ہوئے ہیں۔
اس جوڑی نے اپنی شادی کا آغاز مکہ مکرمہ میں ایک روحانی اور سادہ نکاح کی تقریب سے کیا، جس کے بعد پاکستان میں ان کی شادی کی تقریبات نے مداحوں اور میڈیا کی خوب توجہ حاصل کی۔
اب یہ نوبیاہتا جوڑا اپنی ازدواجی زندگی کے حسین ابتدائی دنوں کو دبئی میں گزار رہا ہے، رمضان المبارک اور عیدالفطر کے بابرکت مہینے کے بعد دونوں نے اپنی مصروفیات سے وقت نکال کر دبئی میں چھٹیاں منانے کا فیصلہ کیا ہے۔
گوہر رشید نے سوشل میڈیا پر اپنی اور کُبریٰ خان کی دبئی ٹرپ کی تصاویر اور ویڈیوز شیئر کیں، جن میں دونوں بہت خوش، پُرجوش اور ایک دوسرے کی کمپنی سے لطف اندوز ہوتے دکھائی دے رہے ہیں۔
کبھی دونوں ساحل پر ہاتھوں میں ہاتھ ڈالے چہل قدمی کرتے نظر آئے، تو کبھی دبئی مال اور برج خلیفہ جیسے مقامات پر سیلفیز لیتے ہوئے مداحوں کو خوشی سے لبریز لمحوں کی جھلک دکھا رہے تھے۔
کُبریٰ خان اور گوہر رشید نے اس پورے سفر میں سادہ لباس اور کیژول اسٹائل اپنائے رکھا۔
دونوں کی باہمی کیمسٹری اور دوستی پر مبنی تعلق مداحوں کے دل جیتنے میں کامیاب رہا۔
مداحوں نے اس نئے جوڑے کے لیے سوشل میڈیا پر محبت بھرے پیغامات، دعائیں اور نیک تمناؤں کا اظہار کیا ہے۔
کُبریٰ اور گوہر کی جوڑی کو خوبصورت، پیاری اور مثالی جیسے القابات سے نوازا جا رہا ہے۔
Post Views: 1.ذریعہ: Daily Mumtaz
کلیدی لفظ: خان اور گوہر رشید
پڑھیں:
ٹام کروز اور آنا دے آرمس کی علیحدگی کے بعد بھی دوستی برقرار
ہالی ووڈ اداکار ٹام کروز اور آنا دے آرمس کے درمیان علیحدگی ہوچکی ہے، تاہم دونوں کے درمیان کوئی تلخی نہیں پائی جاتی وہ دونوں ابھی بھی دوست ہیں۔
امریکی جریدے یو ایس ویکلی کے مطابق دونوں نے مصروف پیشہ ورانہ مصروفیات اور تیز رفتاری سے آگے بڑھنے والے تعلق کے باعث باہمی رضامندی سے علیحدگی اختیار کی۔
63 سالہ ٹام کروز سے تعلقات کے دوران آنا دے آرمس اپنی نئی فلم بیلرینا اور دیگر منصوبوں میں بھی مصروف تھیں۔
رپورٹس کے مطابق وہ دونوں اب بھی دوستانہ تعلق رکھنا چاہتے ہیں، مگر آنا کو کچھ وقت اور فاصلہ درکار تھا۔
رپورٹ میں بتایا گیا کہ دونوں کے درمیان فلم ڈیپر (Deeper) کی تیاری کے دوران ناقابلِ انکار کیمسٹری دیکھی گئی، جو ایک ماورائی تھرلر فلم ہے اور فی الحال مؤخر کر دی گئی ہے۔
رپورٹس کے مطابق وہ روزانہ ایک ساتھ پانی کے اندر فلمبندی کے مشکل مناظر کی تربیت کرتے تھے، ابتدا میں یہ صرف پیشہ ورانہ احترام تھا، مگر پھر جذبات نے جنم لیا، ٹام آنا سے پوری طرح متاثر ہو گئے تھے۔
کہا گیا کہ ذاتی طور پر آنا کو ٹام کی صحبت پسند تھی، وہ ان کے ساتھ خوش رہتی تھیں اور انہیں ٹام کی سب سے زیادہ یہ بات اچھی لگتی تھی کہ وہ ان کے ہر فیصلے میں بھرپور تعاون کرتے تھے۔
بھارت میں طوفان مونتھا کے پیش نظر اسکول بند، شہریوں کا انخلا