کشیدہ صورتحال، سول ڈیفنس کو فعال کرنے کا اعلان
اشاعت کی تاریخ: 26th, April 2025 GMT
وفاقی وزیرِ داخلہ محسن نقوی—فائل فوٹو
وفاقی وزیرِ داخلہ محسن نقوی نے موجودہ کشیدہ صورتِ حال کے تناظر میں سول ڈیفنس کو ہر لحاظ سے فعال کرنے کا اعلان کر دیا۔
محسن نقوی نے ڈائریکٹوریٹ جنرل آف سول ڈیفنس کا دورہ کیا اور کسی بھی ہنگامی صورتِ حال میں شہریوں کے لیے پیشگی انتظامات کا جائزہ لیا۔
وزیرِ داخلہ محسن نقوی نے ڈائریکٹوریٹ جنرل سول ڈیفنس کا معائنہ کیا اور عملے سے ملاقات کی۔
یہ بھی پڑھیے ہم اپنے وطن کا دفاع کرنا جانتے ہیں: آرمی چیف جنرل عاصم منیر امن ہماری خواہش ہے لیکن اسے کمزوری نہ سمجھا جائے: وزیرِ اعظم شہباز شریفاس موقع پر گفتگو کرتے ہوئے محسن نقوی نے کہا کہ سول ڈیفنس ادارے کی استعداد کار بڑھائی جائے گی، کسی بھی ناگہانی صورتِ حال سے نمٹنے کے لیے تمام تر تیاریاں مکمل رکھی جائیں۔
انہوں نے کہا کہ ہنگامی حالات سے نمٹنے کے سلسلے میں شہریوں کے لیے آگاہی مہم پورا سال چلنی چاہیے۔
وفاقی وزیر کا کہنا ہے کہ انٹیلی جنس ناکامی چھپانے کے لیے مکار دشمن سے کوئی بھی حرکت بعید نہیں، کسی بھی ناخوش گوار واقعے کی صورت میں سول ڈیفنس تیار ہے۔
محسن نقوی نے سینٹرل ڈیسک کے ذریعے صوبائی سول ڈیفنس محکموں سے رابطہ اور تعاون کو یقینی بنانے کی ہدایت کرتے ہوئے کہا کہ امن کے ساتھ جنگ کے دوران سول ڈیفنس کا کردار انتہائی اہمیت کا حامل ہے۔
انچارج سول ڈیفنس عامر خان نے ادارے سے متعلق وزیرِ داخلہ محسن نقوی کو بریفنگ دی۔
بریفنگ میں بتایا گیا کہ جنگ کے دوران بھرپور سول سپورٹ کی فراہمی اور عوام کے جذبے کو بڑھانا بھی ادارے کی ذمے داریوں میں شامل ہے۔
عامر خان کا کہنا ہے کہ امن کے دور میں ہنگامی حالات سے نمٹنے کے لیے شہریوں کے لیے ٹریننگ پروگرامز اور آگاہی سیشنز کا انعقاد کیا جاتا ہے، ہر سال ملک بھر میں سول ڈیفنس کے 10 ٹریننگ انسٹی ٹیوٹس میں تقریباً 250 کورسز کا انعقاد کیا جاتا ہے۔
.
ذریعہ
ذریعہ: Jang News
کلیدی لفظ: داخلہ محسن نقوی محسن نقوی نے سول ڈیفنس کے لیے
پڑھیں:
پیٹرول پمپس اونرز ایسوسی ایشن کاکل کی ہڑتال مؤخر کرنے کا اعلان
اسلام آباد(ڈیلی پاکستان آن لائن)پیٹرول پمپس اونرز ایسوسی ایشن اور ڈیلرز ایسوسی ایشن نے کل کی ہڑتال مؤخر کرنے کا اعلان کردیا۔پاکستان پیٹرولیم ڈیلرز ایسوسی ایشن کی جانب سے جاری بیان میں کہا گیا کہ ہڑتال کی کال مؤخر کردی، حکومت نے پیٹرول ڈیلرز کا مارجن بڑھانے کی یقین دہانی کرائی ہے، حکومتی یقین دہانی پر احتجاج کی کال مؤخر کرتے ہیں۔سیکرٹری اطلاعات پیٹرول پمپس اونرز ایسوسی ایشن ندیم خان نے کہا کہ ہمیں یقین دہانی کرائی گئی ہے کہ ہمارے مطالبات پورے کیے جائیں گے، امید ہے کہ دو ہفتوں میں پمپس اونرز کے کمیشن کامعاملہ حل ہوجائے گا، یومیہ نرخ کا نظام بھی دو ہفتے ٹرائل بیسز پر چلانے کا کہا گیا ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا