عمران خان نے اسٹیبلشمنٹ سے مذاکرات کے دروازے کبھی بند نہیں کیے، بیرسٹر گوہر
اشاعت کی تاریخ: 9th, April 2025 GMT
چیئرمین پاکستان تحریک انصاف (پی ٹی آئی) بیرسٹر گوہر نے کہا ہے کہ عمران خان نے پیغام دیا ہے کہ انہوں نے اسٹیبلشمنٹ سے مذاکرات کا دروازہ کبھی بند نہیں کیا ہے۔
اسلام آباد میں پارلیمنٹ ہاؤس میں گفتگو کے دوران بیرسٹر گوہر نے کہا کہ عمران خان نے کہا کہ وہ آج بھی مذاکرات کے لیے تیار ہیں اور کبھی مذاکرات کے دروازے بند نہپیں کیے، ہم نے جو مذاکرات معطل کیے تھے وہ حکومت کے ساتھ مذاکرات معطل کیے تھے کیوں کہ حکومت کمیشن کا نوٹیفکیشن جاری نہیں کررہی تھی۔
یہ بھی پڑھیں: ’کاش! آپ اطاعت گزاری نہ کرتے‘، سلمان اکرم راجا کی بیرسٹر گوہر پر تنقید
انہوں نے کہا کہ عمران خان نے کہا ہے کہ مذاکرات ہوں لیکن میں اپنے لیے ڈیل کے لیے یہ نہیں کہہ رہا، میں چاہتا ہوں کہ ملک میں استحکام آئے، ملک میں جمہوریت اور امن و امان کے لیے کررہا ہوں، اس لیے اسٹیبلشمنٹ کے ساتھ کبھی مذاکرات کا دروازہ بند نہیں کیا۔
ان کا کہنا تھا کہ تحریک انصاف کی چیئرمین شپ میرے پاس امانت ہے، عمرن خان کی پارٹی کو جوڑنا چاہتا ہوں، چیئرمین شپ کا عہدہ میرے پاس ڈیڑھ سال ہے، جو میرے لیے اعزاز ہے۔
بیرسٹر گوہر pic.
— Zahid Farooq Malik (@zfmalik) April 9, 2025
بیرسٹر گوہر نے کہا کہ چاہے مجھے عہدہ چھوڑنا پڑے، میں منظور نظر لفظ پر شدید تحفظات کا اظہار کرتا ہوں، بیرسٹر علی ظفر ایماندار آدمی ہیں، عمران خان کو سب پر اعتماد ہے، چیئرمین بنا تو اسلام آباد پولیس نے پروٹوکول کا کہا مگر میں نے انکار کیا۔
یہ بھی پڑھیں: اسٹیبلشمنٹ سے مذاکرات نہیں ہوئے بلکہ رابطے بحال ہوئے تھے، بیرسٹر گوہر
انہوں نے کہا کہ پی ٹی آئی کا چیئرمین بننے کے بعد مجھے اڈیالہ جیل انتظامیہ نے کہا عمران خان سے ملاقات کے لیے آپ کی گاڑی اندر آئے گی، لیکن میری گاڑی کبھی اڈیالہ جیل کے اندر نہیں گئی۔
ان کا کہنا تھا کہ ابھی تک فہرست میں نام ہونے کی وجہ سے میری عمران خان سے کوئی ملاقات نہیں ہوئی، کسی چیز پر ایکشن نہیں لیتا ، میرے اوپر اتنا بوجھ ہے کہ میری صحت پر اثر پڑا ہے، میں اگر آج چیئرمین شپ چھوڑ دوں تو میرے اوپر تنقید نہیں ہوگی، آپ پاپولیرٹی نہ لیں قواعد کو فالو کریں۔
بیرسٹر گوہر نے کہا کہ بشریٰ بی بی اور بانی پی ٹی آئی کے اہل خانہ آتے ہیں تو ہم تعاون کرتے ہیں، ہم نے کل جیل انتظامیہ سے درخواست کی کہ بہنوں کو عمران خان سے ملاقات کرنے دی جائے، اس سے قبل 25 مارچ کو جب بانی پی ٹی آئی کی بہنوں کو ملاقات نہیں کرائی گئی تو وکلا آگے ہی آگے آئے۔
یہ بھی پڑھیں: آرمی چیف بیرسٹر گوہر علی کی تقریریں کیوں سنتے ہیں؟ پی ٹی آئی کے لیے بڑی خبر
صحافی نے بیرسٹر گوہر سے سوال کیا کہ بیک ڈور مذاکرات چل رہے ہیں یا نہیں چل رہے؟ جواب میں بیرسٹر گوہر نے کہا کہ کہیں نہیں چل رہے، کچھ لوگ چاہتے ہیں کہ مذاکرات نہ ہوں، لیکن مذاکرات ہونے چاہئیں، عمران خان نے بھی کہا ہے کہ انہوں نے مذاکرات کے دروازے کبھی بند نہیں کیے۔
صحافی نے ایک اور سوال کیا کہ تحریک انصاف نے عید کے بعد تحریک کا اعلان کیا تھا، کیا یہ تحریک دم توڑ گئی ہے؟ اس سوال کے جواب میں بیرسٹر گوہر نے کہا کہ ہم نے یہ کہا تھا کہ رمضان کے بعد ہم اتحادیوں کے ساتھ ملیں گے اور جہدوجہد کا آغاز کریں گے، اس حوالے سے جلد ہی اعلان کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسٹیبلشمنٹ بیرسٹر گوہر پی ٹی آئی عمران خان مذاکراتذریعہ: WE News
کلیدی لفظ: اسٹیبلشمنٹ بیرسٹر گوہر پی ٹی ا ئی مذاکرات بیرسٹر گوہر نے کہا کہ مذاکرات کے پی ٹی ا ئی انہوں نے بند نہیں کے لیے
پڑھیں:
پولٹیکل پارٹی کو سائیڈ لائن کرنا ملک کے لیے اچھا شگون نہیں ہے، بیرسٹر گوہر
لاہور:چیئرمین پی ٹی آئی بیرسٹر گوہر نے کہا ہے کہ پولٹیکل پارٹی کو سائیڈ لائن کرنا ملک کے لیے اچھا شگون نہیں ہے، کوشش کرنی چاہیے سختی کم کی جائے۔
ایکسپریس نیوز کے مطابق چیئرمین پاکستان تحریک انصاف بیرسٹر گوہر حماد اظہر کی رہائش گاہ پہنچ گئے، انہوں ںے سابق گورنر پنجاب میاں اظہر مرحوم کی وفات پر اظہار تعزیت کیا۔ اس موقع پر ڈپٹی اپوزیشن لیڈر معین قریشی، ایم پی اے حافظ فرحت، فرخ جاوید مون، ایڈوکیٹ ابوذر سلمان نیازی بھی موجود تھے۔
تعزیت کے بعد بیرسٹر گوہر نے میڈیا سے بات چیت میں کہا کہ میاں اظہر نے بہت اچھی زندگی گزاری، حماد اظہر جماعت کے ساتھ ثابت قدم رہے، حماد اظہر دو سال جمہوریت کی خاطر سب سے دور رہے، لوگوں کو اَنا کم ختم کرنی ہوگی، ملک کی جمہوریت کے لیے اور بالا دستی کے لیے سب کو کردار ادا کرنا ہوگا۔
انہوں نے کہا کہ پارٹی پر الزام لگایا گیا کہ فارن فنڈنگ ہوئی اور موجودہ صورتحال میں مزید الزامات بھی لگائے گئے، پولٹیکل پارٹی کو سائیڈ لائن کرنا ملک کے لیے اچھا شگون نہیں ہے، کوشش کرنی چاہیے سختی کم کی جائے۔
ان کا کہنا تھا کہ مذاکرات آگے نہیں بڑھ سکے، تحریک انصاف سیاست میں انتشار پسند نہیں کرتی، پارٹی میں تشدد کی کوئی جگہ نہیں ہے۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست