طلبہ کے امتحانی پرچے چپراسی کے ہاتھوں چیک کیے جانے کا انکشاف
اشاعت کی تاریخ: 10th, April 2025 GMT
بھارتی ریاست مدھیہ پریش کے ضلع نرمداپورم میں چپراسی کی جانب سے طلبہ کے امتحانی پرچے چیک کیے جانے کا انکشاف ہوا ہے۔
انڈین میڈیا کی رپورٹس کے ماطابق سوشل میڈیا پلیٹ فارمز پر ایک ویڈیو وائرل ہوئی جس میں ایک شخص کو طلبہ کے امتحانی پرچے چیک کرتے ہوئے دیکھا گیا، اس شخص کے بارے میں کہا گیا کہ یہ کالج کا چپراسی ہے۔ویڈیو جب متعلقہ حکام تک پہنچی تو انہوں نے فوری ایکشن لیتے ہوئے سرکاری کالج کے پرنسپل اور ایک پروفیسر کو ایک معطل کر دیا اور معاملے کی تحقیقات شرور کی۔
طلبہ نے اس بارے میں مقامی ایم ایل اے ٹھاکر داس ناگونشی سے رابطہ کیا جنہوں نے متعلقہ حکام سے شکایت کی۔ واقعے پر ردعمل دیتے ہوئے نوجوانوں کے امور اور کوآپریٹیو کے وزیر وشواس سارنگ نے تصدیق کی کہ پرنسپل اور پروفیسر کو معطل کر دیا گیا۔وشواس سارنگ نے کہا کہ پروفیسر کو امتحانی پرچے چیک کرنے کی ذمہ داری سونپی گوئی تھی، وائرل ویڈیو میں نظر آنے والے چپراسی کے خلاف بھی کارروائی کر رہے ہیں۔
انہوں نے ہدایت کی کہ اس طرح کے واقعات دوبارہ نہ ہونے کو یقینی بنایا جائے، حکومت ہمیشہ اعلیٰ تعلیم کے معیار کو بہتر کرنے کی کوشش کرتی ہے، یہ واقعہ افسوسناک اور ناقابل معافی ہے لہٰذا سخت کارروائی کی جائے گی۔بھگت سنگھ گورنمنٹ کالج کے پرنسپل راکیش ورما نے دعویٰ کیا کہ انہیں اور پروفیسر رام گلم پٹیل کو 4 اپریل کو معطل کر دیا گیا تھا۔
مسٹر ورما نے بتایا کہ جوابی پرچے چیک کرنے کا کام ایک استاد کو سونپا گیا تھا جنہوں نے اسے ایک چپراسی کے حوالے کیا، سوشل میڈیا پر ویڈیو وائرل ہونے کے بعد اس سال جنوری میں شکایت کی گئی تھی۔انہوں نے دعویٰ کیا کہ پروفیسر پٹیل کو راجہ شنکر شاہ یونیورسٹی کی طرف سے مقرر کیا گیا تھا۔
.ذریعہ: Daily Ausaf
کلیدی لفظ: امتحانی پرچے
پڑھیں:
فلسطینیوں کی منظم نسل کشی مہم میں برطانیہ کے براہ راست ملوث ہونے کا انکشاف
یہ بھی انکشاف ہوا ہے کہ "ایلبیٹ” فیکٹری کو گزشتہ سال قابض اسرائیل کی اراضی اتھارٹی ہے بھاری جرمانوں سے استثنا دے کر اسے گولہ بارود کی تیاری جاری رکھنے کی اجازت دی، تاکہ اسرائیلی فوج کو مسلسل اسلحہ مہیا کیا جا سکے۔ اسلام ٹائمز۔ ایک رپورٹ میں انکشاف ہوا ہے کہ ایک برطانوی کمپنی نے فلسطینیوں کے خلاف جاری نسل کش جنگ میں قابض اسرائیل کی مدد کرتے ہوئے اسے بڑی مقدار میں اسلحہ فراہم کیا ہے۔ تازہ دستاویزات کے مطابق برطانوی انجینئرنگ کمپنی پیرموئڈ انڈسٹریز نے اکتوبر سنہ 2023ء سے اب تک کم از کم 16 بھاری بھرکم شپمنٹس میں 100 ٹن سے زائد وزنی اسلحہ اور گولہ بارود کے کنٹینر اسرائیلی اسلحہ ساز ادارے "ایلبیٹ سسٹمز کو روانہ کیے۔ یہ خفیہ انکشافات برطانوی خبروں کی ویب سائٹس ڈیکلاسفائیڈ اور دی ڈچ پر شائع ہوئے، جنہوں نے اس صنعت کے اس کالے دھندے پر روشنی ڈالی ہے۔ رپورٹ کے مطابق، ڈرہم میں قائم یہ برطانوی کمپنی ایک ہزار سے زائد گولہ بارود کے کنٹینرز اسرائیل روانہ کر چکی ہے، جو اس بات کی واضح دلیل ہے کہ برطانوی صنعتی ادارے، قابض اسرائیل کی خونریز فوجی طاقت کا سہارا بن چکے ہیں اور برطانیہ فلسطینوں کی نسل کشی مہم میں براہ راست ملوث ہے۔ پیرموئڈ کمپنی کے ویب سائٹ پر درج معلومات سے معلوم ہوتا ہے کہ یہ ادارہ کئی اقسام کے اسلحہ بردار کنٹینرز تیار کرتا ہے، جن میں شوٹ گن کارتوس، توپوں کے گولے، مارٹر شیلز اور 155 ملی میٹر کے مہلک گولے شامل ہیں۔ یہ وہی ہتھیار ہیں جو اس وقت غزہ پر قیامت ڈھانے کے لیے قابض اسرائیلی فوج استعمال کر رہی ہے۔
دستاویزات کے مطابق، اس برطانوی اسلحہ کی بڑی تعداد "ایلبیٹ سسٹمز” کے تل ابیب کے نزدیک واقع رامات ہشارون نامی فیکٹری بھیجی گئی، جہاں 122 اور 155 ملی میٹر کے مارٹر شیلز تیار ہوتے ہیں۔ یہی ادارہ اسرائیلی زمینی فوج اور ڈرون طیاروں کی 85 فیصد ضروریات پوری کرتا ہے، اور اس کے کئی کارخانے برطانیہ میں بھی کام کر رہے ہیں۔ ان انکشافات نے فلسطینی عوام کے خلاف ممکنہ جنگی جرائم میں برطانوی کمپنیوں کے کردار پر شدید سوالات اٹھا دیے ہیں۔ یہ تمام اسلحہ ایسے وقت میں بھیجا گیا جب غزہ بیس مہینوں سے جنگ، محاصرے، بھوک اور تباہی کی آگ میں جل رہا ہے۔ فورسز واچ کے کارکن اور سابق برطانوی فوجی جو گلنٹن نے اس پر تبصرہ کرتے ہوئے کہا: “برطانوی حکومت کے بیانات میں اگرچہ تبدیلی نظر آتی ہے، لیکن حقائق یہ ہیں کہ برطانوی کمپنیاں اب بھی نسل کشی کی تیاری میں قابض اسرائیل کی مدد کر رہی ہیں۔ زبانی دعووں کی کوئی وقعت نہیں، جب تک اسرائیل کو اسلحے کی فراہمی پر مکمل پابندی اور سخت پابندیاں نہ لگائی جائیں۔”
یہ بھی انکشاف ہوا ہے کہ "ایلبیٹ” فیکٹری کو گزشتہ سال قابض اسرائیل کی اراضی اتھارٹی ہے بھاری جرمانوں سے استثنا دے کر اسے گولہ بارود کی تیاری جاری رکھنے کی اجازت دی، تاکہ اسرائیلی فوج کو مسلسل اسلحہ مہیا کیا جا سکے۔ اسرائیلی ذرائع ابلاغ کے مطابق، قابض ریاست کی سکیورٹی اس بات کو لازم سمجھتی ہے کہ "ایلبیٹ” کا پیداوری عمل رکے بغیر جاری رہے تاکہ موجودہ جنگ میں اسلحے کی قلت نہ ہو۔ مزید معلومات سے معلوم ہوا کہ اکتوبر سنہ 2023ء سے اپریل سنہ 2025ء کے دوران "پیرموئڈ” کی جانب سے 920 کنٹینرز بھیجے گئے، جن میں سےصرف اپریل کے مہینے میں 360 کنٹینرز روانہ کیے گئے۔ اس دوران غزہ میں قابض اسرائیل کی طرف سے محاصرہ، بھوک، بمباری اور درندگی کا عروج تھا۔ علاوہ ازیں 160 کنٹینرز دسمبر سنہ 2023ء میں حيفا میں واقع "ایلبیٹ” کے جدید ٹیکنالوجی سینٹر کو بھی بھیجے گئے۔ یہ تمام ہتھیار اسدود بندرگاہ سے قابض اسرائیل کے بدنام زمانہ شپنگ ادارے زیم کے ذریعے منتقل کیے گئے، جن کا مجموعی وزن 135 ٹن سے زائد بتایا گیا ہے، جو 67 گاڑیوں کے وزن کے برابر ہے۔
برطانوی وزارت تجارت و صنعت نے ان معلومات کے جواب میں کہا ہے کہ برطانیہ کے پاس برآمدات کے لیے ایک "سخت اجازت نامہ نظام” موجود ہے، اور یہ کہ اس نے ان اشیاء کی برآمد پر پابندی لگا دی ہے جو غزہ میں عسکری کارروائیوں میں استعمال ہو سکتی ہیں۔ تاہم، وزارت نے ایف 35 طیاروں کے پروگرام سے منسلک کچھ اجزاء کی برآمد کو اس پابندی سے مستثنیٰ قرار دیا ہے۔ یہ تمام تفصیلات اس المناک حقیقت کی عکاسی کرتی ہیں کہ فلسطینی عوام کے خلاف جاری ظلم و ستم میں صرف قابض اسرائیل ہی نہیں، بلکہ کئی عالمی طاقتیں بالواسطہ یا بلاواسطہ شریک ہیں۔ ان کی خاموشی اور تعاون، فلسطینی نسل کشی کو مزید خطرناک اور پیچیدہ بنا رہا ہے۔
خیبرپختونخوا،سرکاری اسکولز کو فرنیچر فراہم کرنے کا فیصلہ