کم عمر لڑکیوں کی جنسی ٹریفکنگ اور برطانوی شہزادے کیخلاف کیس کرنے والی خاتون کی خودکشی
اشاعت کی تاریخ: 26th, April 2025 GMT
طاقت ور اور اعلیٰ شخصیات کے ساتھ جنسی تعلق استوار کرانے کے لیے کم عمر لڑکیوں کی اسمگلنگ میں ملوث نیٹ ورکنگ کو بے نقاب کرنے والی متاثرہ خاتون نے خودکشی کرلی۔
عالمی خبر رساں ادارے کے مطابق کم عمری میں خود ’’سیکس ٹریفکنگ‘‘ کا شکار ہونے والی اور ایسی مجبور لڑکیوں کا کیس سامنے لانے والی ورجینیا جوفرے کی آسٹریلیا میں اپنے فارم ہاؤس سے لاش ملی ہے۔
41 سالہ ورجینیا جوفرے نے معروف کاروباری شخصیت جیفری ایپسٹین کے طاقتور اور اعلیٰ شخصیات کو کم عمر لڑکیوں کی فراہمی کے خلاف مقدمہ دائر کیا تھا۔
یہ خبر پڑھیں : جنسی زیادتی کا معاملہ برطانوی شہزادہ اینڈریونے تصفیے کی رقم ادا کردی
ورجینیا جوفرے نے انکشاف کیا تھا وہ خود بھی اس نیٹ ورک کے چنگل میں پھنس کر کئی اعلیٰ شخصیات کے لیے جنسی تسکین کا سامان بننے پر مجبور ہوئی تھی۔
متاثرہ خاتون نے الزام عائد کیا تھا ان میں ایک برطانوی شہزادے اینڈریو بھی شامل ہیں۔ جنھوں نے 1999 سے 2001 کے دوران 3 بار جبراً جنسی زیادتی کا نشانہ بنایا جب کہ میں نابالغ تھی۔
برطانوی شہزدے اینڈریو نے پہلے ان الزامات کی تردید کی تھی لیکن 2022 میں انہوں نے جیوفری سے رقم کے عوض عدالتی تصفیہ کیا تھا۔
اس معاہدے میں برطانوی شہزادے اینڈریو نے تسلیم کیا تھا کہ ایپسٹین ایک جنسی اسمگلر اور 17 سالہ ورجینیا جیفری ایک تسلیم شدہ متاثرہ فرد تھیں۔
ورجینیا جوفرے نے 2015 میں ایک فلاحی ادارہ "SOAR" کی بنیاد بھی رکھی تھی جس کا مقصد جنسی ٹریفکنگ کا شکار ہونے والے لڑکیوں کو قانونی مدد فراہم کرنا تھا۔
ورجینیا جوفرے حالیہ دنوں میں وہ ایک سنگین حادثے کے بعد اسپتال میں بھی زیر علاج رہی تھیں تاہم صحت یابی کے بعد سے وہ اپنے بچوں کے ساتھ رہ رہی تھیں۔
.
ذریعہ: Express News
کلیدی لفظ: ورجینیا جوفرے کیا تھا
پڑھیں:
متنازع شو پر عائشہ عمر کی وضاحت سامنے آگئی
پاکستان شوبز کی اداکارہ و ماڈل عائشہ عمر نے اپنے نئے رئیلٹی شو پر کی جانے والی تنقید پر وضاحت دے دی۔
گزشتہ چند دنوں سے سوشل میڈیا پر عائشہ عمر کے شو لازوال عشق کے پرومو کا خوب چرچہ ہورہا ہے۔ صارفین نے ان کے شو پر شدید تنقید کرتے ہوئے اس کے ریلیز سے پہلے ہی بند کرنے کا مطالبہ کردیا۔
اس تنقید پر وضاحت دیتے ہوئے شو کی میزبانی کرنے والی عائشہ عمر کہا کہ یہ کوئی ڈیٹنگ شو نہیں بلکہ رشتہ ازدواج پر مبنی ریئلٹی پروگرام ہے۔ ان کا کہنا تھا کہ یہ کوئی ڈیٹنگ شو نہیں بلکہ زندگی کا ساتھی تلاش کرنے پر مبنی ہے۔
عائشہ نے کہا کہ شو میں پہلے سے کوئی جوڑے طے نہیں ہیں بلکہ شرکاء شو کے دوران میل جول کے ذریعے تعلقات بنائیں گے جس کا واحد مقصد شادی ہوگا۔
یاد رہے کہ یہ رئیلٹی شو ٹی وی پر نہیں بلکہ یوٹیوب پر نشر کیا جائے گا۔ تاہم عوام کی جانب سے اس قسم کے شو پر پابندی کا مطالبہ تاحال جاری ہے۔
پاک بھارت کشیدہ تعلقات کے دوران 67 پاکستانی قیدی رہا، برسوں بعد وطن واپسی