سلمان، شاہ رُخ اور پربھاس سے بھی زیادہ معاوضہ لینے والا 72 سالہ بھارتی اداکار کون؟
اشاعت کی تاریخ: 10th, April 2025 GMT
دنیا بھر میں بھارتی سپر اسٹارز کے چرچے ہیں جیسے سلمان خان، شاہ رُخ خان، الو ارجن اور پربھاس دنیا بھر میں سب سے مہنگے اداکاروں کے طور پر جانے جاتے ہیں مگر کیا آپ جانتے ہیں کہ ایک 72 سالہ اداکار نے انہیں دولت میں ٹکر دے رکھی ہے۔
وہ اداکار کوئی اور نہیں بلکہ تامل فلم انڈسٹری کے سپر اسٹار رجنی کانت ہیں جو سالوں سے جنوبی بھارتی فلموں پر اپنا راج بنائے ہوئے ہیں اور یہی وہ واحد بھارتی اداکار ہیں جنہوں نے کمائی میں شاہ رُخ سلمان اور پربھاس جیسے اسٹارز کو بھی پیچھے چھوڑ رکھا ہے۔
رجنی کانت نے اپنے کیریئر میں کئی اتار چڑھاؤ دیکھے ہیں۔ 90 کی دہائی کے آخر اور 2000 کی دہائی کے آغاز میں ان کی فلمیں مسلسل ناکامی کا شکار ہوئیں، جس کے باعث ان کی مقبولیت میں کمی آئی۔ تاہم پچاس کی عمر برس کی عمر میں ’چندرمکھی‘ اور ’اینتهیرن‘ جیسی فلموں کی کامیابی نے ان کے کیریئر کو نئی زندگی دی۔
View this post on InstagramA post shared by Rajinikanth (@rajinikanth)
2010 کی دہائی کے آخر میں رجنی کانت نے ایک مرتبہ پھر باکس آفس پر راج کیا، جب ان کی فلموں نے بڑے پیمانے پر کمائی کی اور وہ بالی ووڈ کے بڑے ستاروں سے بھی آگے نکل گئے۔
2023 میں، 72 سال کی عمر میں سپر اسٹار رجنی نے نیلسن دلیپ کمار کی فلم ’جیلر‘ میں مرکزی کردار ادا کیا، جو سال کی سب سے زیادہ کمائی کرنے والی تامل فلم بنی اور اس فلم نے 600 کروڑ بھارتی روپے سے زائد کا بزنس کیا۔
اس فلم کے لیے رجنی کانتھ نے 110 کروڑ معاوضہ لیا، اور فلم کی کامیابی کے بعد پروڈیوسر کلانیتھی مارن نے انہیں 100 کروڑ کا بونس بھی دیا۔ اس طرح انہوں نے ایک فلم سے 210 کروڑ کمائے۔
تاہم اب وہ الو ارجن اور وجے جیسے اداکاروں سے پیچھے ہیں، جن کے معاوضے بالترتیب 300 کروڑ اور 275 کروڑ بتائے جا رہے ہیں، مگر یہ اعداد و شمار تاحال غیر مصدقہ ہیں۔
Post Views: 3.ذریعہ: Daily Mumtaz
پڑھیں:
پی ایس بی انکواٸری کمیٹی نےتحقیقاتی رپورٹ دبا دی ،حکومتی قواٸد نظرانداز، اضافی سیلف ہائرنگ لینے والوں کیخلافے ایکشن نہ ہوسکا
اسلام آباد (صغیر چوہدری ) پاکستان سپورٹس بورڈ ملازمین کی دوہری رہائشی سہولت اور سیلف ہائرنگ ادائیگیوں کیخلاف تحقیقاتی رپورٹ انکواٸری کمیٹی نے دبا دی جبکہ قواٸد کی خلاف ورزی کرنیوالے ذمہ داران کیخلاف کارروائی کی سفارش بھی نہ کی جاسکی۔تفصیلات کے مطابق حکومتی قواٸد کیخلاف پی ایس بی کے اسسٹنٹ ڈائریکٹر غلام تقی خان، سینئر ویٹ لفٹنگ کوچ ذیشان احمد، سپرنٹنڈنٹ محمد ریاض، لیڈی وارڈن آصفہ جاوید، وجاہت خان سمیت دیگرملازمین نے مبینہ طور پر بیک وقت ہاسٹلز میں رہائشی سہولت کیساتھ ساتھ سیلف ہائرنگ کی ادائیگیاں بھی وصول کی جن کیخلاف ڈپٹی ڈاٸریکٹرل جنرل ایڈمن کی سربراہی میں اعلی سطح کی انکوٸری کمیٹی تشکیل دی تھی جنہوں نےغیر مجاز ادائیگیوں کی وصولی سمیت ذمہ داروں کے خلاف تادیبی کارروائی کی سفارش کرناتھی تاہم دو ہفتوں کی أنکواٸری ڈیڈ لاٸن گزرنےکے باوجود انکواٸری کمیٹی نے ذمہ داران کا تعین نہیں کیا نہ ہی ریکوری کرنے کی اب تک سفارشات مرتب کی ہے۔ واضح رہے کہ پاکستان سپورٹس بورڈ کے ڈاٸریکٹر جنرل یاسر پیرزادہ کی ہدایت پر یہ انکواٸری کمیٹی تشکیل دی گٸی تھی جبکہ تحقیقات مکمل ہونے تک ملازمین کو سیلف ہائرنگ کی مزید ادائیگیاں معطل کر دی گئی تھی۔
جعلی بینک اکاؤنٹس کیس: 12 ارب کے منجمد شیئرز ڈی فریز کرنے کا فیصلہ معطل کرنے کی استدعا مسترد