پوری قوم پاک فوج کے ساتھ کھڑی ہے، چوہدری یاسین
اشاعت کی تاریخ: 1st, May 2025 GMT
پی پی پی آزاد کشمیر کے صدر کا کہنا ہے کہ ہماری قیادت نے ہمیشہ تحریک آزادی کشمیر، استحکام پاکستان اور جمہوریت کی مضبوطی کیلئے قربانیاں دی ہیں۔ اسلام ٹائمز۔ صدر پاکستان پیپلز پارٹی آزاد کشمیر چوہدری محمد یاسین نے کہا ہے کہ پاکستان اور آزادکشمیر کا دفاع مضبوط ہاتھوں میں ہے، بھارت کا کشمیر پرحملہ گیڈر بھبکیوں کے مترادف ہے، پوری قوم پاک فوج کے ساتھ کھڑی ہے۔ میڈیا سے گفتگو کرتے ہوئے انہوں نے کہا کہ پیپلز پارٹی کی بنیاد ہی مسئلہ کشمیر کی بنیاد پر رکھی گئی، پیپلز پارٹی کی قیادت نے ہمیشہ تحریک آزادی کشمیر، استحکام پاکستان اور جمہوریت کی مضبوطی کیلئے قربانیاں دی ہیں۔ انہوں نے کہا کہ کشمیری عوام تکمیل پاکستان کی جنگ لڑ رہے ہیں اور اس مقصد کے حصول کیلئے لاکھوں کشمیری اپنی جانوں کے نذرانے پیش کر چکے ہیں، وہ وقت دور نہیں جب کشمیریوں کی دی ہوئی قربانیاں رنگ لائیں گی اور وہاں پر آزادی کا سورج طلوع ہو گا۔ انہوں نے کہا کہ سندھ طاس معاہدہ یکطرفہ معطل نہیں کیا جا سکتا، معاہدے میں لکھا ہے کہ اسے ختم کرنا ہے تو اتفاق رائے سے ہو گا، پانی 24 کروڑ پاکستانیوں کی لائف لائن ہے، پہلگام واقعہ کی آڑ میں بھارت ایسے اقدامات کر رہا ہے جو خطے کو جنگ کی طرف دھکیل رہے ہیں، اگر ہندوستان نے آبی جارحیت یا حملہ کرنے کی کوشش کی تو اسے بھرپور جواب دیا جائے گا۔
.ذریعہ: Islam Times
کلیدی لفظ: نے کہا
پڑھیں:
پی ڈی پی کی جدوجہد آئین، پرچم اور خصوصی حیثیت کے لیے ہے, التجا مفتی
ذرائع کے مطابق التجا مفتی نے پیپلز ڈیموکریٹک پارٹی کے 26ویں یوم تاسیس کے موقع پر سرینگر میں صحافیوں سے گفتگو کرتے ہوئے جموں و کشمیر کے سیاسی مستقبل کے بارے میں پارٹی کے موقف کی وضاحت کی۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں پیپلز ڈیموکریٹک پارٹی کی رہنما التجا مفتی نے کہا ہے کہ ہماری جدوجہد ریاستی حیثیت کے لیے نہیں بلکہ جموں و کشمیر کی خصوصی حیثیت، آئین اور پرچم کے لیے ہے۔ ذرائع کے مطابق التجا مفتی نے پیپلز ڈیموکریٹک پارٹی کے 26ویں یوم تاسیس کے موقع پر سرینگر میں صحافیوں سے گفتگو کرتے ہوئے جموں و کشمیر کے سیاسی مستقبل کے بارے میں پارٹی کے موقف کی وضاحت کی۔ انہوں نے کہا کہ پی ڈی پی 5 اگست 2019ء کے واقعات کے بعد سے اپنے اس موقف پر قائم ہے۔ انہوں نے کہا کہ پی ڈی پی مقبوضہ جموں و کشمیر کی تاریخ کے سب سے مشکل ترین ادوار میں سے ایک دور میں ابھری ہے اور آج کے مشکل حالات میں بھی اپنا کردار ادا کر رہی ہے۔ انہوں نے کہا کہ یہ دن ہمیں ”وقار کے ساتھ، امن اور لوگوں کے زخموں پر مرہم” کے مفتی محمد سعید اور محبوبہ مفتی کے وژن کی یاد دلاتا ہے۔ انہوں نے کہا کہ یہ وژن اب پہلے سے کہیں زیادہ اہمیت اختیار کر گیا ہے۔ انہوں نے دیگر سیاسی جماعتوں کو پیغام دیتے ہوئے کہا کہ جب آپ صرف ریاستی حیثیت کی بات کرتے ہیں تو آپ اصل مسئلے کو کمزور کر دیتے ہیں۔ میں کانگریس اور نیشنل کانفرنس سمیت تمام جماعتوں سے اپیل کرتی ہوں کہ وہ جموں و کشمیر کی خصوصی حیثیت کی بحالی کے لیے ایک ساتھ کھڑے ہوں۔ انہوں نے کہا کہ جنگ کبھی مسئلے کا حل نہیں ہوتا بلکہ بات چیت، مفاہمت اور مذاکرات سے ہی مسئلے کو حل کیا جا سکتا ہے۔
عمران خان نے تحریک انصاف میں انتشار پھیلانےوالوں کےخلاف کارروائی کا حکم دیا ہے، وزیر اعلیٰ خیبر پختونخوا علی امین گنڈا پور