سی ڈی اے اور نسٹ یونیورسٹی کے درمیان مفاہمتی یادداشت پر دستخط
اشاعت کی تاریخ: 29th, April 2025 GMT
سی ڈی اے اور نسٹ یونیورسٹی کے درمیان مفاہمتی یادداشت پر دستخط WhatsAppFacebookTwitter 0 29 April, 2025 سب نیوز
اسلام آباد(سب نیوز)چیئرمین کیپیٹل ڈیولپمنٹ اتھارٹی (سی ڈی اے)محمد علی رندھاوا کی زیر صدارت سی ڈی اے ہیڈکوارٹرز اسلام آباد میں ایک اہم اجلاس منعقد ہوا۔ اجلاس میں ممبر ایڈمن، ممبر پلاننگ، نسٹ کے وفد، ڈائریکٹر ہیومن ریسورس ڈویلپمنٹ سی ڈی اے سمیت دیگر اعلی افسران نے شرکت کی۔اجلاس میں سی ڈی اے اور نیشنل یونیورسٹی آف سائنس اینڈ ٹیکنالوجی (نسٹ)کے درمیان مفاہمت کی ایک یادداشت پر دستخط کئے گئے جسکا مقصد سی ڈی اے کے مختلف شعبہ جات میں افرادی قوت کی کمی کو شفافیت اور اہلیت کی بنیاد پر مبنی ریکروٹمنس کے جدید، فول پروف اور کمپیوٹر بیسڈ ٹیسٹنگ اور مارکنگ کے نظام کے تحت بھرتی کرنا ہے کیونکہ سی ڈی اے نہ صرف محنتی، قابل، تعلیم یافتہ، آئی ٹی ٹیکنالوجی کر عبور رکھنے والے بہتر سے بہترین افرادی قوت کے اضافے کیلئے پرعزم ہے بلکہ اس معاہدے کے تحت سی ڈی اے میں مختلف ونگز میں افرادی قوت کی بھرتی کیلئے نسٹ یونیورسٹی کا میرٹ اور ریکروٹمنٹ کا شاندار ٹریک ریکارڈ کے باعث انتخاب کیا ہے۔
جسمیں امیدواروں کی درخواستوں کی سیکروٹنی، کمپیوٹر بیسڈ تحریری ٹیسٹ لئے جائیں گے جو مکمل طور پر کمپیوٹر بیسڈ ہوں گے۔ ان امتحانات کا انعقاد نسٹ یونیورسٹی کرے گی جن کی نگرانی کے تمام مراحل سائنٹیفک اور خودکار نظام کے تحت نسٹ یونیورسٹی مکمل کرے گی۔چیئرمین سی ڈی اے محمد علی رندھاوا نے اس موقع پر کہا کہ سی ڈی اے کو تعلیم یافتہ، ہنر مند، باصلاحیت، محنتی اور قابل افراد کی تلاش ہے اور ان ٹیسٹوں کا مقصد صرف بھرتی نہیں بلکہ معیار، شفافیت اور میرٹ کو ترجیح دینا ہے۔ انہوں نے اس بات پر زور دیا کہ ٹیسٹ کی کوالٹی اعلی ہونی چاہیے تاکہ صحیح معنوں میں ٹیلنٹ کو سی ڈی اے کا حصہ بنایا جائے۔چیئرمین سی ڈی اے نے کہا کہ سی ڈی اے میں بھرتی کا عمل شفافیت، اہلیت اور قابلیت کو بنیاد بنا کر مکمل کیا جائے گا، تاکہ ادارے کو جدید تقاضوں سے ہم آہنگ پیشہ ور میسر ہوسکے۔ انہوں نے مزید کہا کہ ادارے کی کارکردگی کو مزید بہتر بنانے کیلئے انسانی وسائل کا جدید اور مانیٹرنگ کا موثر نظام ناگزیر ہے اور اس مقصد کیلئے نسٹ یونیورسٹی کے ساتھ شراکت داری ایک اہم سنگِ میل ہے۔
سی ڈی اے اعلی تعلیم یافتہ، محنتی، قابل اور جدید آئی ٹی کے تقاضوں سے ہم آہنگ نوجوانوں کو روزگار کے مساوی اور شفاف مواقع فراہم کرنے کیلئے پرعزم ہے۔ چیئرمین سی ڈی اے نے اس بات پر زور دیا کہ سی ڈی اے اور نسٹ مستقبل میں بھی مختلف شعبوں میں تعاون جاری رکھیں گے اور نسٹ کی جدید تحقیق سے بھرپور فائدہ اٹھایا جائے اور اس کے ساتھ سی ڈی اے کو جدید تقاضوں سے ہم آہنگ کیا جائے گا۔ چیئرمین سی ڈی اے نے اس امید کا اظہار کیا کہ نسٹ کی اکیڈیمیا اور سی ڈی اے کے مابین اشتراکِ عمل کو فروغ دے کر قومی ترقی، جدت اور استعداد کار میں بہتری لائی جائے گی۔ نسٹ کے وفد نے سی ڈی اے کی کارکردگی کو سراہتے ہوئے چیئرمین سی ڈی اے کو یقین دلایا کہ نسٹ میرٹ، شفافیت اور کمپیوٹر بیسڈ جدید ٹیکنالوجی کے ذریعے سی ڈی اے میں بھرتی کیلئے امیدواروں کی ریکروٹمنٹ کرے گا تاکہ وہ سی ڈی اے کا حصہ بن کر سی ڈی اے کے پلیٹ فارم سے اسلام آباد اور ملک کی ترقی و خوشحالی میں اپنا بھرپور کردار ادا کرسکیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرامریکی حکومت کو اعتماد کے عالمی بحران کا سامنا ہے، چینی میڈیا پہلگام واقعہ کے بعد پاک بھارت کشیدگی: ملک کے تمام ائیر پورٹس پر سکیورٹی سخت کر دی گی جاسوسی کی کوشش ناکام، پاک فوج نے ایل او سی پر بھارتی کواڈ کاپٹر مار گرایا پناہ گزینوں کی میزبانی کرنیوالے ممالک کو گرانٹس دی جائے: پاکستانی مندوب افتخار احمد علاقائی حریف کی سرپرستی میں دہشت گردی کا سامنا ہے: پاکستانی قونصلر جواد اجمل لاہور کیلئے اعزاز، نیویارک، لندن، واشنگٹن، برلن، استنبول، پیرس سے زیادہ محفوظ قرار مشترکہ مفادات کونسل نے دریائے سندھ سے نہریں نکالنے کا منصوبہ ختم کردیاCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: نسٹ یونیورسٹی سی ڈی اے اور اور نسٹ
پڑھیں:
ایران کے بارے میں آئی اے ای اے کی رپورٹ پریشان کن ہے: امریکی چیئرمین جوائنٹ چیفس آف سٹاف
امریکی چیئرمین جوائنٹ چیفس آف سٹاف جنرل ڈین ٗکین نے جمعرات کو اعلان کیا کہ بین الاقوامی جوہری توانائی ایجنسی (IAEA) کی جانب سے ایران کے بارے میں جاری کردہ ایک نئی رپورٹ پریشان کن ہے اور امریکہ اس پیش رفت پر گہری نظر رکھے ہوئے ہے۔
ڈین کین نے امریکی کانگریس کے اراکین کو بتایا کہ ایسا لگتا ہے کہ بین الاقوامی برادری اس بات پر غور کر رہی ہے کہ ایجنسی کے اس تازہ ترین فیصلے کے بعد ایسا کیا کیا جائے کہ جس میں ایران کو جوہری عدم پھیلاؤ کی ذمہ داریوں کی خلاف ورزی کرنے والا قرار دیا جائے۔
دوسری طرف جرمن وزیر خارجہ جوہان وڈے فل نے جمعرات کو روم میں اپنے اطالوی ہم منصب انتونیو تاجانی کے ساتھ ایک پریس کانفرنس کے دوران کہا کہ ان کا ملک ایران کے جوہری ہتھیاروں کے حامل ہونے کو قبول نہیں کرے گا۔ ہر کوئی کسی بھی طرح کی کشیدگی سے بچنا چاہتا ہے۔ ہم اس کے ساتھ کھڑے نہیں رہیں گے اور ایران کو جوہری ہتھیاروں سے لیس ہوتے نہیں دیکھیں گے۔ انہوں نے کہا کہ وہ آج رات مشرق وسطیٰ کا دورہ کریں گے اور اتوار کو اسرائیل کا دورہ کریں گے جہاں ایرانی مسئلے پر بات چیت کی جائے گی۔
دریں اثنا فرانس نے جمعرات کو ایران کی جانب سے یورینیم کی افزودگی کی نئی سائٹ بنانے کے منصوبے پر تشویش کا اظہار کیا۔ فرانس کی وزارت خارجہ کے ترجمان نے جمعرات کو کہا کہ ہم افزودگی کی صلاحیت میں نمایاں اضافے کے حوالے سے مختلف بیانات کو بڑی تشویش کے ساتھ دیکھ رہے ہیں، خاص طور پر ہم نئے انفراسٹرکچر کی تعمیرکے اقدامات کی شدید مذمت کرتے ہیں۔
ایران کے سرکاری ٹیلی ویژن نے آج اطلاع دی ہے کہ ایران نے بین الاقوامی جوہری توانائی ایجنسی کے اس فیصلے کے خلاف جوابی اقدامات کا اعلان کیا ہے جس میں تہران کی جانب سے جوہری عدم پھیلاؤ کی ذمہ داریوں کی عدم تعمیل کا اعلان کیا گیا ہے۔ ایران نے ایک نئی افزودگی سائٹ کا افتتاح اور فورڈو جوہری تنصیب میں سینٹری فیوجز کی جدید کاری کا اعلان بھی کیا۔
Post Views: 2
ایک افریقی سیاسی راک اسٹار کی تقریر (حصہ دوم)