بلوچستان: انٹر کے امتحانات آج سے شروع ہوگئے
اشاعت کی تاریخ: 2nd, May 2025 GMT
— فائل فوٹو
کوئٹہ سمیت بلوچستان بھر میں انٹرمیڈیٹ کے سالانہ امتحانات آج سے شروع ہوگئے۔
بلوچستان میں انٹرمیڈیٹ کے سالانہ امتحانات بورڈ آف انٹرمیڈیٹ اینڈ سیکنڈری ایجوکیشن کوئٹہ کے زیر انتظام ہو رہے ہیں۔
چیئرمین بلوچستان بورڈ محمد اسحاق کے مطابق امتحانات میں100937 امیدوار حصہ لے رہے ہیں جبکہ امتحانات کے لیے صوبے بھر میں 252 امتحانی مراکز قائم کئے گئے ہیں۔
بلوچستان بورڈ آف انٹرمیڈیٹ اینڈ سیکنڈری ایجوکیشن نے صوبے میں ایف اے/ایف ایس سی انٹرمیڈیٹ کے سالانہ امتحانات کی نئی ڈیٹ شیٹ جاری کردی۔
محمد اسحاق نے بتایا کہ آج اور کل انٹرمیڈیٹ کے آرٹس گروپ کے پرچے ہوں گے جبکہ 5 مئی سے سائنس گروپ کے پرچے بھی شروع ہو جائیں گے۔
چئیرمین بلوچستان بورڈ کا کہنا ہے کہ امتحانات کے لیے بھرپور انتظامات کئے گئے ہیں۔
اس سے قبل یہ امتحانات 22 اپریل سے شروع ہونا تھے تاہم ناگزیر وجوہات کی بناء پر ملتوی کردیے گئے تھے۔
.ذریعہ: Jang News
کلیدی لفظ: انٹرمیڈیٹ کے سالانہ امتحانات
پڑھیں:
بھارتی ریاست اتراکھنڈ میں ہیلی کاپٹر حادثہ، 7 افراد ہلاک ہوگئے
نئی دہلی ( اُردو پوائنٹ اخبارتازہ ترین۔ 15 جون 2025ء ) بھارت کی ریاست اتر آکھنڈ میں ہیلی کاپٹر گر کر تباہ ہوگیا جس کے نتیجے میں 7 افراد ہلاک ہوگئے۔ بھارتی میڈیا کے مطابق حادثے کا شکار ہیلی کاپٹر کیدارناتھ سے گپت کاشی کے لیے روانہ ہوا تھا کہ بھارتی ریاست اترا کھنڈ کے ضلع رودرا پریاگ میں ہیلی کاپٹر گر کر تباہ ہوگیا اس حادثے میں کم از کم 7 افراد ہلاک ہوئے، ہیلی کاپٹر آریان ایوی ایشن پرائیویٹ لمیٹڈ کا تھا جو کیدارناتھ سے گپت کاشی کے لیے روانہ ہوا تھا لیکن اڑان بھرنے کے کچھ دیر بعد ہی گوری کند اور تری جوگی نارائن کے درمیان گر کر تباہ ہوگیا۔ بتایا گیا ہے کہ ہیلی کاپٹر صبح ساڑھے پانچ بجے روانہ ہوا تھا، حادثے کے وقت علاقے میں دھند اور خراب موسم کی وجہ سے حدِ نگاہ کم تھی ممکنہ طور پر اسی وجہ سے حادثہ پیش آیا، حادثے کی اطلاع ملتے ہی پولیس اور ایس ڈی آر ایف کی ٹیمیں موقع پر روانہ کر دی گئیں جب کہ وزیرِاعلیٰ پشکر سنگھ دھامی نے واقعے پر افسوس کا اظہار کرتے ہوئے ریسکیو ٹیموں کو فوری امدادی کارروائیاں تیز کرنے کی ہدایت کردی۔(جاری ہے)
بتایا جارہا ہے کہ چند روز قبل ہی بھارتی ریاست اتراکھنڈ میں تکنیکی خرابی کے باعث ایک نجی ہیلی کاپٹر نے سڑک پر ہنگامی لینڈنگ کی تھی، ہیلی کاپٹر کو اڑان بھرنے کے فوری بعد ہی ہنگامی لینڈنگ کرتے ہوئے دیکھا گیا، لینڈنگ کے بعد کافی دیر تک ہیلی کاپٹر ہچکولے بھی کھاتا رہا، اس میں سوار تمام پانچ مسافر محفوظ رہے تاہم پائلٹ کو معمولی چوٹیں آئیں، اسی روٹ پر گزشتہ تیس دنوں کے دوران ہیلی کاپٹر کو حادثے کا یہ چوتھا واقعہ تھا۔
پہلی حج پرواز سعودی عرب سے 340 حجاج کو لے کر اسلام آباد پہنچ گئی