ہر گھڑی مزدور طبقے کیلئے اپنی کوشش جاری رکھوں گا، گورنر گلگت بلتستان
اشاعت کی تاریخ: 1st, May 2025 GMT
سید مہدی شاہ نے ایک پیغام میں کہا کہ موجودہ حالات کے پیش نظر مہنگائی کی وجہ سے دھاڑی دار طبقے بری طرح متاثر ہو چکے ہیں۔ اس لئے میں ہمہ وقت کوشاں ہوں کہ گلگت بلتستان کے عوام کو روزگار، غریبوں کو اسپیشل پیکجز وغیرہ فراہم کرا کر انکی زندگیوں میں خوشحالی لا سکوں۔ اسلام ٹائمز۔ گورنر گلگت بلتستان سید مہدی شاہ نے عالمی یوم مزدور کے موقع پر اپنے ایک پیغام میں کہا ہے کہ اس دن کو منانے کا مقصد امریکا کے شہر شکاگو کے محنت کشوں کی جدوجہد کو یاد کرنا ہے۔ انسانی تاریخ میں محنت و عظمت اور جدوجہد سے بھرپور استعارے کا دن یکم مئی ہے۔ 1884ء میں شکاگو میں سرمایہ دار طبقے کے خلاف اٹھنے والی آواز، اپنا پسینہ بہانے والی طاقت کو خون میں نہلا دیا گیا، مگر ان جاں نثاروں کی قربانیوں نے محنت کشوں کی توانائیوں کو بھرپور کر دیا۔ مزدوروں کا عالمی دن کارخانوں، کھتیوں کھلیانوں، کانوں اور دیگر کارگاہوں میں سرمائے کی بھٹی میں جلنے والے لاتعداد محنت کشوں کا دن ہے اور یہ محنت کش انسانی ترقی اور تمدن کی تاریخی بنیاد ہیں۔ گورنر سید مہدی شاہ نے مزید کہا کہ مہنگائی مزدوروں کی زندگیوں میں بہت بڑا بحران لے کر آئی ہے۔
گورنر کا کہنا تھا کہ موجودہ حالات کے پیش نظر مہنگائی کی وجہ سے دھاڑی دار طبقے بری طرح متاثر ہو چکے ہیں۔ اس لئے میں ہمہ وقت کوشاں ہوں کہ گلگت بلتستان کے عوام کو روزگار، غریبوں کو اسپیشل پیکجز وغیرہ فراہم کرا کر انکی زندگیوں میں خوشحالی لا سکوں اور انشاء اللہ ہر گھڑی مزدور طبقے کے لئے اپنی کوششیں جاری رکھوں گا۔ گورنر نے مزید کہا کہ تاریخ گواہ ہے پیپلزپارٹی نے ہمیشہ پسے ہوئے طبقے کی نمائندگی کی، پاکستان میں قائد عوام شہید ذوالفقار علی بھٹو نے مزدورں کے ڈھال بن کر ان کے حقوق کے لیے آواز بلند کی۔ لیکن بدقسمتی سے اب بھی مکمل طور پر مزدوروں کو محنت کے حساب سے اجرت نہیں ملتی، آج یکم مئی کے موقع پر مزدوروں سے مکمل یکجہتی کا اظہار کرتے ہوئے عہد کرتے ہیں کہ مزدور طبقے کی حقوق کے لئے ہمیشہ کوشاں رہیں گے۔
ذریعہ: Islam Times
کلیدی لفظ: گلگت بلتستان
پڑھیں:
جہانگیر خان کی انتھک محنت 20 سال بعد رنگ لے آئی، جدید اسپورٹس کلب کا افتتاح
کراچی:اسکواش لیجنڈ جہانگیر خان کی انتھک محنت اور کوششیں بیس سال کے طویل انتظار کے بعد بالآخر رنگ لے آئیں۔
کراچی میں کھیلوں کی جدید ترین سہولیات سے آراستہ جہانگیر خان اسپورٹس کلب کا افتتاح ہوگیا، اس موقع پر جے کے اسپورٹس کلب اور اسپورٹس جرنلسٹس ایسوسی ایشن آف سندھ (سجاس) کے تحت اسکواش رپورٹنگ ورکشاپ کا انعقاد کیا گیا۔
ورکشاپ میں سجاس کے ممبران و سینئر جرنلسٹس سمیت پاکستان اسپورٹس رائٹرز فیڈریشن کے سیکریٹری جنرل اصغر عظیم نے شرکت کی، اسکواش کوچ نوید عالم نے پوائنٹس اسکورنگ سمیت کھیل کے قوانین پر لیکچر دیا۔
تقریب تقسیم اسناد کے مہمان خصوصی جہانگیر خان نے کہا کہ جے کے اسپورٹس کلب میرے خوابوں کی تعبیر ہے، ہر وہ کھلاڑی جو چیمپئن بننے کی خواہش اور صلاحیت رکھتا ہے اسے جے کے اسپورٹس کلب کی سہولت مفت حاصل ہوں گی۔
انہوں نے کہا کہ میری کامیابی میں اسپورٹس جرنلسٹس کا کردار ناقابل فراموش ہے، اسکواش کے حوالے سے ورکشاپ کھیلوں کے نوجوان صحافیوں کے لیے معاون و مددگار ثابت ہوگی۔
سجاس کے صدر محمود ریاض اور سیکریٹری شاہد عثمان ساٹی نے ورکشاپ کے انعقاد پر جے کے کلب کا شکریہ ادا کیا، سجاس کی جانب سے جہانگیر خان کو گلدستہ، اجرک اور ٹوپی کے ساتھ یادگاری شیلڈ بھی پیش کی گئی۔
پاکستانی حجاج کی وطن واپسی کب شروع ہوگی؟