میرے لیے عہدے اہمیت کے حامل نہیں صرف پارٹی کے لیے کام کرنا ہے، عالیہ حمزہ
اشاعت کی تاریخ: 28th, April 2025 GMT
اسلام آباد:
پی ٹی آئی رہنما عالیہ حمزہ نے کہا ہے کہ میں چاہتی ہوں میری تعیناتی کا نوٹی فکیشن اس وقت جاری ہو جب تک میری عمران خان سے ملاقات نہ ہوجائے۔
اسلام آباد میں صحافیوں سے گفت گو کرتے ہوئے انہوں ںے کہا کہ میرے لیے عہدے اہمیت کے حامل نہیں مجھے صرف پارٹی کے لیے کام کرنا ہے، میں چاہتی ہوں میری تعیناتی کا نوٹی فکیشن اس وقت جاری ہو جب تک میری عمران خان سے ملاقات نہ ہوجائے۔
انہوں ںے کہا کہ میں نے پنجاب میں پارٹی کی کارکردگی کی مکمل پرفارمنس رپورٹ تیار کی ہے، پنجاب کے تمام حلقوں کی رپورٹ تیار کر کے خان کو پیش کرنی ہے، میرے پاس یوم تاسیس کی رپورٹ بھی آچکی ہے دو دن لگتے ہیں ایک حلقے کی رپورٹ بنتی ہے، ہمارے پاس ڈیٹا ہے کہ پارٹی کے مشکل وقت میں کس نے ہمارا ساتھ دیا اور کس نے نہیں۔
انہوں ںے کہا کہ ہم پنجاب کی اے پی سی بلائیں گے جس میں احتجاج کا باقاعدہ اعلان ہوگا، موجودہ سخت صورتحال میں ہمیں پارٹی کے لئے اچھے چہرے مل رہے ہیں، پی ٹی آئی میں اختلاف رائے ہے مگر اختلاف نہیں ہے۔
ان کا مزید کہنا تھا کہ ہمیں سوال کا جواب دینا چاہیے سوال کرنے والے کو نہیں اٹھانا چاہیے، ہم ہیلتھ الائنس اور کسان اتحاد کے ساتھ بھی کھڑے ہیں۔
عالیہ حمزہ کا کہنا تھا کہ پارٹی ڈسپلن بہت اہم ہے، میرے لیے بیرسٹر گوہر اور سلمان اکرم راجہ دونوں اہم ہیں، میرے عہدہ سنبھالنے پر پنجاب کی قیادت نے مجھے ویلکم کیا تھا، مجھے ٹاسک دیا گیا ہے کہ پنجاب کو اکٹھا کرنا ہے دھڑے ختم کرنے ہیں۔
انہوں نے کہا کہ میں نے جیل میں کسی کی بات نہیں سنی تو اب بھی نہیں سنوں گی، ہمارا موقف واضح ہے انڈیا کی سکیورٹی کا اپنا لیپس ہے اسی لیے پہلگام واقعہ ہوا ہے، ہم کسی قسم کی دہشت گردی کو سپورٹ نہیں کرتے۔
پی ٹی آئی کی خاتون رہنما نے کہا کہ پی ٹی آئی میں مائنس عمران خان فارمولا کبھی کامیاب نہیں ہوسکتا، ہم تو کوئی اہم میٹنگ خان کے بغیر قبول نہیں کرتے وزیر اعظم کا عہدہ کیسے قبول کرلیں گے؟
عالیہ حمزہ کا کہنا تھا کہ ہم ملک کی مقبول ترین جماعت ہیں اور گورنمنٹ ان ویٹنگ ہیں۔
.ذریعہ: Express News
کلیدی لفظ: عالیہ حمزہ پارٹی کے کہا کہ
پڑھیں:
شوبز کی خواتین طلاق کو پروموٹ نہ کریں: روبی انعم
پاکستانی تھیٹر اداکارہ روبی انعم کا کہنا ہے کہ میرے ماں باپ کی دعائیں مجھے لگی تو میری شادی ہوئی، ورنہ مجھے یہی لگتا تھا کہ شادی نہیں ہونی چاہیے۔
انہوں نے کہا کہ جب میں بیمار ہوئی تو احساس ہوا کہ اللّٰہ نے مجھے کتنا بڑا تحفہ دیا ہے، اس سے قبل مجھے اندازہ نہیں تھا۔
حال ہی میں روبی انم نے نجی ٹی وی کے پوڈکاسٹ میں شرکت کی جہاں انہوں نے بڑھتی ہوئی طلاقوں سمیت مخلف امور پر بات کی۔
انہوں نے شوبز کی خواتین کو مشورہ دیتے ہوئے کہا کہ براہ مہربانی کبھی طلاق کو پروموٹ نہ کریں، کبھی کسی کو طلاق کا مشورہ نہ دیں، یہ نہ کہیں کہ شادی نہیں کرنی چاہیے، نہ یہ کہیں کہ میں طلاق کے بعد بہت خوش ہوں، زندگی آسان ہوگئی۔
ان کا کہنا تھا کہ گزشتہ چند ماہ سے سوشل میڈیا پر طلاق کو بہت فروغ دیا جارہا ہے۔ ہمارے مذہب اور ثقافت میں ایسا نہیں ہے۔
انہوں نے کسی کا نام لیے بغیر کہا کہ میں ہر اس عورت کے خلاف ہوں جو یہ کہے کہ برداشت کرنے کی ضرورت نہیں ہے۔ آخر کیوں برداشت کرنے کی ضرورت نہیں ہے؟ آپ کو برداشت کرنا پڑے گا۔ ہم نے بھی کیا ہے۔
ان کا کہنا ہے کہ ایک فنکارہ ہیں جنہیں میں بہت پسند کرتی ہوں وہ کہتی ہیں کہ میری شادی کو 35 سال ہوگئے اب میں نے سوچا کہ ہمیں الگ ہوجانا چاہیے، مزید ایک دوسرے کو برداشت نہیں کرنا چاہیے۔
روبی نے کہا کہ آپ ہمارے معاشرے کی لڑکیوں کو کیا سیکھا رہی ہیں؟ ہمارا مذہب اور ہماری ثقافت طلاق کی اجازت نہیں دیتی۔ ایسی باتیں ٹیلی ویژن پر نہیں کہی جانی چاہئیں۔ اس کے بجائے شادی کے مثبت پہلوؤں کو اُجاگر کیا جائے۔
ان کا کہنا تھا کہ میری جب شادی ہوئی تھی میری ماں نے مجھے نصیحت کی تھی کہ ہمیں تمہاری فطرت کا پتہ ہے تم برادشت کرنے والی نہیں ہو، لیکن تمہیں اپنے مرحوم والد اور بہنوں کی خاطر برداشت کرنا پڑے گا۔
میری ماں نے نکاح سے پہلے مجھ اس سے پوچھا تھا کہ کیا میں واقعی شادی کے لیے تیار ہوں بعد میں یہ نہ ہو کہ ڈراموں میں کام کرنے کی خاطر گھر واپس آجاؤں۔ یہاں کوئی نہیں بیٹھا جو تمھیں رکھے گا، پوری زندگی شوہر کے ساتھ ہی رہنا ہوگا۔
انہوں نے مزید کہا کہ اگر شادی شدہ زندگی میں مسائل ہیں تو ان کا سامنا کرتے ہوئے حل تلاش کریں نہ کہ شادی کو ختم کریں۔
ان کے انٹرویو کا مختصر کلپ وائرل ہوا تو روبی انعم سوشل میڈیا صارفین کی تنقید کی زد میں آگئی۔ صارفین کا کہنا ہے کہ عورت کو طلاق اور خلع کا حق اسلام نے ہی دیا ورنہ دیگر مذاہب میں تو ایسا کچھ نہیں۔ ایک صارف نے لکھا کہ آپ غلط کہہ رہی ہیں، ماں باپ کے گھر میں ہمیشہ جگہ ہونی چاہیے۔ ایک اور صارف نے لکھا کہ یہ اسلام ہی ہے جو عورت کو شوہر کی شکل پسند نہ آنے پر بھی شادی ختم کرنے کی اجازت دیتا ہے۔
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند