یومِ مزدور کے عالمی موقع پر وزیراعلیٰ کا 84 ارب کا مجموعی پیکیج دینےکا اعلان
اشاعت کی تاریخ: 1st, May 2025 GMT
صبش ڑبوک: عالمی یومِ مزدور کے موقع پر وزیراعلیٰ پنجاب مریم نواز شریف نے محنت کشوں، ورکرز، اور کان کنوں کو زبردست خراجِ تحسین پیش کرتے ہوئے کہا ہے کہ ہر مزدور، ورکر اور محنت کش کی عظمت کو سلام ہے۔
اپنے پیغام میں وزیراعلیٰ نے کہا کہ "محنت کش اللہ کا دوست ہے، اور ہم اللہ کے دوست کی قدر و احترام کرتے ہیں۔" انہوں نے بتایا کہ حکومت پنجاب نے لیبر ڈے کے موقع پر محنت کشوں کے لیے تقریباً 84 ارب روپے کے مجموعی پیکیج کا اعلان کیا ہے۔
بس سٹاپس پر پنکھوں، الیکٹرک واٹر کولر کی چوری کو روکنے کا نیا حل
وزیراعلیٰ کے مطابق راشن کارڈ کے ذریعے ورکرز اور کان کنوں کو 3 ہزار روپے ماہانہ سبسڈی دی جائے گی۔جے ایس بینک کارڈ کے ذریعے محنت کش ڈیجیٹل کیش ٹرانسفر، ایڈوانس سیلری اور دیگر 13 سہولیات حاصل کر سکیں گے۔قصور اور سرگودھا میں 50،50 بیڈز کے سوشل سیکیورٹی اسپتالوں کا افتتاح کر دیا گیا ہے۔
رحیم یار خان میں بھی 50 بیڈ کا سوشل سیکیورٹی اسپتال بنایا جائے گا۔لاہور میں 200 بیڈز پر مشتمل جدید ترین کارڈیک سٹی صرف محنت کشوں کے لیے قائم کیا جائے گا۔ٹیلی کلینکس کے ذریعے ورکروں کو ماہر معالجین سے علاج کی سہولیات میسر آئیں گی۔ٹیکسلا میں نئی لیبر کالونی اور سندر اسٹیٹ میں ورکر ویلفیئر کمپلیکس کا افتتاح کر دیا گیا ہے۔واربرٹن میں نئی لیبر کالونی اور ملتان میں فیز ٹو کا آغاز بھی کیا جائے گا۔خواتین ورکرز کے لیے فیکٹریوں میں 300 ڈے کیئر سنٹرز قائم کیے جا رہے ہیں۔
اُن کا مزید کہنا ہے کہ صوبہ بھر میں کم از کم اجرت کی ادائیگی کو یقینی بنایا جا رہا ہے۔محنت کشوں کے بغیر کوئی قوم ترقی کی منزلیں طے نہیں کر سکتی۔ محنت کش بھائیوں کی عظمت کو سلام پیش کرتی ہوں، حکومت ہر قدم پر آپ کے ساتھ کھڑی ہے۔
پاکستان ائیر فورس کی بروقت کارروائی،بھارتی رافیل طیارے راہ فرار اختیار کر گئے
.ذریعہ: City 42
پڑھیں:
سندھ حکومت کا تعلیم میں عالمی معیار لانے کا پختہ عزم ہے، مراد علی شاہ
فائل فوٹووزیراعلیٰ سندھ مراد علی شاہ نے کہا ہے کہ سندھ حکومت کا تعلیم میں عالمی معیار لانے کا پختہ عزم ہے۔
کراچی میں ٹیچنگ لائسنس کی تقسیمِ اسناد کی تقریب وزیراعلیٰ ہاؤس میں ہوئی جس میں مراد علی شاہ بطور مہمانِ خصوصی شریک ہوئے۔
اس موقع پر تقریب سے خطاب کرتے ہوئے مراد علی شاہ نے کہا کہ ٹیچنگ لائسنس کا اجرا ایک تاریخی سنگِ میل ہے، سندھ کا تعلیمی مستقبل علم، اخلاق اور عمدگی پر استوار ہوگا۔
وزیراعلیٰ سندھ نے کہا کہ تعلیمی اصلاحات کا مرکز و محور استاد ہیں، بغیر استاد کے کوئی تعلیمی اصلاح ممکن نہیں، لائسنسنگ سے اساتذہ کا وقار اور کارکردگی میں اضافہ ہوگا، سندھ حکومت کا تعلیم میں بین الاقوامی معیار قائم کرنے کا عزم ہے۔
مراد علی شاہ نے کہا کہ یہ آغاز ہے، ہم معیاری تعلیم کی جانب بڑھ رہے ہیں، معیاری تعلیم کا آغاز معیاری اساتذہ سے ہوتا ہے، سندھ میں پہلی بار ٹیچنگ لائسنس ٹیسٹ کی تکمیل پر فخر ہے، ٹیچنگ لائسنس پالیسی دور اندیش اور جرات مندانہ قدم ہے۔
وزیراعلیٰ سندھ نے کہا کہ اساتذہ کی لائسنسنگ نظامِ تعلیم میں انقلابی قدم ہے، اساتذہ کی قابلیت اور جوابدہی اب یقینی بنائی جائے گی، اسکول سے زیادہ ٹیچرز کی ضرورت ہے، روشنی دکھا کر لوگوں کو بیچ میں نہیں چھوڑ سکتے۔
انہوں نے کہا کہ تعلیم اسکول سے پہلے گھر سے شروع ہوتی ہے، سب کو اسکول میں پہلا دن یاد ہوتا ہے، 16 فیصد اساتذہ ٹیچنگ لائسنس میں پاس ہوئے ہیں، ہمیں سب جلد سے جلد کرنا ہے، آج سے 50 سال پہلے بہت اسکول تھے، یہ نظام 40 سے 50 سال قبل خراب ہوا ہے۔
وزیراعلیٰ سندھ نے کہا کہ پہلے پڑھائی ہوا کرتی تھی، ہم نے میرٹ پر بھرتیاں کی ہیں، یہ اساتذہ اب بچوں کو تیار کریں گے، سیاست کوئی پروفیشن نہیں اس لیے لائسنس نہیں لینا پڑتا، ہمیں لوگوں کو ریلیف فراہم کرنا ہوتا ہے۔
وزیراعلیٰ سندھ نے کہا کہ قیادت سے کبھی ڈانٹ پڑی تو اس بات پر کہ کسی نے شکایت کی کہ ان کے علاقے میں کوئی کام نہیں ہوا، میں اپنے اساتذہ کی آج بھی بے حد عزت کرتا ہوں جتنی والدین کی کرتا ہوں، اچھا استاد وہ ہے جو اپنے شاگردوں کو کامیاب دیکھ کر خوش ہوتا ہے۔
پاکستان، سعودی عرب تعلقات، سرمایہ کاری، تکنیکی تعاون بڑھانے پر متفق