سندھ کے پانی کے معاملے پر کوئی سمجھوتہ نہیں کریں گے، فاروق ستار
اشاعت کی تاریخ: 20th, April 2025 GMT
میڈیا نمائندگان سے گفتگو کرتے ہوئے ایم کیو ایم رہنما نے کہا کہ پیپلز پارٹی متنازع کینالوں کے معاملے پر جلسوں کے پیچھے چھپنے کے بجائے آل پارٹیز کانفرنس بلائے اور بتائے کہ صدر نے اس فیصلے پر دستخط کئے تھے یا نہیں، پیپلز پارٹی پنجاب سے سندھ کے حصے کا پانی لیتی ہے مگر کراچی کو اُسکے حق کا پانی نہیں دیتی ہے۔ متحدہ قومی موومنٹ (ایم کیو ایم) پاکستان کے سینئر رہنما اور رکن قومی اسمبلی ڈاکٹر فاروق ستار نے کہا ہے کہ سندھ کے پانی کے معاملے پر کوئی سمجھوتہ نہیں کریں گے۔ کراچی ایکسپو سینٹر میں منعقدہ فرنیچر نمائش کے دورے کے موقع پر میڈیا نمائندگان سے گفتگو فاروق ستار نے زور دیا کہ پیپلز پارٹی متنازع کینالوں کے معاملے پر جلسوں کے پیچھے چھپنے کے بجائے آل پارٹیز کانفرنس بلائے اور بتائے کہ صدر نے اس فیصلے پر دستخط کئے تھے یا نہیں۔ ان کا کہنا تھا کہ پیپلز پارٹی پنجاب سے سندھ کے حصے کا پانی لیتی ہے مگر کراچی کو اُسکے حق کا پانی نہیں دیتی ہے۔
ڈاکٹر فاروق ستار نے مزید گفتگو کرتے ہوئے کہا کہ متنازع کینالز کے معاملے پر ہمارا دو ٹوک مؤقف ہے، ایم کیو ایم پاکستان سندھ کے پانی پر کوئی سمجھوتا نہیں کرے گی۔ انہوں نے کہا کہ کراچی والے فراغ دل ہونے کے ساتھ ساتھ صابر اور شاکر بھی ہیں کہ جن کو کبھی بجلی، پانی تو کبھی گیس کی لوڈشیڈنگ کے نام پر تنگ کیا جاتا ہے، شہر کی سڑکیں اور انفراسٹرکچر تباہ و برباد ہوچکا مگر اسکے باوجود کراچی کے شہری صبر کئے ہوئے ہیں۔ ڈاکٹر فاروق ستار نے کہا کہ اس وقت میٹرک کے امتحانات کے دوران لوڈ شیڈنگ اور مختلف سینٹرز کی تبدیلیوں نے طلباء اور والدین کو پریشان کر رکھا ہے۔
ذریعہ: Islam Times
کلیدی لفظ: فاروق ستار نے کے معاملے پر پیپلز پارٹی سندھ کے کا پانی نے کہا کہا کہ
پڑھیں:
سندھ بجٹ میں کراچی کیلیے نیا منصوبہ شامل نہیں
8بڑے منصوبوں کیلیے 8 ارب 28 کروڑ روپے مختص کیے گئے ، جرأت رپورٹ
پارک ، نہر خیام کی بحالی، اسپورٹس کمپلیکس ،کورنگی کازوے ، ملیر ندی ودیگر امور
سندھ بجٹ میں کراچی کے 8 بڑے منصوبوں کے لئے 8 ارب 28 کروڑ روپے مختص، شہر قائد کو کوئی نیا منصوبہ نہیں مل سکا۔ جرات کی رپورٹ کے مطابق کراچی کے علاقے فیڈرل بی ایریا میں علامہ اقبال پارک کی تعمیر کے لئے آئندہ مالی سال میں 15 کروڑ روپے مختص کئے گئے ہیں، ضلع جنوبی میں نہر خیام کی بحالی اور سیوریج کے پانی کا رخ موڑنے کے لئے 92 کروڑ روپے مختص ہوئے ہیں۔ ضلع سینٹرل میں اسپورٹس کامپلیکس کی تعمیر کے لئے 66 کروڑ روپے مختص کرنے کا اعلان کیا گیا ہے۔ کورنگی کاز وے پل کی تعمیر کے لئے ایک ارب 34 کروڑ روپے مختص کئے گئے ہیں، تھدو نالا پر برساتی ڈرین کی تعمیر کے لئے 84 کروڑ 70 لاکھ روپے مختص کرنے کا اعلان کیا گیا ہے، ملیر ندی پر پل کی تعمیر کے منصوبے کے لئے بجٹ میں ایک ارب 50 کروڑ روپے مختص ہوئے ہیں، کورنگی کاز وے اور شاہراہ بھٹو پر قیوم آباد کے مقام پر جنکشن کی تعمیر کے لئے ایک ارب 89 کروڑ روپے مختص کئے گئے ہیں، سچل گوٹھ میں مین روڈ کی تعمیر اور پیور بلاک کی تعمیر کے لئے 45 کروڑ روپے مختص کئے گئے ہیں۔ منظور کالونی میں سیوریج سسٹم اور ڈرین کی بحالی کے لئے 50 کروڑ 80 لاکھ روپے مختص کئے گئے ہیں۔ جبکہ سندھ بجٹ میں کراچی کے لئے کوئی بھی نیا منصوبہ شامل نہیں کیا گیا۔
قوم کی محنت سے ملک اب ٹیک آف کی پوزیشن میں آگیا ہے، شہباز شریف