انڈس واٹر ٹریٹی کی حرمت کا ہر صورت تحفظ کیا جائے گا؛ اسحاق ڈار
اشاعت کی تاریخ: 28th, April 2025 GMT
سٹی 42 : وزیر خارجہ اسحاق ڈار نے کہا ہے کہ انڈس واٹر ٹریٹی کو معطل کرنا بھارت کا یکطرفہ اور غیر قانونی اقدام ہے، پاکستان اپنے پانی کے حصے کے تحفظ کے لیے تمام ضروری اقدامات کرے گا۔
ترجمان دفتر خارجہ کے مطابق سندھ طاس معاہدے کے معاملے پر اعلیٰ سطح اجلاس ہوا، جس کی صدارت وزیرِ خارجہ اسحاق ڈار نے کی۔ اجلاس میں وزرائے قانون و انصاف، آبی وسائل، اٹارنی جنرل، سینئر حکام اور ماہرین شریک ہوئے ۔
دو روز کے لئے جنگ بندی کا اعلان ک
وزیر خارجہ اسحاق ڈار نے اجلاس سے گفتگو میں کہا کہ انڈس واٹر ٹریٹی کو معطل کرنا بھارت کا یکطرفہ اور غیر قانونی اقدام ہے، بھارت کا اقدام بین الاقوامی قوانین، ریاستی تعلقات کے اصولوں اور معاہدے کی خلاف ورزی ہے۔ انہوں نے کہا کہ انڈس واٹر ٹریٹی خطے کے استحکام کے لیے ناگزیر ہے، انڈس واٹر ٹریٹی کی حرمت کا ہر صورت تحفظ کیا جائے گا۔
اسحاق ڈار نے کہا کہ دریائے سندھ کے پانی پاکستان کے 24 کروڑ عوام کی زندگی کا ذریعہ ہیں، بھارت کے پانی کو بطور ہتھیار استعمال کرنے کی کوششوں کی مذمت کرتے ہیں۔ انہوں نے کہا کہ پاکستان انڈس واٹر ٹریٹی پر مکمل عملدرآمد کے لیے اپنی کوششیں جاری رکھے گا، پاکستان اپنے پانی کے حقوق اور عوام کی فلاح کے تحفظ کے لیے جدوجہد جاری رکھے گا ۔
دہشتگردوں کیجانب سے معصوم شہریوں کو نشانہ بنانا بزدلانہ عمل ہے؛ شیری رحمان
.ذریعہ: City 42
کلیدی لفظ: اسحاق ڈار نے نے کہا کے لیے کہا کہ
پڑھیں:
بھارتی وزیر داخلہ کا بیان من گھڑت باتوں سے بھرپور ہے؛ ترجمان دفتر خارجہ
سٹی 42 : ترجمان دفتر خارجہ شفقت علی خان نے کہا ہے کہ پاکستان بھارتی پارلیمنٹ میں "آپریشن سندور" سے متعلق بھارتی راہنماؤں کے بے بنیاد الزامات اور اشتعال انگیز دعوؤں کو مکمل مسترد کرتا ہے۔ یہ بیانات حقائق کو توڑ مروڑ کر پیش کرنے اور جارحیت کو جواز فراہم کرنے کی خطرناک کوشیش کے عکاس ہیں۔
ترجمان دفتر خارجہ نے بھارتی پارلیمنٹ میں "آپریشن سندور" پر ہونے والی بحث سے متعلق میڈیا سوالات پر جواب دیا، کہا کہ یہ بیانات عوامی مقبولیت حاصل کرنے کی خطرناک روش کی عکاسی کرتے ہیں۔ دنیا جانتی ہے کہ بھارت نے بلاتصدیق شواہد یا قابلِ اعتبار تحقیقات کے پاکستان پر حملہ کیا۔ شفقت علی خان نے بتایا کہ 6 اور 7 مئی کی درمیانی شب بھارت نے جس مبینہ دہشتگرد ڈھانچے کو نشانہ بنایا، وہاں معصوم مرد، خواتین اور بچے شہید ہوئے۔
تبادلوں کے منتظر اساتذہ کے لئےاچھی خبر
ترجمان دفتر خارجہ کے مطابق بھارت اپنے اس حملے میں کوئی تزویراتی کامیابی حاصل نہ کر سکا۔ اس کے برعکس، پاکستان نے بھارتی لڑاکا طیاروں اور فوجی اہداف کو مؤثر طور پر نشانہ بنا کر شاندار کامیابی حاصل کی۔ پاکستان کی شاندار کامیابی ناقابلِ تردید حقیقت ہے۔ انہوں نے کہا کہ بھارتی راہنماؤں کو اپنے عوام کو گمراہ کرنے کی بجائے اپنی افواج کو ہونے والے نقصانات کو تسلیم کرنا چاہیے۔ انہیں جنگ بندی کے قیام میں تیسرے فریق کے کردار کو تسلیم کرنا چاہیے۔
صحت کے منصوبوں کی موثر نگرانی کیلئے مانیٹرنگ کا نیا نظام وضع
ترجمان دفتر خارجہ شفقت علی خان نے بتایا کہ بھارت نے پاکستان کے وزیراعظم کی شفاف اور غیرجانبدار تحقیق کی فوری پیشکش کو قبول نہیں کیا۔ اس کے برعکس، بھارت نے جارحیت اور طاقت کے استعمال کا راستہ اپنایا۔ بھارت خود ہی منصف، مدعی اور جلاد بن گیا۔ اس پس منظر میں "آپریشن مہادیو" سے متعلق بھارتی دعوے ہمارے لیے کوئی معنی نہیں رکھتے۔
ترجمان دفتر خارجہ نے بتایا کہ بھارتی وزیر داخلہ کا بیان من گھڑت باتوں سے بھرپور ہے، بھارتی وزیر داخلہ کے بیان کی ساکھ پر سنگین سوالات اٹھتے ہیں۔ کیا یہ محض اتفاق ہے کہ پہلگام حملے کے مبینہ ملزمان عین اسی وقت مارے گئے جب لوک سبھا میں بحث کا آغاز ہوا؟۔ شفقت علی خان کا کہنا ہے کہ بھارت کی جانب سے "نئے معمول" کے بیانات کو بھی پاکستان واضح طور پر مسترد کرتا ہے۔ مئی 2025 میں پاکستان کے پُرعزم جواب نے واضح کر دیا کہ وہ کسی بھی مستقبل کی جارحیت کا منہ توڑ جواب دے گا۔
ایف آئی اے کا شیخوپورہ پاسپورٹ آفس چھاپہ، 3 ملزمان گرفتار
ترجمان دفتر خارجہ کے مطابق ہمارے لیے دوطرفہ تعلقات کا واحد "معمول" اقوام متحدہ منشور کے اصولوں، خودمختاری، اور علاقائی سالمیت کا احترام ہے۔ بھارت کی طرف سے پاکستان پر "ایٹمی بلیک میلنگ" کا الزام ایک گمراہ کن اور خود ساختہ بیانیہ ہے۔ بھارت اس کے ذریعے اپنی اشتعال انگیزی کو چھپانے اور پاکستان پر الزام دھرنے کی کوشش کر رہا ہے۔ انہوں نے کہا کہ دنیا جانتی ہے کہ پاکستان نے بھارت کو روایتی عسکری صلاحیت کے ذریعے مؤثر طور پر روکا۔
بلوچستان : سکولوں کی چھٹیوں میں 20 روز تک اضافہ کیا جائے ،ڈائریکٹر سکولز کو درخواست
ترجمان دفتر خارجہ نے کہا کہ پاکستان کے عسکری رویے کی بنیاد نظم و ضبط اور تحمل پر ہے۔ بھارت کی طرف سے سندھ طاس معاہدے پر دیے گئے بیانات بھی بے بنیاد ہیں۔ بھارت کا معاہدے کو معطل کرنا بین الاقوامی معاہدوں کی سنگین خلاف ورزی ہے۔ بھارت کا معاہدے کو معطل کرنا علاقائی تعاون کی بنیادوں پر حملہ ہے۔ انہوں نے کہا کہ بھارت کو اس یکطرفہ اور غیرقانونی اقدام پر فخر کرنے کے بجائے فوری طور پر معاہدے کی پاسداری کرنی چاہیے۔ بھارت کا مسلسل جھوٹ، جنگی جنون، اور اشتعال انگیزی جنوبی ایشیا کو غیر مستحکم کرنے کا باعث بن سکتی ہے۔ پاکستان ایک ذمہ دار ملک کی حیثیت سے خطے میں امن، استحکام اور تمام تصفیہ طلب مسائل بشمول مسئلہ کشمیر کے حل کے لیے بامقصد مذاکرات کے لیے پُرعزم ہے۔
ورلڈچیمپئن شپ آف لیجنڈزکےسیمی فائنل کابھارتی سپانسربھاگ گیا
غزہ کو بھوکا مارنے کا منصوبہ، مجرم کون ہے؟